පාතිමොක්ඛ සාරය - ඤාණසාර හිමි 1935.pdf
- කතෘ :
- කේ. ඤාණසාර හිමි
- ප්‍රකාශිත වර්ෂය :
- 1935
- මුද්‍රිත වර්ෂය :
- 1935
- පිටු ගණන :
- 38
- බාගත කිරීම් ගණන :
- 1,243
- වෙබ් අඩවියට එක් කළ දිනය :
- 2021-01-02
- ගොනුවේ ප්‍රමාණය :
- 8.9 MB
පොතේ පිටු කිහිපයක ඡායාරූප පහතින් බලන්න.
පාතිමොක්ඛ සාරය යනු වේරගල සිරි සංඝබෝධි රජ මහා විහාර වාසී ගෞරවනීය කේ. ඤාණසාර ස්වාමින් වහන්සේ විසින් සම්පාදනය කරන ලද, භික්‍ෂු ප්‍රාතිමෝක්‍ෂය පිළිබඳ විනය ග්‍රන්ථයකි. බුද්ධ වර්ෂ 2478 (ක්‍රි.ව. 1935) දී ඇතුළු කෝට්ටේ පී. ඩී. කැරෝලිස් අප්පුහාමි මහතාගේ ප්‍රකාශනයෙන් සහ කෝට්ටේ මුද්‍රණාලයෙන් (Kotte Press) මෙය මුද්‍රණය කරවා ඇත.
භික්ෂූන් වහන්සේලාට පමණක් නොව විනය පිළිබඳ හදාරන සැදැහැවත් ගිහි පින්වතුන්ට ද පහසුවෙන් අවබෝධ කරගත හැකි වන පරිදි ප්‍රාතිමෝක්ෂ ශික්ෂාපදයන්හි සාරාර්ථය සිංහලෙන් පැහැදිලි කරදීම මෙහි අරමුණයි. කංඛාවිතරණී අටුවාව පරිශීලනය කිරීමේදී ඇතිවන වෙහෙස දුරු කරමින් ශික්ෂාපද, කර්ම, සීමා සහ උපෝසථ විධි කෙටියෙන් හා පැහැදිලිව ඉදිරිපත් කර ඇත.
මෙහි අන්තර්ගත ප්‍රධාන මාතෘකා අතර:
- පාරාජිකාපත්ති
- සංඝාදිසේසාපත්ති
- අනියතාපත්ති
- නිස්සග්ගිය පාචිත්තිය
- පාචිත්තියාපත්ති
- පාටිදෙසනීයාපත්ති
- සේඛියා ධර්ම සහ අධිකරණ සමථ
සංඥාපනය.
ශ්‍රීමත් සුගත තථාගත අඞ්ගීරස සම්මා සම්බුදුරජාණන් වහන්සේ විසින් දෙසනාකර වදාළ සූත්‍ර, අභිධර්‍ම, විනය යන පිටකත්‍රය ධර්‍මය අතුරෙන් විනය පිටකය භික්‍ෂු භික්‍ෂුණීන්ගේ සංවරය පිණිස වදාරණලදී ඒ ධර්‍මයම ශාසනයාගේ ආයුෂයවේ එහෙයින් ගිහි පැවිදි සියල්ලන් විසින්ම මේ ධර්‍මය පිළිබඳ මනා ඉගෙනීමක්-හික්මීමක්-ඇතිකරගත යුතුය. විශේෂයෙන්ම භික්‍ෂූන්වහන්සේලා විසින් ප්‍රාණය මෙන් මේ ධර්‍මය භාවිතා කලයුතුය. මෙකල නගරබද භික්‍ෂූන්වහන්සේලා සංස්කෘතාදි පර භාෂා ඉගෙනීමෙන් කාලය විනාශකරති.
පිටිසර පලාත්වාසී භික්‍ෂූහු විනය කුමක්දැයි නොදනිති. විනය නොදත් අයට කුමන මහණකමක්ද? යකාදුරුකම් කිරීම, වෙදකම් කිරීම, නඩුකීම ආදී නොයෙක් දුශ්චරිතාකාරෙමින් ගිහින්ට වඩා පාපහර චරිතයක් ගතකරමින් අප රටේ හැසිරෙන ශ්‍රමණ වෙසධාරීන් නිසා සම්බුද්ධ ශාසනය පිරිහීගෙන යයි. මීට හේතුව ගිහි බෞද්ධයන්ගේ විනය නොදැනීමයි. එබැවින් ගිහියන් විසින්ද විනය ඉගෙන ගතයුතුයි. ගිහියන්ට විනය කියාදීම නරකයයි බොරු මතයක් පවතී. ඒ දුර්මතය තිබෙනතුරු ශාසනය කිළිටි වෙයි එනිසා ශාසනාලය ඇති සියලු දෙනා විසින්ම විනය ඉගෙනගතයුතුයි. විනය ඉගෙනගන්නාවුන්ගේ ප්‍රයෝජනය පිණිසම ප්‍රාතිමොක්‍ෂයෙහි ශික්‍ෂාපදයන්ට භාවයක් ලියන්ට අදහස් කෙළෙමි. තවද මෙම පොත ප්‍රාතිමොක්‍ෂය ඉගෙනගන්න භික්‍ෂූන්වහන්සේලාට ඉතා ප්‍රයෝජනවත්ය. “කඞ්ඛාවිතරණිය” බැලීමේ මහන්සිය මෙයින් දුරුවෙයි තවද උණ රෝගාදියෙන් කරදර පැමිණිහෙයින් මෙය එක වරකට වඩා බලන්නට අවකාශ නැතිවිය. අක්‍ෂරයන්ගේ අඩුපාඩු වීම් ගැන පඬුවෝ කමත්වා දෙවෙනි වර ඉතා පිරිසිදු ලෙස පිළියෙල කරන්නෙමි. ග්‍රන්ථය විශාල වන නිසා සමහර කරුණු ඇතුලත් නොකළෙමි. තවද අපගේ මේ ශාන්තියට මරදානේ සිරිනිකේතාරාම වාසි ගෞ, පූ, ජිනාරාම ස්ථවිරයන් වහන්සේ අත්‍යන්තෝපකාරිවූ බව කෘතඥපූර්‍වකව මතක්කරම්හ. මගේ මේ ව්‍යාපාරය සද්ධර්මා ලෝකය පිණිස පවතීවා.
මීට—කේ. ඤාණසාර.