සන්න සහිත වුත්තෝදය - විමලජෝති හිමි 1915.pdf
- කතෘ :
- සංඝරක්ඛිත හිමි
- ප්‍රකාශිත වර්ෂය :
- 1915
- මුද්‍රිත වර්ෂය :
- 1915
- පිටු ගණන :
- 34
- බාගත කිරීම් ගණන :
- 1,157
- වෙබ් අඩවියට එක් කළ දිනය :
- 2021-01-02
- ගොනුවේ ප්‍රමාණය :
- 11 MB
පොතේ පිටු කිහිපයක ඡායාරූප පහතින් බලන්න.
සන්න සහිත වුත්තෝදය යනු පොළොන්නරු යුගයේ වැඩවිසූ සංඝරක්ඛිත මහාස්ථවිරයන් වහන්සේ විසින් රචිත පාලි ඡන්දස් ශාස්ත්‍රීය ග්‍රන්ථය වන ‘වුත්තෝදය’ නම් මූල ග්‍රන්ථය සහ එහි පැරණි සන්නය ඇසුරින් සකස් කරන ලද ග්‍රන්ථයකි. වෛදික ඡන්දසින් බැහැරව ලෞකික ඡන්දස් ශාස්ත්‍රය පාලි භාෂාව හදාරන ශිෂ්‍යයන්ට පහසුවෙන් අවබෝධ කරවීම මෙහි මූලික අරමුණයි.
මෙම සංස්කරණය හික්කඩුවේ ශ්‍රී සුමංගල නාහිමියන්ගේ ශිෂ්‍යවර වෙන්නාවත්තේ ශ්‍රී කල්‍යාණීවංශිකාරාමාධිවාසී පූජ්‍ය ඇම්. විමලජෝති ස්ථවිරයන් විසින් විද්‍යෝදය පිරිවෙනේ උපප්‍රධානාචාර්ය නිහල්පොල දේවරක්ඛිත හිමියන්ගේ සහයද ඇතිව ශෝධනය කොට ප්‍රතිසංස්කරණය කර ඇත. ආධුනිකයන්ගේ පහසුව සඳහා ටීකාවල එන වැදගත් පාඨ මෙන්ම ප්‍රස්තාරාදී විස්තරද සහිතව මෙය සම්පාදනය කොට තිබේ.
මෙහි පරිච්ඡේද 6ක් පුරා පාලි ගාථා බන්ධන ක්‍රම, මාත්‍රා වෘත්ත, වර්ණ වෘත්ත හා ඡප්පච්චය විභාගය මැනවින් විස්තර කර ඇත. මෙම දෙවන මුද්‍රණය ක්‍රි.ව. 1915 දී බුත්ගමුවේ විද්‍යාලෝක මුද්‍රණාලයේදී ඩබ්ලිව්. ඩී. සිමියොන් අප්පුහාමි විසින් මුද්‍රණය කරවා ඇත.
සන්න සහිත වුත්තොදය
මෙම ඡන්දොග්‍රන්ථය මීට භවරුදු (800) අටසියයකින් පමණ පෙර මෙම ලක්දිව විසූ සංඝරක්ඛිත නම් මහාස්ථවිර කෙනෙකුන් විසින් ලෞකිකච්ඡන්දස්‍යානුවබොධය පිණිස පාළිභාෂාවෙන් රචනා කරන ලද්දකි.
මුන්වහන්සේ “සම්බන්ධචින්තා, සුබොධාලංකාර, ඛුද්දසිකටීකා” මොග්ගල්ලායන ව්‍යාකරණයට අයිති “සුසද්දසිද්ධි” යනාදි ග්‍රන්ථයන් කළ ගරුගාම්භීර පණ්ඩිතොත්තමයෙකි.
පිඞ්ගලමුනි ආදි ආචාර්‍ය්‍යවරයන් විසින් ප්‍රථමයෙහි යම් ඡන්දශ්ශාස්ත්‍රයක් කියන ලදද ඒ සුඛමාගධිකයන්ට ඡන්දශ්ශාස්ත්‍රයාගේ පරිඥානය සිද්ධ නොකෙරේ–එහෙයින් මාත්‍රාභෙද වර්‍ණභෙද ඇති ලක්‍ෂ්‍ය ලක්‍ෂණ දෙකින් යුක්තවූ ප්‍රසන්නවූ අර්ත්‍ථ ඇති පදක්‍රම ඇති වෛදිකච්ඡන්දසින් අන්‍යවූ ලෞකිකච්ඡන්දස ආශ්‍රයකලාවූ මෙම ග්‍රන්ථය ඒ ශුද්ධමාගධිකයන්ගේ සුඛාවබොධය පිණිස යථොක්ත පිඞ්ගලමුනි ආදීන් විසින් කවිතා ඡන්දශ්ශාස්ත්‍රානුසාරීව කළබව තමන් වාක්‍යවලින් ප්‍රකාශවේ.
එහෙයින් මෙම ග්‍රන්ථය පාලිභාෂොද්ග්‍රහණය කරණ ආධුනිකයන්ට ඡන්දශ්ශාස්ත්‍රානුවබොධය පිණිස අත්‍යන්තොපකාරීවේ.
මෙහි සන්නකාරීනා කිකලෙක විසූ කිනම් ඇත්තෙක් දැයි දැන ගැනීමට ඇඳිනියයුතු කරුණු නොපෙනේ–එතකුදු උවත් උගන්තා උගනෙක් බව අවශයෙන්ම කියයුතුයි.
මෙම සන්නය අනෙකෝදාහරණ දක්වමින් අතිවිස්තාරවශයෙන් කරතිබේ–ඇරත් ප්‍රස්තාරාදි ෂට් ප්‍රත්‍යය ආධුනිකයන්ට සුඛාවබොධ වන පරිද්දෙන් අතිවිස්තාර භාවසන්නයකින්ද යුක්ත කර තිබේ.
ගල්වාණේ විහාරාධිපතිව වැඩවිසූ මුල්ලේරියාවේ සිරිනිවාස මහාස්ථවිර ස්වාමිපාදයන් වහන්සේගේ ශිෂ්‍යවූ කොළඹ මාලිගාකන්දේ විද්‍යොදය පරිවෙණාධිපතිව වැඩවිසූ ත්‍රිපිටක වාගීශ්වරාචාර්‍ය්‍ය ශ්‍රී සුමංගලාභිධාන ප්‍රධාන නායක ස්ථවිර ස්වාමිපාදයානන් වහන්සේ වෙත ශාස්ත්‍රොද්ග්‍රහණ කළ වෙන්නාවත්තේ ශ්‍රී කල්‍යාණීවංශිකාරාමාධිවාසී මුල්ලේරියාවේ විමලජොති ස්ථවිර නැමැති මා විසින් ආධුනිකයන්ගේ සුඛාවබොධය සඳහා ටීකායෙහි ආ ඇතැම් පාඨද යථාස්ථානයෙහි බහා කොළඹ මාලිගාකන්දේ විද්‍යොදය පිරිවෙන්හි උපප්‍රධානාචාර්‍ය්‍ය නිහල්පොල දෙවරක්ඛිත යතිතුමන්ගෙන්ද ලබනලද ආධාරත් ඇතුව දෙවෙනිවරට ශුද්ධකොට සකස්කරණලදී.
M. Wimalajoti.