පියඋරුමයෙහි පියමැන - කොස්වත්තේ අරියවිමල හිමි.pdf

පියඋරුමයෙහි පිය මැන යනු පූජ්‍ය කොස්වත්තේ අරියවිමල හිමියන් විසින් සම්පාදිත භික්ෂු විනය හා ප්‍රතිපත්ති මාර්ගය විග්‍රහ කෙරෙන වටිනා ග්‍රන්ථයකි. කර්තෘ හිමියන් මීට පෙර රචිත ‘භික්ෂුවගේ පියඋරුමය’ කෘතියට ඉදිරි දැක්මක් ලෙස මෙම කෘතිය සම්පාදනය කර ඇත.

මෙහිදී බුදුරජාණන් වහන්සේ විසින් රාහුල කුමරු පැවිදි වූ තැන් පටන් රහත්භාවය ලබන තෙක් ක්‍රමානුකූලව ශික්ෂණය කළ ආකාරයත්, ඒ සඳහා දේශිත රාහුලෝවාද ආදී සූත්‍ර ධර්මත් විමසුමට ලක් කරමින් නවක පැවිද්දන්ගේ පිළිවෙත් මාර්ගය හා සිවුසතිපට්ඨාන භාවනාව පැහැදිලි කර දී තිබේ.

පොතෙහි අන්තර්ගත ප්‍රධාන මාතෘකා:

• පිවිසුම
• රාහුල චරිතය
• කළයුතු කථාව
• මුසාවෙන් මිදී ප්‍රත්‍යවේක්ෂණයට
• නිරතුරු අවවාදය
• විදර්ශනාව ගැබ්ගැන්වීම
• ගෙහසිත ඡන්දරාගයෙන් මිදෙන්නට
• රහල් හිමියෝ රහත් වෙති

මෙම ප්‍රථම මුද්‍රණය 2017 වසරේදී ධර්මදානය පිණිස යක්කල දිමුතු මුද්‍රණාලය මඟින් මුද්‍රණය කර ප්‍රකාශයට පත් කර ඇත.

පිදුම

සැදැහැයෙන්

සසුන්වන්

කුලපුතුනට

කොස්වත්තේ අරියවිමල හිමි.

පෙරවදන

“යෙ තෙ භික්ඛවෙ, නවා අචිරපබ්බ- ජිතා අධුනාගතා ඉමං ධම්මවිනයං තෙ වො භික්ඛවෙ, භික්ඛූ චතුසු සතිපට්ඨා- නෙසු සමාදපෙතබ්බා නිවෙසෙ- තබ්බා පතිට්ඨಾಪෙතබ්බා” “මහණෙනි, අලුත පැවිදි වූ ළඟදී මෙ සස්නට පැමිණි යම් නවක භික්ෂුහු වෙත් නම්, මහණෙනි, ඒ භික්ෂූහු ඔබලා විසින් සිවුසතිපට්ඨාන ධර්මය සමාදන් කරවිය යුතු වෙති. නිවෙසවිය යුතු වෙති. පිටිහිටුවිය යුතු වෙති.” -සං: නි: 5 (1), සාලා සූත්‍රය, 264 පිට, බු:ජැ:මු:

මේ ස්ථවිර භික්ෂූන් වහන්සේලා විසින් නවකයින් උදෙසා ඉටුකරනු ලැබිය යුතු කාර්යය පිළිබඳ තථාගත අනුශාසනයයි. ඒ දේශනාවේ තවදුරටත් නවක, ශෛක්ෂ්‍ය හා ක්ෂීණාශ්‍රව වහන්සේලා පිළිබඳ මෙසේ දැක්වේ. නවක භික්ෂුව: කාය, වේදනා, චිත්ත, ධම්ම යන දහම් සතරෙහි නවකයා විසින් සිත විනිවිදවනු ලැබිය යුත්තේ ඒවායේ ප්‍රකෘති ස්වභාවතාව යම් බඳු ද, ඒ ආකාරය පිළිබඳව ඥානය පිණිස ය. (යථාභූතං ඤාණාය) එය ප්‍රඥාවෙන් සංජානන මට්ට- ම ඉක්මවා, චෙතෝ සමථයෙන් (යෝනිසෝ මනසිකාරයෙන්) දැකීමට යොමු වීමකි. අභිජානනයට යොමු වීමකි.

සේඛ භික්ෂුව: නවකයා සේඛ තත්ත්වයට පැමිණි පසු සිවුසතිපට්ඨානයෙහි ඒකාග්‍ර චිත්තයෙන් වෙසෙන්නේ නුවණින් ඒ ධර්ම, ප්‍රතිවේධ කළවුන් පිළිබඳ දැනීම (පරිඤ්ඤෙය්‍ය) පිණිස ය.

