භික්ෂූන් වහන්සේට මුදල් කැපද.pdf
scanned
- කතෘ :
- වරකාගොඩ සීලරතන හිමි
- ප්‍රකාශිත වර්ෂය :
- 2000
- මුද්‍රිත වර්ෂය :
- 2000
- පිටු ගණන :
- 17
- බාගත කිරීම් ගණන :
- 2,234
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 4.2 MB
පොතේ පිටු කිහිපයක ඡායාරූප පහතින් බලන්න.
භික්ෂූන් වහන්සේට මුදල් කැපද? යනු පූජ්‍ය පණ්ඩිත වරකාගොඩ සීලරතන ස්වාමීන් වහන්සේ විසින් සම්පාදිත, භික්ෂු විනයෙහි මුදල් පරිහරණය පිළිබඳව විමසා බලන කෙටි ධර්ම ග්‍රන්ථයකි. එකල භික්ෂූන් වහන්සේලා අතර පැතිරෙමින් තිබූ මුදල් පරිහරණය පිළිබඳ ගැටලුව හා ඒ සම්බන්ධයෙන් සමාජයේ පැවති දුර්මත නිරවුල් කිරීම මෙහි මූලික අරමුණ වී ඇත.
සූත්‍ර සහ විනය පිටකගත දේශනා පාඨ (විශේෂයෙන් මණිචූළක සූත්‍රය ආදී සූත්‍ර දේශනා) ඇසුරු කරගනිමින් භික්ෂූන් වහන්සේට රන්, රිදී, මිල-මුදල් පිළිගැනීම හා පරිහරණය අකැප වන ආකාරය මෙහි විස්තර කෙරේ. එසේම ගිහියන් විසින් සඟසතු පිරිකර පිණිස මුදල් පූජා කිරීමේදී අනුගමනය කළ යුතු විනයානුකූල චාරිත්‍ර (කැපකරු ක්‍රමය) සහ නිස්සග්ගිය පාචිත්තිය ආපත්ති පිළිබඳ විවරණයක් ද මෙහි ඇතුළත් වේ.
මෙම කෘතිය මුල්වරට 1964 දී ශාසන සංරක්ෂක බෞද්ධ මණ්ඩලය මගින් ප්‍රකාශයට පත් කරන ලද අතර, මෙහි දැක්වෙන දෙවන මුද්‍රණය ශ්‍රී කල්‍යාණී යෝගාශ්‍රම සංස්ථාවේ 50 වන වසර සැමරීම නිමිත්තෙන් 2000 වසරේදී ධර්ම දානයක් ලෙස මුද්‍රණය කරවා ඇත.
නිවේදනයකි මේ
මෙකල භික්‍ෂූන්වහන්සේ අතර දියුණුවෙගෙන යන මිළ-මුදල් පරිහරනය ශාසනයට හිතවත් සංඝරත්නයේ වටිනාකම දන්නා සැදැහැවත් බෞද්ධයන්ගේ මහත් චිත්ත සන්තාපයට හේතුවී තිබේ. ආගම ධර්මය ගැන වැඩි දැනීමක් නැති භික්ෂූන් වහන්සේලා කියන කොයි දේ ගැනත් සැලකිල්ලක් දක්වන ආධුනික ජනතාව කෙරෙහි අනුකම්පාවෙන් මේ ප්‍රශ්නය ගැන පොත් පිංචක් ලියවා ලක්ෂ ගණනින් රටේ ප්‍රසිද්ධකර හරින්නට යයි බුදුසසුන පාඨක භවතුන්ගෙන් අපට ලැබී තිබෙන ඉල්ලීම කල්පනාවට ගෙන මේ පොත් පිංච ප්‍රසිද්ධ කරන ලදි. මේ පොත මුද්‍රනය කරවා නොමිලයේ බෙදා හරින්නට කැමති තවත් සැදැහැවත්තු වෙත් නම් අපට දැක්වූ විට ඊට අවකාශ ලබා ගත හැක.
මීට ශාසන සංරක්ෂක බෞද්ධ මණ්ඩලය
ශාසන සංරක්ෂක බෞද්ධ මණ්ඩලය
16 ඩික්මන් පටුමග,
කොළඹ 5.
2508 පොසොන් පුර හෝ දින,
24.6.64
2 වන මුද්‍රණය 26-05-2000
ප්‍රාර්ථනය
වැටීගෙන යන සසුන (විශේෂයෙන් ප්‍රතිපත්ති ශාසනය) නගා සිටුවීමේ ක්‍රියාත්මක වැඩ පිළිවෙලක් වශයෙන් අතිපූජනීය රාජකීය පණ්ඩිත කඩුවැද්දුවේ ශ්‍රී ජින වංසාභිධාන මහෝපාධ්‍ය මාහිමිපාණන් වහන්සේ විසින් පිහිටුවා වදාළ ශ්‍රී කල්‍යාණී යෝගාශ්‍රම සංස්ථාවට පනස් වෙනි වස ලැබීම නිමිති කොට ධර්ම දාන වශයෙන් නොමිලයේ බෙදා දීම සඳහා ඌරුගමුවේ සිරි විමලජෝති ස්වාමීන් වහන්සේගේ උපදෙස් පරිදි පන්නිපිටිය, කොට්ටාව, කුලසෙවන පාරේ නොම්මර 704/2 දරණ නිවෙසෙහි පදිංචි විජිත පරණමාන සහ කුමුදිනී පරණමාන දෙපල සහ දරු දෙදෙනා විසින් මෙම දෙවන මුද්‍රණය කරවන ලදි.
ශ්‍රී ආර්යවිලාස වංසාලංකාර සද්ධර්ම වාගීශ්වරාචාර්‍ය්‍ය පටිපත්තිසෝභන ගණපාමොක්ඛාචාර්‍ය්‍ය යන ගෞරව නාම ධාරී රාජකීය පණ්ඩිත කඩුවැද්දුවේ ශ්‍රී ජිනාවංසාභිධාන මහෝපාධ්‍යාය මාහිමිපාණන් වහන්සේට බුදුබව ලැබේවා. දීර්ඝායුෂ ලැබේවා.