බාලාවතාර සුත්‍ර වර්ණනාව - වැලිතර ඤාණවිමල හිමි.pdf
cleaned
- කතෘ :
- වැලිතර ඤාණවිමල හිමි
- ප්‍රකාශිත වර්ෂය :
- 1914
- මුද්‍රිත වර්ෂය :
- 1914
- පිටු ගණන :
- 450
- බාගත කිරීම් ගණන :
- 860
- වෙබ් අඩවියට එක් කළ දිනය :
- 2021-01-02
- ගොනුවේ ප්‍රමාණය :
- 67 MB
පොතේ පිටු කිහිපයක ඡායාරූප පහතින් බලන්න.
බාලාවතාර සූත්‍රවර්ණනාව (Balawatara Suttra Warnanawa) කච්චායන පාලි ව්‍යාකරණයට ප්‍රවේශයක් වශයෙන් ධර්මකීර්ති හිමියන් රචනා කළ බාලාවතාරයේ සූත්‍ර සඳහා ලියැවුණු සිංහල විවරණයකි. වැලිතර විද්‍යාභාෂ පිරිවෙනේ අධිපති, අමරපුර නිකායේ ගණප්‍රධාන සංඝනායක ඤාණතිලක මාහිමියන්ගේ ශිෂ්‍ය වැලිතර ඤාණවිමල තිස්ස හිමියන් විසින් මෙය රචනා කරන ලදී.
කර්තෘ හිමියන්ගේ විඥප්තියට අනුව, බාලාවතාරයට ගඩලාදෙනි සන්නය, ඔකඳපල සන්නය (ලියන සන්නය), බලන සන්නය, සුගණ්ඨිසාරය, බාලාවතාර සූත්‍ර නිද්දේශය, බුද්ධඝෝෂ හිමියන්ගේ සාරාර්ථසංග්‍රහ ටීකාව සහ හික්කඩුවේ ශ්‍රී සුමඞ්ගල නායක හිමියන්ගේ සුබෝධිකා ටීකාව වැනි ව්‍යාඛ්‍යාන තිබුණද, සූත්‍ර සම්පූර්ණයෙන් විස්තර කරන සූත්‍රසංවර්ණනාවක් නොතිබිණි. තම ආචාර්යයන් පිරිවෙනේ උගන්වන ක්‍රමය ඇසුරු කොට, සෑම සූත්‍රයකටම ෂඩ්විධ වර්ණනාව (සම්බන්ධ, පද, පදත්ථ, පදවිග්ගහ, චෝදනා, පරිහාර), නිද්දේශය සහ නිෂ්පත්තිය ඇතුළත් කොට මෙම ග්‍රන්ථය සකස් කර ඇත.
ග්‍රන්ථය පාලි ග්‍රන්ථාරම්භ ගාථාවලින් ඇරඹී, බාලාවතාරයේ ආරම්භක ගාථාව සහ ‘අක්ඛරාපාදයො එකචත්තාළීසං’ ආදි සූත්‍ර පිළිවෙළින් විස්තර කරයි. උපාචාර්ය කවිධ්වජ වැලිතර ඤාණාවාස තිස්ස හිමියන් ශුද්ධ පත්‍රය සකස් කර සංශෝධනයට සහාය වූහ. වස්කඩුවේ ආර්යවංශතිලක නායක ස්ථවිරයන් විසින් ප්‍රශංසා කරන ලද මෙම ග්‍රන්ථය ජෝන් එඩ්වඩ් ද සිල්වා සූර්යබණ්ඩාර මුදලිතුමාට පුදන ලදී.
වැලිතර ඇම්. ඒ. ඩී. සිල්වා මුදලාලි මහතා විසින් වැලිතර විද්‍යාරත්නාකර යන්ත්‍රාලයෙහි 1914 දී මුද්‍රණය කරවන ලදී.
විඥප්තිය.
