ත්‍රිපිටක සූචිය රන්පියවර - මකුලුදුවේ අමිත හිමි.pdf

රන්පියවර ත්‍රිපිටකසූචිය හෙවත් පාවචන පරිශීලන පහසුව යනු මුළු මහත් ත්‍රිපිටකයෙහි සහ අටුවාවන්හි සඳහන් සූත්‍ර, ගාථා, ජාතක, විනය ශික්ෂාපද සහ අභිධර්ම මාතෘකා ඇතුළු කරුණු 13,500ක් ඉතා පහසුවෙන් සොයාගත හැකි පරිදි සකස් කරන ලද සවිස්තරාත්මක සූචි ග්‍රන්ථයකි. මෙහි බුද්ධ ජයන්ති ත්‍රිපිටක මුද්‍රණය, හේවාවිතාරණ පාලි අටුවා සහ බෞද්ධ සංස්කෘතික මධ්‍යස්ථාන සිංහල අටුවා පරිවර්තන වෙළුම් පාදක කරගනිමින් පිටු අංක හා ලිපින දක්වා ඇත.

ග්‍රන්ථයෙහි ප්‍රථම භාගය සිංහල අකාරාදි පිළිවෙළටත්, දෙවන භාගය බුද්ධ ජයන්ති මුද්‍රිත පිළිවෙළටත් පෙළගස්වා ඇති අතර පිටක පහ වර්ණ සංකේත මඟින් හඳුනාගත හැකි පරිදි සකස් කර තිබේ. මීට අමතරව ධම්මපද ගාථා ඇතුළු ත්‍රිපිටකගත ගාථා 500ක සූචියක් ද අන්තර්ගත වේ.

සුවිපත්‍යය

ශ්‍රී ලංකා රාමඤ්ඤමහානිකායේ මහා නායක නාපාන පේමසිරි උපාධ්‍යායන්වහන්සේ, පෝල්ගස්ඕවිට දික්හේන විපස්සනාභාවනාමධ්‍යස්ථානාධිපති ත්‍රිපිටකාචාර්ය මීතලාවේ විනීත ධර්මාචාර්යන්වහන්සේ, පැළැන්වත්ත සත්බුදුමහාවිහාරාධිපති සද්ධර්මාචාර්ය පන්විල සෝරත ප්‍රවචනාචාර්යයන් වහන්සේ යන මාහිමිපාණන්වහන්සේලා වෙත ගුරුබැතියෙන් පිළිගන්වමි.

සූචී පතුය.

විස්තරය

උපරිම ප්‍රයෝජන ගැනීම සඳහා මෙම විස්තර හොඳින් කියවන්න.

මෙය සම්පාදනය කෙරුණේ ත්‍රිපිටකය තුල ඇති සූත්‍රාදි නාමයන් තිබෙන තැන පහසුවෙන් සොයාගැනීමේ පහසුව සලසාදීම සඳහාය. ත්‍රිපිටකයට අයත් සිකපද,ඛන්ධක,සූත්‍ර,ජාතක,උදාන, ඉතිවුත්තක,ධම්මපද ගාථා හා කතාප්‍රවත්,ථෙර-ථෙරී ගාථා,ථෙර-ථෙරී අපදාන,පෙත-විමාන වත්ථු, බුද්ධවංස,චරියාපිටක,පටිසම්භිදා,නිද්දෙස,චිත්ත,චෛතසික,රූප,කථාවත්ථු,යමක ආදියෙහි

පෙළ - (බුද්ධ ජයන්ති මුද්‍රණ) පිටු අංක, [කාණ්ඩ අංක 01 - 52 දක්වා වෙළුම් 57] පාලි අටුවාව - (හේවාවිතාරණ මුද්‍රණ) කාණ්ඩ හා පිටු අංක, [වෙළුම් 45] අටුවා සිංහල පරිවර්තන - (බෞ. සං. ම. මුද්‍රණ) කාණ්ඩ හා පිටුඅංක ත්, [වෙළුම් 43] ප්‍රථම භාගයෙන් සිංහල අකාර පිළිවෙල අනුව හා (ක් ද් ආදී හල් අකුරු මුලින් ඇත) දුතිය භාගයෙන් මුද්‍රිත පිළිවෙල අනුව ද බලාගත හැකිය.

මෙහි නම් යොදා ඇත්තේ බු.ජ.මු. පෙළ පොත් මුල්කරගෙනය. එහෙත් අංගුත්තර නිකායේ පළමු නිපාත තුන, භික්ඛුනී විභංගයේ සිකපදවල නම් සහ තවත් ඇතැම් තැන්වල සමාන ලකුනට පසුව ඇති නම් ද පොල්වත්තේ බුද්ධදත්ත නාහිමි සම්පාදිත “ත්‍රිපිටක සූචිය” පොතෙහි යොදා ඇති ඒවාය. “සූත්‍රවගයත් ධම්මවිචය ජ.සං. ඊ-පොත්ව්ල” (භික්ඛු ධම්මවිහාරී) යොදා ඇතිනම් භාවිතාකර ඇත. ඒවා ඇල අකුරින් (Italic කර) යොදා ඇත.