ක්ෂීණාශ්‍රව භික්ෂුව: එය පිරිසිඳ දැක ක්ෂීණාශ්‍රවයන් වහන්සේලා ද සිවුසතිපට්ඨානයෙහි ඒකාග්‍ර චිත්තයෙන් වෙසෙති. ඒ කාය, වේදනා, චිත්ත, ධම්ම යන දහම් වලින් වෙන්- ව (ධම්මෙහි විසංයුත්තො) විසීම පිණිස ය. මුළුමනින් පැවිද්දම සිවුසතිපට්- ඨාන් කෙරෙන් බැහැරව පැවතිය යුත්තක් නොවන බව මින් ඉතා පැහැදිලි ය.

සතිපට්ඨාන් යනු භික්ෂුවගේ පිය- උරුමයයි. (පෙත්තකෙ ගොචරෙ) පියඋරුම- යෙන් බැහැර වීමේ අනාරක්ෂිත බව පැහැදිලි කරමින් “භික්ෂුවගේ පියඋරුමය” කෘතිය මීට පෙර මා විසින් සම්පාදනය කරන්නට යෙදුණි. එයට ඉදිරි දැක්මක් වශයෙන් “පියඋරුමයෙහි පියමැන” කෘ- තිය සම්පාදනය කළෙමි. මෙහි දී මා උපයෝගී කරගන්නේ මජ්ඣිම නිකායේ අම්බලට්ඨික රාහුලෝවාද සූත්‍ර අට්ඨක- ථාවෙන් තවත් තිර පැහැදීමක් දක්නට ඇති පරිදි බුදුරජාණන් වහන්සේ විසින් රාහුල හිමියන් ශික්ෂණයට පත්කරනු පිණිස වදාළ සූත්‍රදේශනා අනුපිළිවෙළයි. හෙරණ පැවිද්දේ පටන් උපසම්පන් බවත්, අර්හත් බවත් දක්වා අනුශාසනාවාද වශයෙන් ද ඒ ඒ වයසට, අවස්ථාවට උචිත අයුරින් ද ඒ දේශනාවන් සිදු වී ඇත. ඒ තුළින් සැලැස්ම අනුව මේ කෘතියෙහි දැක්වෙ- න්නේ රාහුල හිමියන් පියඋරුමයෙහි (සිවුසතිපට්ඨානෙහි) පියමැන ආකාරයයි. ඒ නිසා කෘතිය “පියඋරුමයෙහි පියමැන” යනුවෙන් නම් කළෙමි.

දැනට පොදුවේ ක්‍රියාත්මක වන භික්ෂු අධ්‍යාපන වැඩපිළිවෙළේ පිළිවෙ- තට යොමු වීම, පිළිවෙත වැඩීම පිළිබඳ අවධානය බොහෝ සෙයින් ගිලිහී ගොස් ඇත. එය සද්ධර්ම ගර්හනාවක් නොවෙතත් පවතින තත්ත්වය සතුටුදායක තත්ත්වයක් නොවේ. මෙව- න් පසුබිමක පිළිවෙතට අවශ්‍ය දහම් දැක්ම පැහැදිලි කරගැනීම පහන් දැල්වීම බඳු වේ. අප කවුරුත් දිගුකලක් සංසාරේ සැරිසරා ආවේ අවිද්‍යා නීවරණයෙන් ආවරණය වී තෘෂ්ණා සංයෝජනයෙන් බැඳී ඇති නිසාමය. අවිද්‍යාව හා තෘෂ්ණාව මැනවින් ක්ෂය කිරීම අරමුණු කරගත් ඒ සඳහා වූ පිළිවෙත, නීවරණයන්ගෙන් වැසුණ ලෝකයක දිගුකලක් පවත්වා ගැනීම පහසු නොවේ. අනුබුදු සමයේ තහවුරු වූ එම යථෝක්ත ක්‍රමය, විකෘ- ති වීම අසීරු ය. නොයෙක් ප්‍රවාද හා නිකායාන්තර මතවාදයන් ඔස්සේ අටුවා- චාරීන් වහන්සේලා, පර්යාප්තිය ආරක්ෂා කළහ. ප්‍රතිපත්තියට හා ප්‍රතිවේ- ධයට අවශ්‍ය දැක්ම හා ක්‍රමවේද පිළි- බඳ තොරතුරු එකිනෙකා අතින් අත යෑමෙන් වෙනස් වීම බහුල ය. ඒ කලින් කල උපන්- වන මතයන් නිසාය.

