පාලි ව්‍යාකරණ සමාලෝචනා.pdf
- කතෘ :
- අඹන්පොළ ඥානවිමල හිමි
- ප්‍රකාශිත වර්ෂය :
- 1953
- මුද්‍රිත වර්ෂය :
- 1953
- පිටු ගණන :
- 113
- බාගත කිරීම් ගණන :
- 5,985
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 24 MB
පොතේ පිටු කිහිපයක ඡායාරූප පහතින් බලන්න.
පාලි ව්‍යාකරණ සමාලොචනා යනු පාලි ව්‍යාකරණ නීතිරීති පිළිබඳ විවේචනාත්මක හා ගැඹුරු විමර්ශනයක් ඉදිරිපත් කරමින් පහලගම විද්‍යාරවින්ද පිරිවෙන්හි ආචාර්ය පණ්ඩිත අඹන්පොළ ඥානවිමල ස්ථවිරයන් වහන්සේ විසින් සම්පාදනය කරන ලද ව්‍යාකරණ ග්‍රන්ථයකි.
මෙහිදී බාලාවතාර, රූපසිද්ධි, කච්චායන, මොග්ගල්ලායන සහ සද්දනීති යන ප්‍රකට සම්භාව්‍ය පාලි ව්‍යාකරණ ග්‍රන්ථයන්හි සඳහන් කරුණු පාදක කරගනිමින් අක්‍ෂර, සවර, ව්‍යඤ්ජන, ඨාන, කරණ, ප්‍රයත්න ආදී ව්‍යාකරණාංගයන් පිළිබඳ තුලනාත්මක විවරණයක් සපයා ඇත. විශේෂයෙන් පාලි භාෂාව හදාරන ප්‍රවීණ හා ආධුනික ශිෂ්‍යයන්ට මෙන්ම උසස් විභාග අපේක්ෂකයන්ට ප්‍රයෝජනවත් වන අයුරින් මෙය රචනා කොට තිබේ.
රාජකීය පණ්ඩිත දමුණුපොළ ඤාණරතන ස්වාමීන්ද්‍රයන් වහන්සේගේ සංශෝධනයෙන් යුතු මෙම කෘතිය, ඇල්පිටියේ පොත්ගුල් විහාරාධිපති අඹන්වල ධම්මරක්ඛිත ස්ථවිරයන්ගේ උපකාරයෙන් බුද්ධ වර්ෂ 2497 (ක්‍රි.ව. 1953) දී මහනුවර යුනියන් මුද්‍රණාලයේදී මුද්‍රණය කරවා ප්‍රකාශයට පත් කර ඇත.
හැඳින්වීම
මෙම “පාලි ව්‍යාකරණ සමාලොචනා” වනාහි කුඩා පොතකි. එහෙත් පාලි ව්‍යාකරණ පිළිබඳවූ විවේචනාත්මක ලියවිල්ලකි. පාලි ව්‍යාකරණ හදාරණ නවීන ශිෂ්‍යයන්ට මෙන්ම ප්‍රවීන ශිෂ්‍යයන්ටද විශේෂයෙන් උසස් විභාගාපෙක්ෂකයන්ටද මෙම කුඩා පොත ඉතා ප්‍රයෝජනයයි අප විසින් කියයුතු නොවේයි. අපේ මෙම විවේචනාත්මක කෘතියට කරුණු සැපයීමෙහිලා බාලාවතාර රූපසිද්ධි කච්චායන මොග්ගල්ලායන සද්දනීති යන ග්‍රන්ථ උපයෝගීවිය,
ආධුනික ශිෂ්‍යයන්වත් කලක් තිස්සේ පාලි වියරණ උගත් ශිෂ්‍යයන්වත් මෙය කියවීමෙන් පාලියේ යම් යම් නීති රීතීන් විචාරාක්ෂියට යොමුවනු නො අනුමානයි. එමෙන්ම විනෝදයෙන් හා විමසිල්ලෙන් අවසානය තෙක් මේ පොත කියවීමෙන් ඔබේ පාලි ව්‍යාකරණ ඥානය අලපමාත්‍ර වූත් දියුණුවක් ලබා නම් අපේ මේ කුඩා පොත ප්‍රසිද්ධ කිරීමේ මූලික අදහස වූයේ ද එයයි.