ශ්‍රී සුගත තථාගත දෙශිත මූලභාෂා සඞ්ඛ්‍යාත ශුද්ධ මාගධීමය ත්‍රිපිටක ධර්මාවබොධයෙහි මහොපකාරීභූත නෛක ශාස්ත්‍රාර්ණවපාරදර්ශී ස්වදේශ විදේශී ආචාර්‍ය්‍යවරප්‍රණීත සූත්‍රවෘත්ති ප්‍රයොගාත්මක ව්‍යාකරණ ග්‍රන්ථ අතුරෙන් අසීති මහාශ්‍රාවකාන්තර්ගත සිවුපිළිසිඹියපත් මහාකාත්‍යායන මහාස්වාමීන්විසින් දෙශනාකර වදාරණ ලද්දවූ කාත්‍යායන ප්‍රකරණය සමමය සර්වයාන්තර ප්‍රවීණ ශාස්ත්‍ර ප්‍රවෘත්තිඥ විශෙෂ පණ්ඩිතොත්තමයන් විසින් සුසම්භාවිත ග්‍රන්ථ රත්නයකි.
ඒ මේ අරහන්ත මහා කච්චායන ස්වාමිපාදොත්තම තෙමේ සනිරුත්තික ප්‍රවචනාදියෙහි දක්‍ෂතරතත්නාමික අන්‍ය තම ස්ථවිරතුමෙකැයි ලක්වැසි ඇතම් පඬිවරුන්ගේ සම්මතයකි.
ඒ වනාහි න්‍යාස සාරාර්ථමඤ්ජූසා රූපසිද්ධි තට්ටීකා සූත්‍ර නිද්දේශ කාත්‍යායන වණ්ණනා ශබ්දනීති තට්ටීකා කාත්‍යායන භෙද මහාටීකා යනාදි ග්‍රන්ථකාරාචාර්‍ය්‍යවරයන්ගේ මතාවලම්බනකාරී ආගම ශාස්ත්‍රාභිදක්‍ෂ සුධීශ්වරයන් එකහෙළා නොපිළිගත් කරුණකි.
එකශෘතියෙක් සහශ්‍ර ග්‍රන්ථධාරණයෙහි ප්‍රඥා ශක්තිමත් ශාරීපුත්‍රාදි ප්‍රශස්තටීකාචාර්‍ය්‍යවරයන් විසිනුදු නිසැකව පිළිගත් මෙබඳු කරුණු සංස්කෘත ප්‍රාකෘතාදි නෛකශාස්ත්‍රාභිදක්‍ෂ සමහර පඬිවරුන් නොපිළිගනු ලැබීම සාතිශය සාවද්‍යයකි.
හේ කෙසේවෙතත් කාත්‍යායනව්‍යාකරණය ශබ්දනීති මෞද්ගල්‍යායනාදි සෙසු ව්‍යාකරණයන්ට වඩා ප්‍රයොග සාධනයෙහි විචක්‍ෂණ භාවය පිණිස ලඞ්කා ස්‍යාම අමරපුරාදීරටවල හැම ඇදුරෝව ස්වකීය ශිෂ්‍යවරයන්ට උගන්වති.
සුවිමල විපුල ප්‍රඥාමෙධ්‍යා ජනකවූ තත් ව්‍යාකරණාවබොධයට පූර්වාංගමයකි තදවගාහනොපායභූත භදන්තාචාර්‍ය්‍ය ධර්මකීර්තිපාදප්‍රණීත බාලාවතාර ග්‍රන්ථය ග්‍රහණ ධාරණ වශයෙන් පරිශිලනයකරණු ලැබීම ශුද්ධමාගධික නිරුත්තියෙහි තත්පරවූවන් අතර අඛණ්ඩව පවත්නා මාහැඟි සිරිතකි.
ඒ එසේවූයේ ප්‍රථමකොටම ලක්‍ෂණප්‍රධානව සුවිහිත කාත්‍යායනොද්ග්‍රහණයෙන් මන්දබුද්ධීන්ට පද සිද්ධික්‍රම දුරවබොධ බැවින් හා ලක්‍ෂ්‍යප්‍රමුඛව ප්‍රතිපාදිත බාලාවතාරය තදර්ථසිද්ධිය සහිත කාත්‍යායන පාරාවාරවකරණයෙහි තරණයමාන වන බැවිනි.