අද යුගය වන විට ගිහි - පැවිදි දෙ- පක්ෂයටම අයත් ඇතැමුන් තුළ පිළිවෙත වැඩීම පිළිබඳ අවබෝධයක් තිබේ. එය සාධනීය ලක්ෂණයකි. ඒ තුළ කෙසේ හෝ කළයුතු වන්නේ කවර ක්‍රමවේදයක් ඔස්සේ හෝ නොයෙකුත් ආචාර්යවරුන් කියන ක්‍රමවේද අත්හදා බැලීමෙන් විමසා තෝරා බේරා ගැනීමය. අපගේ ප්‍රවාද දෝෂයන් අප ම හඳුනා ගනිමි- න් නැගී සිටීම පිණිස ආත්ම ප්‍රත්‍යවේක්ෂා- වෙන් යෙදිය යුතු ය. එය ද නුවණින් කළයුතු කාර්යයකි. මෙවන් පසුබිම

ක දී අතිපූජනීය, කටුකුරුන්දේ ඤාණ-නන්ද ස්වාමීන් වහන්සේ සිදුකර ඇති දහම් විවරණ වල අගය බෙහෙවින් අප සිහියට නැගෙන බව සඳහන් කළ-යුතුමය. ලෝකයාට කල්‍යාණමිත්‍රයන් වහන්සේ නමක් වෙමින්, උන්වහන්සේ ගැඹුරු මූලධර්මවල ඓතිහාසිකව සිදුව ඇති අර්ථ විපරීතයන් අධ්‍යයනය කොට ‘පෙළ’ දහමට අනුගත මූලිකාර්ථ-ධයන් මතුකරන ආකාරය අතිශයින් ප්‍රශංසනීය ය. ප්‍රායෝගික ය.

තවද මෙසේ වෙද්දී “භික්ෂුවගේ පිය-උරුමය” කෘතියට ඉදිරි දැක්මක් ලෙස “පියඋරුමයෙහි පියමැන” කෘතිය සම්පා-දනය කළේ අපව දනුන අධ්‍යාත්මික නිදහස සලසාගන්නට අවශ්‍ය නිසාමය. මේ කෘතිය ධර්ම දානයක් වශයෙන් බුදුබණ දහරයෙන් තෙලිදක්වමින් ධර්ම-කාමීන් අතට පත්කිරීමට කටයුතු කරන්නේ අපගේ නිවන් අරමුණට පාරමිතා කුශලයක් වනු පිණිසය ය. දහම් බලයෙන් උන්සුන් වන ලෝකයාට

ප්‍රඥාලෝකයක්ම වනු ඇත යන විශ්-වාසයෙන් බය. සැදැහැයෙන් සසුන්-වන් කුලපුතුනට දහම් බලයෙන් උන්-සුක වීමට යම්පමණකින් හෝ අත්වැලක් වේවායන පැතුමෙන් ද ය.

මෙය පරිපූර්ණ ප්‍රයත්නයක් ලෙස මම නොදකිමි. අදාළ දහම් කරුණු විස්තර කිරීමේ දී ප්‍රමුඛ කාර්යය බරක් නොවුනු පිණිස, සංක්ෂිප්ත බව කෙරෙහි අවධානය යොමු කළෙමි. හැකි හැම විටම සසුන් පිළිවෙතට අදා-ළව යථානුකූල දැක්ම පනවා ගැනීමට වැඩි උත්සාහයක් දැරීමි. හැකි තාක් මූලාශ්‍ර ඇතුළත් කළේ බහුශ්‍රැතත්-වයට ධර්මකාමීන්ට පහසුවක් වනු පිණිස ය.

අනුමෝදනා:- මේ කෘතියේ පළමු පරිච්ඡේදය අවසානයේ දැක්වෙන රාහුල ස්වාමීන් වහන්සේගේ ප්‍රතිබිම්බ සිතුවම්කරණයෙන් වහන්සේලා ගුරුබුහුමන් දැක්වීමේ සේඛ-නාසිකා චරිතය පිළිබඳව ප්‍රවීණ චිත්‍රශිල්පී

අවධානය යොමු කළ ප්‍රජාප්‍රී ඩික්සන් කොළඹගේ ස්වාමීන් වහන්සේ වෙත දී කෘතවේදීව සිහිපත් කරමි.

ධර්මදානයක් ලෙස ඉදිරිපත් කෙ-රෙන මේ ධර්මසංග්‍රහයෙහි මුද්‍රණ කටයු-තු දර්ශනීයව සපුරා ලූ යක්කල දිමුතු මුද්‍රණාලාධිපති එච්. එම්. එච්. ඩී. බණ්ඩාර මහතා ඇතුළු සමස්ත කාර්ය මණ්ඩලයට මගේ පුණ්‍යානුමෝදනා පූර්-වක ස්තූතිය හිමි පිරිනමමි.

කොස්වත්තේ අරියවිමල හිමි. ආර්ය නිකේතනය. 261/1, ඩී, පරකන්දෙණිය ඉඹුල්ගොඩ.

කොස්වත්තේ අරියවිමල හිමි.
ආර්ය නිකේතනය.
261/1, ඩී, පරකන්දෙණිය
ඉඹුල්ගොඩ.