පට්ඨානුද්දෙසදීපනිය - ලේඩි සෙයාඩෝ හිමි බළන්ගොඩ ආනන්ද මෛත්‍රිය හිමි.pdf
- කතෘ :
- ලේඩී සෙයාඩෝ හිමි
- ප්‍රකාශිත වර්ෂය :
- 1962
- මුද්‍රිත වර්ෂය :
- 1962
- පිටු ගණන :
- 105
- බාගත කිරීම් ගණන :
- 2,059
- වෙබ් අඩවියට එක් කළ දිනය :
- 2020-11-22
- ගොනුවේ ප්‍රමාණය :
- 25 MB
පොතේ පිටු කිහිපයක ඡායාරූප පහතින් බලන්න.
මෙම කෘතිය බුරුමයේ වැඩවිසූ මහාපඬිරුවනක් වූ අග්ගමහාපණ්ඩිත ලේඩී සෙයාඩෝ හිමියන් විසින් රචිත ‘පට්ඨානුද්දෙසදීපනි’ නම් ප්‍රකට අභිධර්ම ග්‍රන්ථයේ සිංහල පරිවර්තනයකි. මෙය අතිපූජ්‍ය බලන්ගොඩ ආනන්ද මෛත්‍රෙය මහනාහිමියන් විසින් සිංහලයට නඟා ප්‍රකාශයට පත් කර ඇත.
අභිධර්ම පිටකයේ එන ගැඹුරුතම ග්‍රන්ථය වන පට්ඨාන මහාප්‍රකරණයට ප්‍රවේශයක් ලෙස මෙම කෘතිය රචනා වී ඇත. මෙහි හේතු, ආරම්මණ ආදී සූවිසි ප්‍රත්‍යයන්ගේ අර්ථ සහ ස්වභාවය විස්තරාත්මකව හා පැහැදිලි ලෙස විග්‍රහ කර ඇති අතර, ඊට අමතරව පට්ඨානපකරණයේ පච්චයුද්දෙස හා පච්චයනිද්දෙස පාඨ ද අර්ථ සහිතව උපග්‍රන්ථයක් ලෙස ඇතුළත් වේ.
හැඳින්වීම
මෑතෙක බුරුම රටැ වූ පඬිවරුන් අතුරෙහි ලෙඩී සෙයාඩෝ නමින් ප්‍රකට තෙරණුවෝ තෙවළා දහම්හි දැනුම අතින් අක් තන්හි සිටියෝ ය. ඔබ රැස්කැළූ පොත් පත් බොහෝ යැ. බුදුදහමැ ගැඹුරු ම තැන් ලිහිල් කොට විසඳැ කීමෙහි මෙ තරම් සමත් කෙනෙක් මෑතෙක පහළ නො වූහ. මේ තෙරුන් රැස්කැළූ පොත් අතුරෙන් පට්ඨානුද්දෙසදීපනිය ප්‍රස්ථානප්‍රකරණය උගන්වුනට එයට ලෙහෙසියෙන් බැසැ ගන්නට විවැරූ දොරක් වැන්නේකි. පළමුවෙන් එය හදාරා එයට පසු ප්‍රස්ථානප්‍රකරණය කියවතොත් එහි බොහෝ ගැඹුරු තැන් පහසුවෙන් තේරුම් ගත හැකි වෙයි. විදර්ශී හදාරන දුහුනන් ගේ වැඩ තකා එය සිංහලයට නඟා මෙසේ පළ කරවමිහ.
විශ්වවිද්‍යාලයාදියෙහි උපරිම පංක්තිවල දහම් උගන්නා සිසුන් ගේ ප්‍රයෝජනය පිණිස පට්ඨානපකරණයේ උද්දේස නිද්දේස දෙක ද මෙයට උපග්‍රන්ථයක් වශයෙන් භාවයක් සහිත ව යා කළෙමි.
බලන්ගොඩ ආනන්ද මෛත්‍රෙය්‍ය ස්ථවිර
ශ්‍රී ලංකා විද්‍යොදය විශ්ව විද්‍යාලය,
ගංගොඩවිල,
2505 ඉල් පුර පසොළොස්වක්
කුජ දිනැ දී යැ.