බාලාවතාරෝද්ග්‍රහණාභිලාෂීන්ට තද්විජානනයෙහි සුඛාවතරණය සඳහා ලක්දිවැ සුවිශද බුද්ධිමතුන් විසින් ව්‍යාඛ්‍යාන, ටීකා, ගණ්ඨිපදමුඛයෙන් කලින්කල නිපදවනලද ග්‍රන්ථ රාශියක් විද්‍යමාන වන්නේයි.
ඉන් එකක් නම් ග්‍රන්ථකර්තෘ වහන්සේ විසින්ම කරණලදැයි කිසිවකු විසින් සලකනු ලබන ගඩලාදෙනි සන්නය නමින් ලොකප්‍රසිද්ධ ව්‍යාඛ්‍යානයවේ. එසේම ඔකඳපල සන්නය (නොහොත්) බාලාවතාර ලියන සන්නය, එම බලන සන්නය, සුගණ්ඨිසාරය, බාලාවතාර සූත්‍ර නිද්දේශයයි, තවත් පොත් කිහිපයක් ඇත්තේයි.
මෙයින් ගඩලාදෙනිසන්නය බාලාවතාරගත සූත්‍රයන්ගේ සාමාන්‍ය පද විභාගයක් සහිත වෘත්තියට පමණක් පදාර්ථ ඇති ඇතම් තැන් මදක් විනිශ්චයකොට පරව්‍යාකරණ ග්‍රන්ථයන්ගෙන්ද සාරවත් කරුණුයාකොට කරණලද්දේයි. ඔකඳපලසන්නය පද සිද්ධි මාත්‍රයක් නිදර්ශිතවූවකි. බලන සන්නය ගඩලාදෙනි සන්නයම ඇසුරුකොට කරතිබෙන බැවින් ගඩලාදෙනි සන්නය භාවිතාකරණු ලබන්නන්ට එය බැලීමෙන් වැඩිප්‍රයොජනයක් නොමැත්තේයි. සුගණ්ඨිසාරයෙන් ලද හැකි සියලු ප්‍රයොජන ගඩලාදෙනිසන්න, ඔකඳපල සන්න දෙකින්ම සම්පූර්ණවන්නේයි. සූත්‍රනිද්දේශයෙහි ඇති විශෙෂ ප්‍රතිඵලයනම් ඇතම් සූත්‍රයන්ගේ ලිඞ්ගවිභක්තිවචනයක් සහිත ඒසේම නිද්දේශ ක්‍රමයක් දැනගැන්මවෙයි. හෙද සියලු සූත්‍ර පිළිබඳ නොවන බැවිනුත් නිද්දේශ දැක්වීමද බෙහෙවින් අශොභන බැවිනුත් මන්දබුද්ධීන්ට සම්පූර්ණ හිතාවහ නොවන්නේයි.
බාලාවතාරයට කරණලද ටීකා අතුරෙන් පරම වෛය්‍යාකරණ භදන්ත බුද්ධඝොෂ මහාස්වාමිපාද විරචිත සාරාර්ථසඞ්ග්‍රහාභිධාන පුරාණ ටීකාව සප්‍රයොජන මාහැඟි කරුණු වලින් යුක්ත නමුත් කිතකය අවසන්කොට පවත්නාවූ ලඝුතර කෘතියක්. කාරකලක්‍ෂණාව බොධයෙහි කිසිදු උපකාරයක් ඉන් නොලද හැක්කේයි.
මිට ත්‍රිපිටක වාගීශ්වර ශ්‍රී සුමඞ්ගලාභිධාන නවකෝරළයේ ප්‍රධාන නායකස්ථවිරයන් වහන්සේ විසින් ලියනලද සුබොධිකානම්වූ ටීකාවක්ද ඇත්තේය.
