භික්ෂූන් වහන්සේට මුදල් කැපද.pdf
typed
- කතෘ :
- වරකාගොඩ සීලරතන හිමි
- ප්‍රකාශිත වර්ෂය :
- 2000
- මුද්‍රිත වර්ෂය :
- 2000
- පිටු ගණන :
- 16
- බාගත කිරීම් ගණන :
- 2,347
- වෙබ් අඩවියට එක් කළ දිනය :
- 2018-02-28
- ගොනුවේ ප්‍රමාණය :
- 209 KB
පොතේ පිටු කිහිපයක ඡායාරූප පහතින් බලන්න.
භික්ෂූන් වහන්සේට මුදල් කැපද? යනු පූජ්‍ය පණ්ඩිත වරකාගොඩ සීලරතන ස්වාමිපාදයන් වහන්සේ විසින් රචිත විනයානුකූල කෙටි ධර්ම ග්‍රන්ථයකි. බුද්ධ ශාසනයෙහි භික්ෂූන් වහන්සේලා විසින් මුදල් පරිහරණය කිරීම පිළිබඳ විනය නීති සහ සූත්‍ර දේශනාවන්හි එන කරුණු මෙහි විග්‍රහ කර ඇත.
මූලික වශයෙන් 1964 වර්ෂයේදී කොළඹ ශාසන සංරක්ෂක බෞද්ධ මණ්ඩලය මගින් පළමුවරට ධර්ම දානයක් ලෙස මුද්‍රණය කර ඇති මෙම කෘතිය, ශ්‍රී කල්‍යාණී යෝගාශ්‍රම සංස්ථාවේ පනස් වැනි සංවත්සරය නිමිත්තෙන් දෙවන වරට 2000 වසරේදී ප්‍රතිමුද්‍රණය කර ඇත.
භික්ෂූන් වහන්සේලාට රන්, රිදී, මුදල් පරිහරණය කැප නොවන ආකාරය, රූපිය පරිග්ගහණ ආදී විනය ශික්ෂාපද, මණිචූළක සූත්‍රය වැනි දේශනාවන්ගෙන් ගෙනහැර දක්වමින් සාකච්ඡා කොට ඇත.
නිවේදනයකි මේ
මෙකල භික්ෂූන්වහන්සේ අතර දියුණුවේගෙන යන මිළ-මුදල් පරිහරනය ශාසනයට හිතවත් සංඝරත්නයේ වටිනාකම දන්නා සැදැහැවත් බෞද්ධයන්ගේ මහත් චිත්ත සන්තාපයට හේතුවී තිබේ. ආගම ධර්මය ගැන වැඩි දැනීමක් නැති භික්ෂූන් වහන්සේලා කියන කොයි දේ ගැනත් අනුකම්පාවෙන් මේ ප්‍රශ්නය ගැන පොත් පිංචක් ලියවා ලක්ෂ ගණනින් රටේ ප්‍රසිද්ධකර හරින්නට යයි බුදුසසුන පාඨක භවතුන්ගෙන් අපට ලැබී තිබෙන ඉල්ලීම කල්පනාවට ගෙන මේ පොත් පිංච ප්‍රසිද්ධ කරන ලදි. මේ පොත මුද්‍රනය කරවා නොමිලයේ බෙදා හරින්නට කැමති තවත් සැදැහැවත්තු වෙත් නම් අපට දන්වූ විට ඊට අවකාශ ලබා ගත හැක.
මීට
ශාසන සංරක්ෂක බෞද්ධ මණ්ඩලය
16 ඩික්මන් පටුමග,
කොළඹ 5.
2508 පොසොන් පුර හෝ දින,
24.06.64
2 වන මුද්‍රණය 26-05-2000
ප්‍රාර්ථනය
වැටීගන යන සසුන (විශේෂයෙන් ප්‍රතිපත්ති ශාසනය) නගා සිටුවීමේ ක්‍රියාත්මක වැඩ පිළිවෙලක් වශයෙන් අතිපූජනීය රාජකීය පණ්ඩිත කඩවැද්දුවේ ශ්‍රී ජිනවංසාභිධාන මහෝපාධ්‍ය මාහිමිපාණන් වහන්සේ විසින් පිහිටුවා වදාළ ශ්‍රී කල්‍යාණි යෝගාශ්‍රම සංස්ථාවට පනස් වෙනි වස ලැබීම නිමිති කොට ධර්ම දාන වශයෙන් නොමිළයේ බෙදා දීම සඳහා ඌරුගමුවේ සිරි විමලජෝති ස්වාමීන් වහන්සේගේ උපදෙස් පරිදි පන්නිපිටිය, කොට්ටාව, කුලසෙවන පාරේ නොම්බර 704/2 දරණ නිවසෙහි පදිංචි විජිත පරණමාන සහ කුමුදිනී පරණමාන දෙපල සහ දරු දෙදෙනා විසින් මෙම දෙවන මුද්‍රණය කරවන ලදි.
ශ්‍රී ආර්යවිලාස වංසාලංකාර සද්ධර්ම වාගීශ්වරාචාර්ය්‍ය පටිපත්තිසෝභන ගණපාමොක්ඛාචාර්ය්‍ය යන ගෞරව නාම ධාරී රාජකීය පණ්ඩිත කඩවැද්දුවේ ශ්‍රී ජිනවංසාභිධාන මහෝපාධ්‍යය මාහිමිපාණන් වහන්සේට බුදුබව ලැබේවා. දීර්ඝායුෂ ලැබේවා.