දින චරියා සහ වත් - යෝගාශ්‍රමයේ.pdf
- ප්‍රකාශිත වර්ෂය :
- 1952
- මුද්‍රිත වර්ෂය :
- 1952
- පිටු ගණන :
- 25
- බාගත කිරීම් ගණන :
- 2,615
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 15 MB
පොතේ පිටු කිහිපයක ඡායාරූප පහතින් බලන්න.
දිනචරියා සහ වත් (හෙවත් දිනචරියාදී සංග්‍රහ) යනු ආරණ්‍යවාසී හා යෝගාශ්‍රමවාසී භික්ෂූන් වහන්සේලා සහ යෝගාවචරයන් උදෙසා සම්පාදිත දිනචරියා, කතිකාවත් හා වත්පිළිවෙත් ඇතුළත් අත්පොතකි.
1951 පොසොන් පුර පසළොස්වක පොහෝ දින දෙල්දූවේ විවේකාරාමයේදී අතිපූජ්‍ය කඩවැද්දුවේ ශ්‍රී ජිනවංශ මහාස්ථවිරයන් වහන්සේගේ ප්‍රධානත්වයෙන් ප්‍රථම වරට ලක්දිව නානා පළාත්වලින් තෝරාගත් යෝගාවචරයන් දොළොස් නමක් සසුන්ගත කිරීම සිහිපත් කරමින්, අම්බලන්ගොඩ ශ්‍රී සද්ධර්මප්රකාශක සමිතියේ සම්පාදක මණ්ඩලය මගින් බු.ව. 2495 (ක්‍රි.ව. 1952) දී මෙම කෘතිය මුද්‍රණය කරවා පූජා කර ඇත.
මෙහි දිනචරියාව (පාලි හා සිංහලෙන්), ශාසනික ප්‍රතිපත්තිය විධිමත් කෙරෙන යෝගාශ්‍රමීය කතිකාවත සහ වැසිකිළි වත් ආදී නොයෙක් විනයානුකූල වත්පිළිවෙත් විස්තර කෙරේ.
නිවේදනය.
1951 ජුනි මස 18 වෙනි දිනට පත් පොසොන් පුණු පොහෝදා- දෙල්දූවේ විවේකාරාමයේදී- අතිගරු පණ්ඩිත කඩවැද්දුවේ ශ්‍රී ජිනවංශ මහාස්ථවිර ස්වාමිපාදයාණන් වහන්සේ විසින්- ප්‍රථම වරට ලක්දිව නානා පළාත්වලින් තෝරාගන්නා ලද යෝගාවචරයින් දොළොස්දෙන සසුන්ගත කරවීමේ උදාරතර මහා පුණ්‍යකර්‍මයේ ප්‍රමුඛත්වය ඉසිලීමේ භාග්‍යය ලත්- අම්බලන්ගොඩ ශ්‍රී සද්ධර්මප්රකාශක සමිතිය, එය සිහිපත්වීම නිමිතිකොට දිනචරියාදි සංග්‍රහ නමැති මෙම විනය පුස්තකය සමිතියෙහි සම්පාදකයන් වන පහත නම් සඳහන් අප විසින් මුද්‍රණය කරවා යෝගාවචරයින්ගේ ප්‍රයෝජනය සඳහා පූජාකරණ ලදී.
නිබ්බාණ පච්චයො හොතු.
මීට,
අම්බලන්ගොඩ ශ්‍රී සද්ධර්මප්රකාශක සමිතියේ
සම්පාදකයන් වන,
ඇස්. ඒ. ද සිල්වා ඩී. එච්. ඇල්. ගුණවර්ධන
ඇම්. පී. බේරුවලගේ ඇස්. ඇම්. ඩී. ද සිල්වා
ඩබ්ලිව්. පේමදාස ජේ. එච්. ඩී. සුගුණපාල
යන අපි වෙමු.
බු. ව. 2495
ක්‍රි. ව 1952
අම්බලන්ගොඩ දීය.