එසේද වුවත් බාලාවතාර ව්‍යාකරණග්‍රන්ථොද්ග්‍රහණාභිලාෂීන්ට අතිශය ප්‍රයොජන දායකවූ සූත්‍රසංවර්ණනාවෙහි මෙහි එකඳු ආචාර්‍ය්‍යවරයෙක්වත් ප්‍රොත්සාහි නුවූ බැව් ඒ ඒ ග්‍රන්ථාවලොකයෙහි තත්පරවූවන්ට මනාව වැටහේමැයි.
අප විද්‍යාමන්දිරයෙහි මේ ග්‍රන්ථය උගන්වනු ලබනකල්හි මේ ක්‍රමයටම අස්මදාචාර්‍ය්‍ය සකලනෛරුක්තිකාන මාසභ්‍යභූත උත්කෘෂ්ට මහානිස්ස අරියවංසාලඞ්කාර ඤාණතිලක තිස්ස අමරපුර ගණප්‍රධාන සංඝනායක මාහිමියන් වහන්සේ විසින් උගන්වනු ලබන්නේයි. ඒ උගන්වනු ලබන්නේද හැම ආචාර්‍ය්‍යවරුන්ට එසේ ඉගැන්වීම දුෂ්කරවූහෙයින් ඔවුන්ගේ පහසුව පිණිසද උන්වහන්සේගේ වචන මාර්ගය ආශ්‍රයකොට මේ වර්ණනාව ලියන ලද්දේයි.
යම් කිසි ව්‍යාකරණ ග්‍රන්ථයක ප්‍රධානත්වයෙන් නිසැකව උගතමනාවන්නේ එහි සූත්‍ර පිළිබඳ සම්පූර්ණ විස්තර කථාව වේ. සූත්‍රතත්වයෙහි අපොහොසත් ජනතෙමේ පද සිද්ධ්‍යාදි තදනුගත ක්‍රමයන්හි කිසිසේත් දක්‍ෂ නොවන්නේයි. සූත්‍රවිජානනයෙහි පටුතර භාවය අනිකුදු සියල්ලටම මූලාධාරවන්නේයි,
අපගේ මේ ග්‍රන්ථයද බාලාවතාරොද්ග්‍රහණයෙහි නියුක්ත ශිෂ්‍යජනයාට අනිකුදු එකම ව්‍යාකරණ ග්‍රන්ථයකින්වත් අනුනව නොලැබිය හැකි පරිද්දෙන් සියලු සූත්‍රයන්ගේ ෂඩ්විධ වර්ණනා, නිද්දේශ, නිෂ්පත්ති යන මේ ප්‍රධානාඞ්ගයන් ඇතුලත් කොට කරණ ලද්දේයි.
එබැවින් මේ එකම සූත්‍රවර්ණනාව භාවිතාකිරීමෙන් ඊර්ෂ්‍යා විධා පරවශනොවූ සකල මන්ද බුද්ධීන්ට කාත්‍යායන ව්‍යාකරණයද සුවසේ දතහැකි බැව් කියමු.
තවද මේ ග්‍රන්ථය ලිවීමේදී අපහට දුරවබොධවූ අනේක ස්ථාන කරුණු සහිතව විස්තරකොට දෙමින් ආධාරකළවූ වැලිතර විද්‍යාභාෂ පිරිවෙන්හි උපාචාර්‍ය්‍ය අරියවංසාලඞ්කාර කවිධ්වජ වැලිතර ඤාණාවාස ස්වාමීන්ට අනේක වාරයක් නොමසුරුව ස්තුති කරමුය.
එසේම මෙම ග්‍රන්ථයෙහි ශුද්ධපත්‍රයට ඇතුලත්නුවූද මති භ්‍රමාදිය සෙවුනාවූ යම් යම් ඛලිතස්ථාන ඇතොත් දයා පූර්වඞ්ගම සුධීන් විසින් ශොධනය කටයුතු.
මිට සකලබාල ජනහිත කාංගී වැලිතර ඤාණවිමල තිස්ස භික්‍ෂු.
මිට සකලබාල ජනහිත කාංගී වැලිතර ඤාණවිමල තිස්ස භික්‍ෂු.