යසෝදරාවත.pdf

යසෝදරාවත යනු සිද්ධාර්ථ ගෞතම බෝසතාණන් වහන්සේ සසර පාරමී පුරන සමයේ සහ ගිහිගෙය අත්හැර අභිනික්මන සිදු කළ අවස්ථාවේදී යශෝධරා දේවිය විඳි දුක, ඇය දැක්වූ කැපකිරීම හා ඇය සතු උතුම් ගුණාංග විස්තර කෙරෙන පැරණි සිංහල කාව්‍ය ග්‍රන්ථයකි.

මෙම සංස්කරණයේ ආරම්භයේ “යහපත් බිරිඳක් වීමේ මඟ” යන තේමාව යටතේ යශෝධරා චරිතයෙන් නූතන සමාජයට ගත හැකි ආදර්ශ පිළිබඳ කෙටි හැඳින්වීමක් ඇතුළත් කර ඇත. බෝසතුන්ගේ පාරමී දම් පිරීමේ සිට සිදුහත් කුමරුගේ උපත, සරණ මංගල්‍යය, අභිනික්මන, යශෝධරාවන්ගේ ශෝකය හා අවසානයේ රහත් මෙහෙණියක ලෙස පිරිනිවන් පෑම දක්වා වූ සිදුවීම් කාව්‍යමය වශයෙන් මෙහි ඉදිරිපත් කර තිබේ.

හැඳින්වීම්

සිද්ධාර්ථ චරිතය, ගෞතම බුද්ධ චරිතය ගැන ගැඹුරින් අධ්‍යනය කල අය දන්නවා ඇති ගෞතම බුදුන් යසෝදරාගේ ගුණකද වර්ණනා කරන්න කිසි විටෙක පසුබට නොවූ වග.

එතුමා හැකි සෑම අවස්ථාවකදීම සඳහන් කර තිබෙනවා එතුමාගේ සත්‍ය සොයා යන ගමනට එසේත් නැතිනම් ලෝවැසින්ට සසර දුකෙන් මිදී නිර්වාණය අත්කරගැනීම වෙනුවෙන් වෙහෙසවුනු කාර්යයට යසෝදරා උපරිම අනුබලය දුන්වග.

සනත් නන්දසිරි මහතා ගායනා කරන “සිතේ නැගුනු කළකිරීම කුමරිය ඔබ පමනයි දැන සිටියේ පෙර සිට” ගීතයේත් “එයින් මිදෙන මංපෙත සොයනා සඳ . . ඔබෙන් ලැබින නිබඳවම සියළු වෙර” ලෙසින් සඳහන් වන්නේ ඒ ඇගෙන් ලැබුනු අනුබලයේ දෝංකාරයයි.

බුද්ධත්වයෙන් පසු කපිලවස්තු පුරයට ගෞතම බුදුන් වැඩමකල අවස්තාවෙ, සුදොවුන් පිය රජතුමාත් යසෝදරා සහ රහල් පුතුත් දැකගැනීමට මාලිගාවට වැඩම කල මොහොතේ යසෝදරා එතුමා අභිමුඛයට නොපැමින “ඔහු වෙනුවෙන් බිරිඳක් ලෙස මා කල කැපකිරීම් ගැන ඔහු සලකනවානම් මා අභිමුඛයට ඔහු පැමිණිය යුතුයි” සිතා ඇගේ කුටියට වී සිටි බව අප කියවා ඇත්තෙමු.

“මා හිස මුඩු කල බව අසා හිස මුඩුකල, මා දිනකට එක්වරක් ආහාර ගන්නා බව අසා දිනකට එක්වරක් අනුභව කරන, මා දළ කසාවත් පොරවන බව අසා දළ කසාවතින් රන් රුව පොරවන, රහල් කුමරු උපන්දාම මා ඔවුන් හැර ගිය නිසාවෙන් සියලු දුක් දොම්නස් උසුලන, මට සත්‍ය සොයා යන ගමනට දිරි දුන් යසෝදරාව බැහැදකින්න මා යායුතුයි” කියා ගෞතම බුදුන් යසෝදරාගේ කුටියට වැඩම කල බවත් එහිදී යසෝදරා බුදු පා මුල වැටී කඳුලින් බුදුපා තෙමූ වගත් අප කියවා ඇත්තෙමු.

යසෝදරාව කලාක් මෙන් හිස මුඩුකිරීම, එක වරක් අනුභවය ආදී දේ සැමියන් බලාපොරොත්තු නොවුනත් යසෝදරාව මෙන් සැමියාගේ පරමාර්ථ හඳුනාගෙන ඒවා උසස් ඒවා යැයි හැඟේ නම් ඔහුට ඒ වෙනුවෙන් දිරිදීම සැමියාගේ ගමන් මගේ පහන් ටැඹක් වීම ආදියෙන්

සැමියා බලාපොරොත්තු වන යසෝදරාවක් වීම අද සමාජයේ බිරිඳකට අභියෝගයකි.

දරුවන් කීප දෙනෙක් සමඟ බිරිඳ අත්හැර අභිනික්මන් කරන සිද්ධාර්ථ ලා අද සමාජයේ බොහෝ නමුත් ඒ සිද්ධාර්ථලාගේ අභිනික්මන සමාජයට අර්ථයක් සිද්ධ කිරීම නොවන නිසාම ඔවුන්ට සමාව දෙන්න බැරි වීම වෙනමම කාරණයකි.