බුද්ධ ජයන්ති ත්‍රිපිටක සූත්‍ර සුචිය.pdf
- කතෘ :
- චතුරංග දේප්‍රිය
- ප්‍රකාශිත වර්ෂය :
- 2020
- මුද්‍රිත වර්ෂය :
- 2020
- පිටු ගණන :
- 129
- බාගත කිරීම් ගණන :
- 5,306
- වෙබ් අඩවියට එක් කළ දිනය :
- 2016-09-15
- ගොනුවේ ප්‍රමාණය :
- 3.3 MB
පොතේ පිටු කිහිපයක ඡායාරූප පහතින් බලන්න.
බුද්ධ ජයන්ති ත්‍රිපිටක ග්‍රන්ථ මාලා සූත්‍ර සුචිය යනු බුද්ධ ජයන්ති ත්‍රිපිටකයේ අන්තර්ගත සූත්‍ර, ගාථා, ජාතක, අපදාන සහ ශික්ෂාපද පහසුවෙන් සොයාගැනීම සඳහා සකස් කරන ලද අකාරාදි සූචි ග්‍රන්ථයකි. මෙහි විවිධ සූත්‍ර හා ගාථා නාම 6000 කට අධික ප්‍රමාණයක් අකාරාදි පිළිවෙළට පෙළගස්වා ඇති අතර, එක් එක් සූත්‍රය අදාළ වන වර්ගය, නිකාය, ත්‍රිපිටක මුද්‍රිත පිටු අංකය, PDF පිටු අංකය සහ ත්‍රිපිටක ග්‍රන්ථ අංකය මැනවින් දක්වා ඇත.
පරිගණක සහ ස්මාර්ට් ජංගම දුරකථන භාවිත කරන්නන්ගේ පහසුව සඳහා මුල් අකුරු අනුව සකස් කළ අන්තර්ජාලිත සබැඳි (hyperlinks) සහිත පටුනක් තංගල්ල ලියනගේ චතුරංග දේප්‍රිය විසින් බු.ව. 2563 (ක්‍රි.ව. 2020) වෙසක් මසදී අලුතින් එක්කර සකසා ඇත.
පටුන හැඳින්වීම
මෙම නව පටුන, මුල් සුචිය පරිශීලනය පහසුව සඳහා අලුතෙන් එකතු කර ඇත.
මෙම සූචි නාමාවලියෙහි විවිධ සූත්‍ර, ගාථා, ජාතක, අපදාන, සික්ෂා පද ආදීහී නම් 6000 ට වැඩි සංඛ්‍යාවක් ඇත. නමක් සොයා ගැනීමට නම් අදාල නම ඇති තැන තෙක් සූචි නාමාවලියෙහි පහලට ගොස් බැලිය යුතුය. එම නිසා මෙම සූචි නාමාවලියෙහි සඳහන්ව ඇති ඕනෑම නමක් වඩා අඩු කාලයක් තුලදී, පරිඝණකයක් හෝ ස්මාට් ජංගම දුරකතනයක් උපයෝගී කොටගෙන සොයා ගැනීමට හැකිවන පරිදි මෙම පටුන අලුතෙන් එකතු කර එය මුල් සූචි නාමාවලියෙහි පිටුවලට යා කර ඇත (Hyperlinked).
සොයා ගැනීමට අවශ්‍ය නමක මුල් අකුරු දෙක මෙම පටුනෙහි ඇත්තේ කුමන ස්ථානයේ දැයි හඳුනා ගැනීම පහසු වීමට පලමු වරට හමුවන ප්‍රධාන අකුරු විශාල කර ඇත. එවිට, එම විශාල කර ඇති අකුරට පසු තිබෙන්නේ එම අකුරෙන්ම ආරම්භ වන අනෙකුත් නම් බව ලෙහෙසියෙන් හඳුනා ගත හැක.
නමක් සොයා ගැනීමට පහත දැක්වෙන පියවරයන් අනුගමනය කරන්න.
(I). සොයා ගැනීමට අවශ්‍ය කරන නමෙහි මුල් අකුරු දෙක මෙම පටුනෙන් සොයා ගන්න.
(II). එම අකුරු දෙක මත ක්ලික් කරන්න. එවිට සූචි නාමාවලියෙහි, එම නම සහ අදාල විස්තර ඇති පිටුවට ගෙනෙනු ලැබේ.
තවද, සූචි නාමාවලියෙහි යම් පිටුවක සිට නැවත, මෙම පටුනෙහි අදාල අකුරු දෙක ඇති පිටුව වෙත පැමිණිය හැකි ලෙස යා කර ඇත (Hyperlinked). ඒ සඳහා සූචි නාමාවලියෙහි යම් පිටුවක දකුණු පැත්තේ උඩ හෝ යට ඇති ‘පටුන’ වචනය මත ක්ලික් කරන්න.
අමා මෑණි වූ සම්මාසම්බුදු වූ අප මහා ගෞතම බුදුරජාණන් වහන්සේ දේශනා කොට වදාල ශ්‍රී සද්ධර්මය සොයන්නන්ගේ පහසුව තකා මෙසේ මෙම පටුන සාදන ලදී.
ආර්යයන් වහන්සේලා පහළ වීමෙන් සිරිලක බැබලේවා! බුද්ධ ශාසනය දියුණුවී චිරස්ථිතික වේවා! ලෝ සත්නට සෙත් වේවා!
ශ්‍රී සද්ධර්මය පරිශීලනය පහසු කිරීමේ මෙම පුණ්‍ය ක්‍රියාව සම්මාසම්බුදු බුදුරජාණන් වහන්සේට පූජෝපහාරයක් ම වේවා!!!
සියලුම සක්වලයන්හි සියලුම සත්වයන්ට මෙම පුණ්‍ය කර්මය අනුමෝදන් වෙත්වා!!!
තංගල්ල ලියනගේ චතුරංග දේප්‍රිය.
2563වැනි බුද්ධ වර්ෂයේ වෙසක් මස අට වැනි බුධ දින.