ආඛ්‍යාත නය දීපනිය.pdf
- කතෘ :
- ගල්වෙහෙර අමරඤාණ හිමි
- ප්‍රකාශිත වර්ෂය :
- 1936
- මුද්‍රිත වර්ෂය :
- 1936
- පිටු ගණන :
- 137
- බාගත කිරීම් ගණන :
- 2,205
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 101 MB
පොතේ පිටු කිහිපයක ඡායාරූප පහතින් බලන්න.
ආඛ්‍යාතනය දීපනිය යනු පාලි භාෂා ව්‍යාකරණයේ එන ආඛ්‍යාත පද සහ ධාතු විභාගය පිළිබඳව විස්තරාත්මකව කරුණු දක්වමින් සම්පාදිත ව්‍යාකරණ ග්‍රන්ථයකි. මෙය පතිරාජ පරිවේණික ගල්වෙහෙර අමරඤාණ හිමියන් විසින් ක්‍රි.ව. 1936 (බු.ව. 2479) දී සම්පාදනය කර ඇත.
පාලි ව්‍යාකරණය හදාරන ආධුනිකයන්ගේ පහසුව උදෙසා සම්පාදිත මෙම කෘතියෙහි ආඛ්‍යාත ලක්ෂණ, විභක්ති, කාරක, ක්‍රියා, ධාතු ගණ අට, විකරණ ප්‍රත්‍යය, පුරුෂ භේද, කර්ම-කර්තෘ විභාග සහ වාක්‍ය සහිත ධාතුපාඨ දීපනියක් ඇතුළත් කර තිබේ.
ප්‍රස්තාවනා.
ස්වභාෂා විෂයෙහි පටුතර බුද්ධියක් ඇතිකර ගැනීමට තත් තත් භාෂාවන්හි ව්‍යාකරණ රීතියද උද්ග්‍රහණය කිරීම අවශ්‍යවේ මැයි. භාෂාවන්හි කොතරම් ප්‍රවීණත්වයක් ඇත්තේවී නමුත් එම භාෂායෙහි වියරණ ලකුණු වලැ බුහුටි බවෙක් අවිද්‍යාමානවේනම් එයින් නිසි ප්‍රතිඵල ලබාගැනීම දුෂ්කර වේමැයි. යමෙක් ව්‍යාකරණයෙන් තොරනම් හෙතෙමේ ශාස්ත්‍ර විෂයෙහි අන්ධයෙකි. ඒ බැව් පුරාතනයෝ ‘’විනාව්‍යාකරණෙනාන්ධො’’ යි ප්‍රකාශ කළෝයි. මෙයින් ගම්‍යමාන වන්නේ ව්‍යාකරණයෙන් වෙන්වූයේ අන්ධයෙක් බවයි. මේ ව්‍යාකරණයෙහි අංගකතිපයෙකි. ඔවුන්තුරෙන් “ආඛ්‍යාතයද ප්‍රධානා’ංගයෙකි. මෙයද මනාව උගතමනාවේ මැයි. ආඛ්‍යාතය උද්ග්‍රහණය කරනුලබන ආධුනික ජනතාව තත් කාලයෙහි වෙහෙසට පැමිණෙන්නාහ. එනිසා එය නැති කරලීමවස් ආඛ්‍යාතය සම්බන්ධ ග්‍රන්ථයක් නිෂ්පාදනය කළොත් ඔවුන්ට උදරතර ප්‍රයෝජනයක් ලැබෙයයි ගල්වෙහෙර මරදණේ පුලිනතලාරාම වාසී ගෞරවණීය ඩබ්ලිව්. පී. මණිඤ්ඤලංකාර නායක ස්වාමින් වහන්සේ විසින් කියනලද හෙයින් මෙම “ආඛ්‍යාතනය දීපනිය” නම් ග්‍රන්ථ රචනාවෙහි යොත්සාහිවීමි. මෙම පොත ආඛ්‍යාතයෙහි බොහෝ අංගයන්ගෙන් හා උපග්‍රන්ථයකින්ද සමුපෙතයි. මෙය යමෙක් පරීක්ෂණයෙන් නිරීක්ෂණය කලොත් ආඛ්‍යාත විෂයෙහි හා ධාතු මාලාවියෙහි විපුල ඥානයක් නොවනුමානවම ඔනට ලැබෙන්නේය. පුහුදුන් තැන්වතුන් විසින් කරනු ලබන හැමකිසක්ම දෝෂයන්ගෙන් දුෂිතමය, එනිසා මෙය දෝෂ විනිර්මුක්තයයි, කිසිලෙසකින්වත් අපි නොපවසමු. නොසිතමු. එබඳු ඛලිතස්ථාන විද්‍යමාන වෙත්නම් එහි දෝෂා’පගමනය කිරීම සුධීන් වෙතම පවරමු. තවද මෙය මුද්‍රණය කිරීමවස් ගිහි පැවිදි උතුමන්ගෙන් ආධාර ලත් බවද අස්මත් භාතෘ ඩබ්ලියු. ඥාණතිස්ස ස්වාමින් වහන්සේ සහ ඒ. සාසනතිලකා’ශ්‍රමවතුන් වහන්සේ පෲෆ් අවලෝකනය කරදීමෙන් උපස්ථම්භකවූ බවද කෘතඥ පූර්වකව සමරණය කරම්හ.
මීට—ශාස්ත්‍රා’භිලාෂී, ගල්වෙහෙර අමරඤාණ.
ශ්‍රී. බු. ව. 2479
ක්‍රි. ව. 1936 පෙබරවාරි මස 15 වෙනි දින වලගෙදර පතිරාජ පිරිවෙණේ දීය.