කර්ම විභාගය - මැදඋයන්ගොඩ විමලකීර්ති හිමි.pdf
- කතෘ :
- මැදඋයන්ගොඩ විමලකීර්ති හිමි
- ප්‍රකාශිත වර්ෂය :
- 1961
- මුද්‍රිත වර්ෂය :
- 1961
- පිටු ගණන :
- 247
- බාගත කිරීම් ගණන :
- 4,942
- වෙබ් අඩවියට එක් කළ දිනය :
- 2019-12-11
- ගොනුවේ ප්‍රමාණය :
- 68 MB
පොතේ පිටු කිහිපයක ඡායාරූප පහතින් බලන්න.
කර්ම විභාගය යනු පුරාණ සිංහල බෞද්ධ සාහිත්‍යයට අයත් වටිනා ධර්ම ග්‍රන්ථයකි. කුසල් අකුසල් කර්ම සහ ඒවායේ විපාක විස්තර කෙරෙන මෙම පැරණි කෘතිය මැදඋයන්ගොඩ විමලකීර්ති ස්ථවිරයන් වහන්සේ සහ නැහින්නේ සෝමින්ද ස්ථවිරයන් වහන්සේ විසින් සංශෝධනය කර සකස් කරන ලද්දකි.
ග්‍රන්ථ ආරම්භයේ දැක්වෙන දීර්ඝ පූර්විකාව මගින් පුරාණ ධර්ම ප්‍රචාරක ක්‍රම (සරභඤ්ඤ, පදහඤ්ඤ ආදිය), බණ දේශනා ක්‍රම, ධර්මාසන සම්ප්‍රදායන් සහ පුස්කොළ පොත් ලිවීම පිළිබඳ ඓතිහාසික විස්තරයක් ඉදිරිපත් කර ඇත.
අපාය ස්වරූප, මනුෂ්‍ය ප්‍රභේද, අකුශල-කුශල කර්ම, ලෝක විස්තර, කල්ප විභාගය සහ බුද්ධකාරක ධර්ම ආදී කරුණු රැසක් විස්තර වන පරිච්ඡේද 37කින් යුක්ත වන අතර අගට අකාරාදියක් ද ඇතුළත් වේ. මෙම ප්‍රථම මුද්‍රණය 1961 වසරේදී කොළඹ ඇම්. ඩී. ගුණසේන සහ සමාගම මඟින් ප්‍රකාශයට පත් කරන ලද්දකි.
මේ පොත සහ අපේ ධර්‍මප්‍රචාරක විධි
ඉස්සර ධර්‍මප්‍රචාරක ක්‍රම කීපයක් පැවැති බවත්, ධර්ම දේශනය ධර්ම අධ්‍යාපනය ධර්ම ලෙඛනය යන මේවා එකී ධර්‍මප්‍රචාරක ක්‍රම අතුරෙහි ප්‍රමුඛස්ථානය ගත් බවත්, අපි දනිමු. කටයුතු බාහුල්‍යය ආදී නොයෙක් හේතුන් නිසා බණ අසන්නට නොයාහැකි ධර්‍මකාමීන්ගේ ප්‍රයෝජනය සඳහා පැරණි උගත්තු විසින් මේ පොත ලියන ලද්දේය. කුශලාකුශලාදී කර්‍මයනුත් ඒවා විපාකදෙන සැටිය සහ විපාක දෙන ස්ථානයනුත් සවිස්තරව පෙන්වා ධර්‍මකාමීන්ට දෙලෝ වැඩදායක නියම මාර්‍ගය පැහැදිලිකර දීම මේ පොත ලියූ ආචාර්‍ය්‍යවරයාගේ ප්‍රධාන අදහස වූයේ පෙනේ. ධර්‍මව්‍යාඛ්‍යාන ග්‍රන්ථ නිපදවීමෙන් ලෝ වැඩ අටක් සිදුවන බවද විශේෂයෙන් සැලකිය යුතුය. ඒවා පිළිබඳ විස්තර පූජාවලියෙහි දෙවන පරිච්ඡෙදයෙන් දත හැකිය. පෙර පැවැති ධර්‍මදේශනා ක්‍රම මෙන්ම ධර්ම ලෙඛන ක්‍රමත් ක්‍රමයෙන් අභාවයට යන මේ කාලයෙහි ඒවා සම්බන්ධ කෙටි හැඳින්වීමක් වුවත් සාමාන්‍ය ජනතාවට සේම ආධුනික ශිෂ්‍යයන්ටත් ප්‍රයෝජනවත් වන්නේය. එහෙයින් පෙර පැවැති ධර්මදේශනාදී ක්‍රම පිළිබඳව ඉතා සුලු විස්තරයක් මෙතැන් සිට දක්වනු ලැබේ.
සරභඤ්ඤ පදහඤ්ඤ ධම්මභඤ්ඤ යන නම්වලින් හැඳින්වුණු ප්‍රධාන ධර්‍මදේශනා ක්‍රම තුනක් ප්‍රථමයෙහි පැවැති බව පෙනේ. ධර්‍මදේශනය සඳහා තබනු ලබන මාතෘකා පාළිය තාලානුකූලව නාද යොදා කීම සරභඤ්ඤ නම් වෙයි. එහි සර ශබ්දය තාලාර්‍ථයෙහි වැටේ. උදාත්තස්වරයෙන් යොදා කරණ අර්‍ත්‍ථව්‍යාඛ්‍යාන (හඬ විහිදුවා ව්‍යක්ත කොට කියන බණ) යනු ධම්මපියා අටුවා ගැටපද පාඨයි. (54–19) ජා: ගැටපද 144 යත් බලනු. තරංගවත්තා තරංගභේදක. වත්ත ගලිත වත්තා දී