කච්චායන භේදය - සන්න සහිත.pdf
- කතෘ :
- මහායස හිමි
- ප්‍රකාශිත වර්ෂය :
- 1907
- මුද්‍රිත වර්ෂය :
- 1907
- පිටු ගණන :
- 101
- බාගත කිරීම් ගණන :
- 1,467
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 90 MB
පොතේ පිටු කිහිපයක ඡායාරූප පහතින් බලන්න.
කච්චායන ව්‍යාකරණය පහසුවෙන් අවබෝධ කරගැනීම පිණිස මීට වසර සිය ගණනකට පෙර බුරුමයේ විසූ මහායස නම් මහාස්ථවිරයන් වහන්සේ විසින් රචිත ‘කච්චායන භේදය’ නම් පාලි ව්‍යාකරණ ග්‍රන්ථය සහ ඊට සම්පාදිත සිංහල සන්නය මෙහි අන්තර්ගත වේ.
මෙහි එන සන්නය කොස්ගොඩ ගණේගොඩැල්ලේ විජයසිරිවර්ධනාරාමවාසීව වැඩවිසූ ජීනවංශ සිරි පඤ්ඤාසාර මහාථෙරයන් වහන්සේ විසින් රචනා කර ඇති අතර, උන්වහන්සේගේ ශිෂ්‍ය කොස්ගොඩ තල්ගහපිටියේ අභයසිරිවර්ධනාරාමවාසී පඤ්ඤාර්කථ හිමියන් විසින් ප්‍රතිසංස්කරණය කොට ශ්‍රී බුද්ධ වර්ෂ 2450 දී (ක්‍රි.ව. 1907) මුද්‍රණයට පමුණුවා ඇත.
ආධුනිකයන්ට පාලි ව්‍යාකරණය පිළිබඳ දැනුම මනාව වර්ධනය කරගත හැකිවන පරිදි පද බෙදා, අර්ථ දක්වා, උදාහරණ හා ටීකා පාඨ සහිතව සවිස්තරාත්මකව කරුණු විග්‍රහ කර ඇත.
සංඥාපනය.
කාත්‍යායන ව්‍යාකරණ උන්නාකාර ප්‍රවෙශයෙහි නිරතවූ ආධුනික ජනතාවට නිරායාස මාර්ගවූ “කච්චායනභෙද” නම් මෙ ග්‍රන්ථය මීට දෙසිය අටඅනූ වර්‍ෂයකින් පෙර එනම් ශ්‍රී බුද්ධ වර්‍ෂයෙන් 2152 පමණ කාලයෙහි බුරුම රට විසූ කීර්තිමය මුද්‍රින් ඇති පාලි සංස්කෘතාදි නානාභාෂාවන්හි විසාරද බුද්ධිමන්වූ දෙගුණ්බිංහ වෘත්තිය ඇසුරුකොට කරණලද “සම්බන්ධචින්තා” නම් සංස්කෘත ග්‍රන්ථය නිශ්‍රයකොට “කච්චායනසාර” නම් පාලි ව්‍යාකරණ ග්‍රන්ථය නිර්මාන යකළ මහායස නම් මහාස්ථවිරයන් විසින් රචනාකරණලදි.
මීට අරියාලංකාර මහතෙරුන් විසින් විරචිත ප්‍රමාණයෙන් කුඩාවුවත් කච්චායනභෙදගත අත්‍ථාවබෝධයෙහි මහොපකාරිවූ “සාරත්‍ථවිකාසිනී” නම් පුරාණ ටීකාවද උත්තරමසිකඛ මහාස්ථවිරයන් විසින් පෙළ අටුවා ටීකා ප්‍රකරණ ආදියෙන් හා නොයෙක් පාලිව්‍යාකරණ ග්‍රන්ථාන්තරයෙන්ද දෘෂ්ටාන්ත දක්වා සූවිසි බණවරකින් පමණ ඉතා විස්තරව රචනා කරණ ලද “කච්චායනභෙද පදීපක සංවණ්ණනා” නම් අභිනව ටීකාවදැයි ටීකාවයක් විද්‍යමානයි.
මෙ කච්චායනභෙද ග්‍රන්ථය ග්‍රහණ ධාරණ විසින් පරිශීලනය කරණුවන්ට කාත්‍යායන ව්‍යාකරණාවබෝධය සුකරවූයේවිනමුත් නවීණයන්ට ව්‍යාඛ්‍යා විරහිත කච්චායනභෙදයෙන් ප්‍රභා ලැබීම සුකර නොවේමය.
එබැවින් මෙයින් සුම පනස් වර්ෂයකට පෙර දක්‍ෂිණ ලංකාවේ කොස්ගොඩ ගණෙගොඩැල්ලේ විජයසිරිවර්ධනාරාමයෙහි විසූ ප්‍රවර වෘන්ද්‍ර අටුවාසන්නයෙහිද අභිනව සාසනවංස සන්නයෙහිහා ස්‍යාමොක්ත කාව්‍ය ව්‍යාඛ්‍යානයෙහි කර්තෘවූ පාලි සංස්කෘතාදි භාෂාපාරප්‍රාප්ත නයෙහි සුනිපුණ පාණ්ඩිතත්‍වයක් දැරූ ජීනවංශ සිරි පඤ්ඤාසාර මහාස්ථවිරයන් වහන්සේ විසින් මෙ (කච්චායන භෙද) ප්‍රකරණයට සන්නය ලියන ලදි. භෙද ග්‍රන්ථයී ප්‍රදීපනයෙන් ආධුනිකාභ්‍යාසකාරයන් සිතැඟි ප්‍රයෝජනයට බාධාවේවියයි ලිහිල්බසින් අනවබොධ නොවනලෙස උදාහරණ දක්වමින් විස්තර කටයුතු තැන් සවිස්තරවද සුබොධස්ථාන සංක්‍ෂෙපවද ඇතැම් තැන ටීකාපාඨද දක්වමින් භාවයම ගරුකොට සලකා ඉතා පරිශ්‍රමයෙන් ලියනලද බැව් පෙනේ.
මෙය නූතන ශිෂ්‍ය සමූහයා අතර පතලකිරීම මෙකල ආවශ්‍යක කෘත්‍යත්‍වයක් හෙයින් සන්නකාරීන්වහන්සේගේ අනු ශිෂ්‍යයෙක්වූ කොස්ගොඩ තල්ගහපිටියේ අභයසිරිවර්ධනාරාමවාසී පඤ්ඤාර්කථ ස්වාමීන්වහන්සේ ලවා මුද්‍රණයට යෝග්‍යපරිද්දෙන් ප්‍රතිසංස්කරණය කරවාගෙන මෙසේ ප්‍රසිද්ධ කෙළෙමු.
මේ පොත මුද්‍රණය කරවීම සඳහා කොස්ගොඩ අගම්පොඩි චාර්ලිස් මැන්දිස් විසින් කඩදාසි අරන් දීමෙන් ආධාර කරණලද බව සතුටින් ප්‍රකාශ කරමු.