පාලිමුත්තකවිනයවිනිච්ඡය.pdf

පාලිමුත්තකවිනයවිනිච්ඡය සඞ්ගහො (හෙවත් විනයසඞ්ගහ) යනු පොළොන්නරු යුගයේ වැඩවිසූ මහාපරාක්‍රමබාහු රජුගේ ආරාධනයෙන් ත්‍රිපිටකධාරී සාරිපුත්ත මහාස්ථවිරයන් වහන්සේ විසින් සම්පාදනය කරන ලද අගනා විනය ග්‍රන්ථයකි. මෙහි විනය පිටකය හා සමන්තපාසාදිකා අටුවාව ඇසුරු කරගනිමින් භික්ෂූන් වහන්සේලාට විනය කර්ම හා ශික්ෂාපද පිළිබඳ විනිශ්චයන් විස්තරාත්මකව ඉදිරිපත් කර ඇත.

මෙම සංස්කරණය කොළඹ විද්‍යෝදය මහාවිද්‍යාලයීය ආචාර්ය දෙහිගස්පේ පඤ්ඤාසාර, පලන්නොරුවේ විමලධම්ම සහ වේරගොඩ අමරමෞලි යන හිමිවරුන් විසින් විවිධ පුස්කොළ පොත් සංසන්දනය කර සංශෝධනය කර ඇති අතර, විද්‍යෝදයාධිපති කහවේ සිරිසුමංගල රතනසාර නායක ස්ථවිරයන් වහන්සේගේ පරීක්ෂාවෙන් යුතුව සකස් කර තිබේ.

බුද්ධ වර්ෂ 2475 (ක්‍රි.ව. 1931) දී ඒ. කුරුප්පු මහතාගේ ප්‍රකාශනයෙන් විජ්ජාසෙසක සභායාලයීය මුද්‍රණාලයේ මුද්‍රණය කරවා ඇති මෙම කෘතියෙහි දිවාසයන, පරිකඛාර, සීමා, උපොසථ ආදී විනය කරුණු 38 ක් යටතේ විස්තර ඇතුළත් වේ.

සඤ්ඤාපනං

සිරිසක්‍යමුනිසබ්බඤ්ඤුනා බුද්ධෙන පන’ම්හාකං භගවතා සදෙවකස්ස ලොකස්ස හිතාය සුඛාය දෙසිතො පරියත්තිධම්මො. සො පනෙසො පරියත්තිධම්මො සුත්තපිටකං අභිධම්මපිටකං විනයපිටකන්ති භෙදෙන තෙවිධො තථා’පි තෙසු. තතො’පි “විනයො සාසනස්ස ආයූ”ති විසුද්ධඛීණාසවමහාකස්සපත්ථෙරපමුඛා පඤ්ච සතාරහන්තා පඨමමෙව විනයං සඞ්ගායිංසු.

තං පනෙ’තං තථාගතප්පවෙදිතවිනයපිටකං පාරාජිකපාළි පාචිත්තියපාළි මහාවග්ගපාළි චුල්ලවග්ගපාළි පරිවාරපාළීති තෙපීතිකාරූළ්හෙහි පඤ්චහි ගන්ථෙහි පරිපුණ්ණං. ඉච්චෙවං පරිපුණ්ණස්ස විනයපිටකස්ස නානානයනිපුණා’නුබුද්ධබුද්ධඝොසමහාථෙරෙන සමන්තපාසාදිකා නාම විනයට්ඨකථාසංවණ්ණනා කතා සිහලට්ඨකථාපරිවත්තනෙන.

තතො පච්ඡා’පි විනයපරියත්තිවිසාරදෙහි තෙහි තෙහි මහාථෙරෙහි ඛුද්දසික්ඛාමූලසික්ඛාවිනයවිනිච්ඡයාදයො පකරණගන්ථා නිප්ඵාදිතා යෙහි කඞ්ඛං විනොදෙත්වා විනයො’ව බුද්ධො තෙසිච්ඡි. පාලිමුත්තකවිනයවිනිච්ඡයසඞ්ගහො නාමායං ගන්ථො’පි තෙසු පකරණගන්ථෙස්වනෙකග්ගො සබ්බත්ථ පත්ථටො පසත්ථො විනයසඞ්ගහො.

