දීඝනිකාය මහාවර්ගය පාලි සිංහල - W. A. සමරසේකර.pdf
- කතෘ :
- ඩබ්ලිව්. ඒ. සමරසේකර
- ප්‍රකාශිත වර්ෂය :
- 1905
- මුද්‍රිත වර්ෂය :
- 1905
- පිටු ගණන :
- 717
- බාගත කිරීම් ගණන :
- 1,028
- වෙබ් අඩවියට එක් කළ දිනය :
- 2020-02-02
- ගොනුවේ ප්‍රමාණය :
- 186 MB
පොතේ පිටු කිහිපයක ඡායාරූප පහතින් බලන්න.
සිංහල සන්න සහිත පාලි ත්‍රිපිටක ධර්‍මය ග්‍රන්ථ මාලාවේ දෙවන කාණ්ඩය ලෙස ප්‍රකාශිත මෙම කෘතියෙන් දීඝනිකායේ මහාවර්ගය (මහා වග්ගය) පාලි පාඨ සහ සිංහල සන්නය සහිතව ඉදිරිපත් කර ඇත.
රාජකීය ආසියාතික සමිතියේ සාමාජිකයෙකු වූ ඩබ්ලිව්. ආතර් ද සිල්වා මැතිතුමාගේ අනුමැතිය සහ මඟපෙන්වීම යටතේ ඩබ්ලිව්. ඒ. සමරසේකර මහතා විසින් මෙම කෘතිය භාවසන්න ලියා සංශෝධනය කර තිබේ. හික්කඩුවේ ශ්‍රී සුමංගල නාහිමි, රත්මලානේ ධම්මාරාම නාහිමි, වැලිගම සුමංගල නාහිමි, වස්කඩුවේ සුභූති නාහිමි, දොඩන්දූවේ පියරතන තිස්ස නාහිමි ආදී එකල වැඩසිටි ප්‍රමුඛ පෙළේ මහා යතිවරයන්ගේ සහ ඇම්. ධර්මරත්න, ඊ. ආර්. ගුණරත්න වාසල මුදලි ආදී වියතුන්ගේ අනුශාසනා හා දායකත්වය මේ සඳහා ලැබී ඇත. එසේම කහවේ රතනසාර හිමි සහ බේරුවල සිරිනිවාස හිමි යන තෙරවරුන් විසින් ඇතැම් සූත්‍ර සඳහා සන්න ලියා උපකාර කර තිබේ.
මෙහි දීඝනිකාය මහාවග්ගයට අයත් පහත සඳහන් සූත්‍ර දහය අන්තර්ගත වේ:
- මහාපදාන සූත්‍රය
- මහානිදාන සූත්‍රය
- මහාපරිනිබ්බාණ සූත්‍රය
- මහාසුදස්සන සූත්‍රය
- ජනවසභ සූත්‍රය
- මහාගොවින්ද සූත්‍රය
- මහාසමය සූත්‍රය
- සක්කපඤ්හ සූත්‍රය
- මහාසතිපට්ඨාන සූත්‍රය
- පායාසි සූත්‍රය
මෙම කෘතිය බු.ව. 2448 (ක්‍රි.ව. 1905) දී කොළඹ සිංහල සමය යන්ත්‍රාලයේ මුද්‍රණය කර ඩබ්ලිව්. ස්ටීවන් ද සිල්වා මහතා විසින් ප්‍රකාශයට පත් කර ඇත.
හැඳින්වීම
මේ භාවසන්නසහිත ත්‍රිපිටකධර්මය සම්බන්ධ ග්‍රන්ථප්‍රත්‍යාදිය සම්පාදනය කිරීමසඳහා උපකාරකරණුපිණිස අපගේ ආරාධනාව පිළිගෙණ ඊට කැමැත්තදුන් උතුමන්ගේ නාමලෙඛනය මෙහි පහත දක්වනුලැබේ.
කොළඹ මාලිගාකන්දේ විද්‍යොදය පරිවෙණාධිපති ත්‍රිපිටක වාගීශ්වරාචාර්‍ය්‍ය හික්කඩුවේ ශ්‍රී සුමඞ්ගලාභිධාන නායක ස්ථවිරපාදයන් වහන්සේ.
පෑලියගොඩ විද්‍යාලඞ්කාර පරිවෙණාධිපති රත්මලානේ ධම්මකීර්ති ශ්‍රී ධම්මාරාමාභිධාන නායක ස්ථවිරපාදයන් වහන්සේ.
කළුතර පුලිනතලාරාමාධිපති ශාසනවංසාලඞ්කාර කවිධජ විනයාචාර්‍ය්‍ය වැලිගම ශ්‍රී සුමඞ්ගලාභිධාන නායක ස්ථවිරපාදයන් වහන්සේ.
වස්කඩුවේ අභිනවාරාමාධිපති පවරනෙරුත්තිකාචාරිය මහා විභාවී රාජගුරු වස්කඩුවේ සුභූති නායක ස්ථවිරපාදයන් වහන්සේ.
දොඩන්දූවේ ශෛලබිම්බාරාමාධිපති අරියවංසාලඞ්කාර ශාසනධජ විනයාචාර්‍ය්‍ය පියරතනතිස්සාභිධාන නායක ස්ථවිරපාදයන් වහන්සේ.
ලක්මිණිපහන් කර්තෘභූත බුද්ධශාසනමහාසුරසෙනාපති රාජදන්තිය නාමොපලක්ෂිත ඇම්. ධර්මරත්න පණ්ඩිතතුමා.
ලොන්ඩන්නුවර පාලිපොත් සමාගමේ ගරු ලේකම්තැන්පත් සමාදාන විනිශ්චයකාරධුරන්ධර ගාල්ලේ ඇඩ්මන්ඩ්. ආර්. ගුණරත්න, වාසලමුදලිමැතිතුමා.
මේ කාණ්ඩයේ ඇතුළත්වූ ඇතැම් සූත්‍රවලට සන්න ලියා එවීමෙන් මෙහි පහත නම්සඳහන්වෙන ස්වාමීන්විසින් උපකාරකරණලදි.
විද්‍යොදය පිරිවෙණේ උපාචාර්‍ය්‍ය කහවේ රතනසාර ස්වාමිපාදයන්වහන්සේ.
කළුතර පුලිනතලාරාමවාසී බේරුවල සිරිනිවාස ස්වාමිපාදයන්වහන්සේ.