මගේ ධර්‍මාචාර්‍ය්‍ය රාජකීය පූජ්‍ය පණ්ඩිත දමුණුපොලේ ඤාණරතන ස්වාමීන්ද්‍රයන් වහන්සේ මේ පොත අවසානය තෙක් කියවා බලා මුද්‍රණයට මැනවැයි සම්මත කළහ.
මේ පොත පිළියෙල කිරීමෙහිලා මා උත්සාහවත් කළේ අපගේ භ්‍රාතෘ භූත ඇල්පිටියේ පොත්ගුල් විහාරාධිපති ගරු අඹන්වල ධම්මරක්ඛිත ස්ථවිරයන් වහන්සේය උන් වහන්සේ මෙය මුද්‍රණයෙන් ප්‍රකාශයට පත් කිරීමේ විශාල භාරය දැරීමෙන් හා පිටපත් කියවා බැලීමෙන්ද කරණ ලද මහත් උපකාරය කෘතඥතා පූර්වකව සිහි කරමි. එමෙන්ම විද්‍යාරවින්ද පිරිවෙනේ ශිෂ්‍යයෙකුවූ දුනුමඩලාවේ ධම්මපාල යතිවරයන්ද මෙය මුද්‍රණයේහිදී අපට ආධාර කල බව සතුටින් සඳහන් කටයුතුයි.
විද්‍යාරවින්ද පාරිවේණික ශිෂ්‍යයන් වූ ගොරකදෙවිල ධම්මරක්ඛිත මංකෙහෙල්වල පඤ්ඤාසාර, පොදූල්ගොඩ පේමරතන, කළුගල චන්ද්‍රනන්ද, තම්මිට සරණතිස්ස, කලුන්දෑවේ ඤාණිස්සර යන යතිවරයන් වහන්සේලා මෙහි මුද්‍රණයට සුදුසුසේ පිටපත් ලියා දීමෙන් උපකාර කළහ.
පොතේ මුද්‍රණය,, කලට වේලාවට ඉතා හොදට හා ඉක්මනට කරදුන් මහනුවර යුනියන් මුද්‍රණාලයේ අයිතිකාර තැන්පත් ප්‍රැන්සිස් ගුණරතන මහත්මයා ඇතුළු පිරිසටත් අපේ අවංක ස්තුතිය හිමි වේ.
තවද මෙබඳු කටයුත්තෙහි මාගේ වර්ධනය හා රක්ෂණය ඉතාහිතින් සැලසු ඥානොදය පරිවෙණාධිපති පූජ්‍ය නායක මාහිමියාණන් වහන්සේටද ඥානොදය පිරිවෙන්හි ආචාර්‍ය්‍ය පණ්ඩිත සද්ධර්‍ම විශාරද යටිගම්මන වාචිස්සර ස්වාමීන්ද්‍රයන් වහන්සේටද අපගේ ප්‍රව්‍රජ්‍යාචාර්‍ය්‍ය කපු කොටුවේ බෝධිරාජ විහාරය මාපාලාපිටියේ බෝතාලොක විහාරය හා යටවත් තේ විහාරය යන විහාරත්‍රයාධිපති ගෞරවාර්‍භ අඹන්පොළ උපතිස්ස මහාස්ථවිර පාදයන් වහන්සේටද දැනට මගේ කටයුතු හොදින් ඉටුකර දෙන විද්‍යාරවින්ද පිරිවෙන් විහාරාධිපති ගෞරවාර්‍භ හල්ගස්තොට දේවානන්ද ස්වාමීන්ද්‍රයන් වහන්සේටද විද්‍යාරවින්ද පරිවෙණාධිපති ගරු පණ්ඩිත ගැටදිවෙල විමලරතන ස්වාමීන්ද්‍රයන් වහන්සේටද එහි ආචාර්ය ගරු කර්‍මවාචාර්‍ය්‍ය මැදෑ මුල්ලේ පේමරතන ස්වාමීන්ද්‍රයන් වහන්සේට හා ගරු විනයාචාර්‍ය්‍ය නලගුණේ ධම්මදස්සි ස්වාමි පාදයන් වහන්සේට ද මගේ භක්ත්‍යාදරය හිමි වේවා.
අඹන්පොල ඥානවිමල ස්ථවිර
විද්‍යාරවින්ද පිරිවෙන
පහලගම,
ගම්පහ.