සො පනා’යං විනයසඞ්ගහො සිරිසම්මාසම්බුද්ධස්ස පරිනිබ්බාණතො සත්තසතාධිකස්ස වස්සසහස්ස උපරි තතියෙ බුද්ධවසෙ සිරිලංකායං රජ්ජසිරිපදප්පත්තෙන මහාපරක්කමබාහුමහානරින්දෙන සමාරාධිතෙන සද්ධම්මට්ඨිතිකාමෙන තෙපිටකෙන සාරිපුත්තත්ථෙරසාමිනා සමන්තපාසාදිකායං විනයට්ඨසංවණ්ණානාය තත්ථ තත්ථාගතවිනිච්ඡයඤ්ච, තථා අනුරූපෙසු ඨානෙසු දෙසනාපාළිඤ්ච සඞ්ගහෙත්වා සම්පාදිතො. තෙනෙවස්ස විනයසඞ්ගහොති අපරනාමම්පි භවති.

තස්ස ඛො පන පාලිමුත්තකවිනිච්ඡයසඞ්ගහස්ස පාඨ සොධනමපි ඒ කුරුප්පුජයවද්ධනාභිධානෙන මහාසයෙන සමාරාධිතා මයං කතිපයපොත්‍ථකානි සමොලොකයමානා යථාබලං පාඨසොධනමකරිම්හ. තථාපි අම්හාකං පමාදසඤ්ජාතා අසුද්ධපාඨා සන්ති චෙ තෙ සම්බුද්ධසාසනවුද්ධිකාමිනො බුද්ධිමන්තො සුද්ධිං පාපෙත්වා වාචෙන්තුති අම්හාකං පත්ථනා. සොධනෙ චස්ස ගන්ථස්ස කතිපයඵලකානං ඔසානසුද්ධිපත්තාවලොකනෙන විජ්ජොදය මහාවිජ්ජාලයෙ උපපධානාචරියෙන ‘බද්දේගම’ සිරිපියරතන ථෙරපාදෙන කතමුපකාරං, තථා තස්මිං යෙව විජ්ජාලයෙ උපාචරියෙන ‘දෙවුන්දර’ වාචිස්සරභික්ඛුනා කෙසඤ්චි ඵලකානං අම්හෙහි සද්ධිං සුද්ධිපත්තාවලොකනෙන කතමුපකාරඤ්ච කතඤ්ඤුතාය සමනුස්සරාම.

එවමභිසංඛතො චායං ගන්ථො අම්හාකමාචරියවරෙන බුද්ධජනභමරගණනිසෙවිතපාදපඞ්කජෙන විජ්ජොදයමහාවිජ්ජාලයාධිපතිධුරං දධානෙන පණ්ඩිතසිරොමණිනා සිරිමතා ‘කහවෙ’ සිරිසුමඞ්ගලරතනසාරාභිධානෙන සිරිලංකායං පච්ඡිමදිසාය පධානනායකත්ථෙරවරෙන සාදරං පතිග්ගහෙත්වා ගරුකතමුපනීතො.

ඉමස්ස ගන්ථස්සාභිසංඛරණෙනා’ම්හෙහි යං පුඤ්ඤං ලද්ධං, තං අම්හාකමාචරියවරො සිරිසුමඞ්ගලරතනසාරාභිධානො පධානනායකථෙරො ච ‘පලන්නොරුවේ’ සිරිවිජයසුන්දරාරාමාධිපති හුත්වා දිවඞ්ගතො ‘මොල්ලිගොඩ’ සිරිවිමලතිස්සාභිධානමහාථෙරො, ‘ගල්කන්ද’ නාම මහාවිහාරමජ්ඣාවසන්තො ‘දෙහිපේ’ ආනන්දත්ථෙරො, ‘බද්දේගම’ සිරිවාචිස්සරගුණානන්දත්ථෙරො, ‘වැලිවිටියේ’ සුමනපාලත්ථෙරො චෙති අම්හාකමනුකම්පකා’චරියා චෙව සබ්බෙ වා’ඤ්ඤෙ හිතසුඛමිච්ඡන්තා’නුමොදන්තු.

දෙහිගස්පේ-පඤ්ඤාසාර. පලන්නොරුවේ-විමලධම්ම. වේරගොඩ-අමරමොලි.

2475 සිරිබුද්ධවසෙ පොට්ඨපාදමාසෙ සුක්කපක්ඛෙ පඤ්චමියං බුධවාරෙ විජ්ජොදයමහාවිජ්ජාලයතො.

දෙහිගස්පේ-පඤ්ඤාසාර.
පලන්නොරුවේ-විමලධම්ම.
වේරගොඩ-අමරමොලි.
2475 සිරිබුද්ධවසෙ
පොට්ඨපාදමාසෙ සුක්කපක්ඛෙ
පඤ්චමියං බුධවාරෙ
විජ්ජොදයමහාවිජ්ජාලයතො.