තවත් තැනක [ ] කොටු වරහන් තුල නම්කොටසක් යොදා ඇත්තේ මුල් නම් කොටස සමග (බු.ජ.මු.) එකටගත් විට පොල්වත්තේ නාහිමි යෙදූ නම ගලපා ගතහැකිවන ලෙසය. (උදා: අග්ගධම්ම [සච්චිකරණ] සූත්‍රය)

ඇතැම් නමකින් ප්‍රචලිත වී ඇති සූත්‍ර පෙළෙහි ඇත්තේ අප්‍රකට නමකිණි. ඒවා අදාල නම් දෙකෙන්ම දෙතැනක දක්වා ඇත. (උදා: කෙසපුත්තිය කාලාම = කාලාම සූත්‍රය, හා කාලාම = කෙසපුත්තිය කාලාම සූත්‍රය ලෙස.)

ප්‍රධාන සූත්‍රනාමයන්ට අමතරව සූත්‍රතුල තිබෙන විශේෂ නාම හා සංඛ්‍යාධර්ම කොටස්වල නාමයන් ද යම්ප්‍රමාණයක ඇතුලත්කර ඇත. “සූත්‍රයක” වශයෙන් සඳහන්ව ඇත්තේ ඒවාය. සංඛ්‍යාධර්ම - ii ඒවා ද්වෙ, iii ඒවා තයො-තිස්සො-තීණි, iv ඒවා චත්තාරි-චත්තාරො-චතස්සො, v ඒවා පඤ්ච, vi ඒවා ඡ, vii ඒවා සත්ත, viii ඒවා අට්ඨ, ix ඒවා නව, x ඒවා දස, යටතේ දක්වා ඇත. (සියල්ලමනොවේ)

අංගුත්තර නිකායේ ඒතදග්ග 80 ඒ ඒ ශ්‍රාවකයන්වහන්සේලාගේ නම්වලින් මෙන්ම ඒ ඒ තනතුරුවලනමින් යන දෙවිධියෙන්ම ඇතුලත් කර ඇත.

අනුඅංකය යටතේ අංගුත්තර නිකායේදී නිපාත 11 ට අදාලව ඒ ඒ නිපාතයේ සූත්‍ර අංකයත්, සංයුක්ත නිකායේදී ප්‍රධාන වර්ග 5 ට අදාලව ඒ ඒ වර්ගයේ සූත්‍ර අංකත් (ඒවා බු.ජ.මු. සූත්‍ර අංක සමග ගැලපේ), ඛුද්දකනිකායේදී පොත් 18 ට අදාලව කීවෙනි පොත හා අංකයද යනවගත්, අභිධර්ම පිටකයේදී හා විනයපිටකයේදී බු.ජ.මු.පොත්ව්ල ඒ ඒ ඡේද අංකත් භාවිතාකර ඇත.

ධම්මපදයේ ගාථා 423 ද ඇතුළු ත්‍රිපිටකගත ගාථා 500 ක් අකාරාදිපිළිවෙලට ඇත. (292-302 පිටු)

ධම්මපදයේ ඒ ඒ ගාථා මුල්පදයන්ට අදාල අටුවාකතාවේ නමේ මුලකොටසත්, (481-489 පිටු) ඒ ඒ අටුවාකතා වල නාමයන්ට අදාල වන ගාථාවේ/ගථාපන්තියේ මුල්පදයත් (490-496 පිටු) ලිපිනය තීරුවේ අගින්බලාගතහැකි වන සේ දෙවිධියෙන්ම ඇතුලත් කර ඇත.

අභිධර්ම පිටකයේ හා පටිසම්භිදා වේ ඇතුළු කරුණුත් සැලකියයුතු පමණ ඇතුලත් වේ.

යම් නාමයක් සෙවීමේදී පටුනින් ආරම්භක පිටුව බලාගෙන ඒ ඒ පිටුපාදයෙහි ඇති සිංහල අකාර පිළිවෙළ උපයෝගිකරගැනීමෙන් නියමිත තැන පහසුවෙන් හඳුනාගත හැකිවනු ඇත.

අකුරුවල පාට අනුව ද නිකාය හෝ පිටකය දැන ගත හැක. විනය පිටකයට අයත් තද රතු පැහැති නාම කොටස් 980 (07.26 %) දීඝනිකායට අයත් දුඹුරුපැහැති නාම කොටස් 800 (05.93 %) මජ්ඣිමනිකායට අයත් තැඹිලිපැහැති නාම කොටස් 790 (05.85 %) සංයුක්තනිකායට අයත් නිල්පැහැති නාම කොටස් 2,610 (19.33 %) අංගුත්තරනිකායට අයත් කොලපැහැති නාම කොටස් 3,305 (24.48 %) ඛුද්දකනිකායට අයත් කළුනිල්පැහැති නාම කොටස් 3,275 (24.26 %) අභිධම්මපිටකයට අයත් දම්පැහැති නාම කොටස් 1,740 (12.89 %) එකතුව 13,500 (100.00 %) (+ අට්ඨකථාගත නාම 100 කි.)

පිළිගැන්වීම

මෙම මහාභද්‍ර කල්පයේ සිව්වන සම්බුදු සසුනෙහි පණනල දිගහැරුමට වෙහෙසෙන සිව්වනක් පිරිසට

හා

අම්මා තාත්තා ඇතුළු අනෙක්විධ දුක්කම්කටොලු මැද බුදු සසුනට දන් අදිනා අම්මලා තාත්තලා ට.........