සිංහල ථූපවංස ගන්ථිපද වර්ණනා - ඒ එස් පෙරේරා.pdf
- කතෘ :
- ඒ. එස්. පෙරේරා
- ප්‍රකාශිත වර්ෂය :
- 1923
- මුද්‍රිත වර්ෂය :
- 1923
- පිටු ගණන :
- 69
- බාගත කිරීම් ගණන :
- 2,425
- වෙබ් අඩවියට එක් කළ දිනය :
- 2019-03-29
- ගොනුවේ ප්‍රමාණය :
- 15 MB
පොතේ පිටු කිහිපයක ඡායාරූප පහතින් බලන්න.
සිංහල ථූපවංස ග්‍රන්ථිපද විස්තරාර්ථ වර්ණනා යනු කඩවත ඒ. එස්. පෙරේරා මහතා විසින් සම්පාදනය කරන ලද, සිංහල ථූපවංශය හැදෑරීම සඳහා උපකාරී වන අර්ථ විවරණ ග්‍රන්ථයකි. එකල ගුරු සහතික පත්‍ර විභාග සඳහා ථූපවංශය නියමිතව තිබූ හෙයින්, එහි එන දුෂ්කර හා ගැඹුරු වචන තෝරා විස්තර කරදීම සඳහා පාසල් ගුරුවරුන් හා සිසුන්ගේ ඉල්ලීම පරිදි මෙම ග්‍රන්ථය රචනා කර ඇත.
ග්‍රන්ථාරම්භයේදී කතුවරයා, කාලය, ප්‍රමාණය, නිමිත්ත ආදී සාමාන්‍ය සංලක්ෂණ විස්තර කොට ඉන්පසු සිංහල ථූපවංශයේ පිටුවෙන් පිටුවට හමුවන දුරවබෝධ වචන සඳහා අර්ථ සහ නිරුක්ති සපයා දී තිබේ.
මෙම කෘතිය 1923 දී ජේ. ඩී. ප්‍රනාන්දු මහතා විසින් කොළඹ ග්‍රන්ථප්‍රකාශ යන්ත්‍රාලයේ මුද්‍රණය කරවා පළකරන ලද්දකි.
සංඥාපනය.
මේ වනාහි අපගේ ග්‍රන්ථිපද විවරණ පඬතියෙහි දස නවවන ග්‍රන්ථයයි. ථූපවංස නම්වූ ධර්‍මග්‍රන්ථය අධ්‍යාපන දෙපාර්තමේන්තුව විසින් ගුරුවරුන්ට තුන්වන පෙළ සහතික පත්‍රදීමේ විභාගයට සූදානම් වන්නන් සඳහා නියමකර තිබේ. ගැඹුරු වචන රාශියක් මෙහි දක්නා ලැබෙන හෙයින් ග්‍රන්ථිපද විවරණයක් ලියා ප්‍රසිද්ධ කරන මෙන් පාඨශාලාචාර්‍ය්‍ය මහතුන් කිහිප දෙනෙකුන් හා ආධුනිකයන් කිහිපදෙනෙකු විසින් අපෙන් අයැද සිටි හෙයින් මේ ග්‍රන්ථය අප විසින් ලියනලදී. මෙහි යොදන ලද ග්‍රන්ථිපද සියල්ලටම යථාර්ථයෙන් විවරණයක් ලිවීමෙහිද අක්‍ෂර වින්‍යාසාදිය හරි ආකාරයෙන් යෙදීමෙහිද මෙකල මුද්‍රිතව පවත්නා පොත් දෙකටම සාධාරණ වන පරිද්දෙන් පිටු පිළිවෙලින් සකස් කිරීමෙහිද පරිශ්‍රම දැරීමු. * එසේ වුවත් මේ කෘතිය දෝෂ ස්ථානයන්ගෙන් විමුක්තියයි ප්‍රකාශ කිරීමෙහි අපි මැළිවෙමු. එහෙයින් මෙහි යම් වද්‍යස්ථානයක් දෝෂාංශුවක් දුටුවහොත් උගත් මහත්මෝ සමාධිය භජනය කිරීමෙන් එය අපවෙත් දන්වත් නම් මැනවැයි අයැද සිටිමු. මෙය මුද්‍රණය කිරීමෙහිදී සිදුවූ දෝෂස්ථාන කිපයක් සංශෝධනය කොට ශුද්ධිපත්‍රයක්ද යෙදීමු. උපග්‍රන්ථයක් යෙදීමට අදහස්කළ නමුත් මුද්‍රණය කිරීමෙහි ප්‍රමාදයක් නිසා එය ඉවත්කරන්ට සිදුවූ බවද මතක්කරමු.
තවද මේ සංස්කරණය සතුටින් භාරගෙන මුද්‍රණය කරවනලද කොළඹ ජේ. ඩී. ප්‍රනාන්දු මහතුන් වෙත අපගේ කෘතඥතාව මෙයින් මතක්කර සිටිමු.
* වරහන් වලින් යොදා තිබෙන්නේ ඩී. බී. විජයසේකර මහතා විසින් සංශෝධිත ග්‍රන්ථයේ පිටුවල අංකයන් බව සැලකිය යුතුයි.
A. S. P.
වර්ෂ 1923 ක්වූ මාර්තු මස
7 වෙනි දින කඩවතදීය.