අභිධර්ම ප්‍රවේශනය.pdf
- කතෘ :
- දොඩම්පහල කවිධජ හිමි
- ප්‍රකාශිත වර්ෂය :
- 2010
- මුද්‍රිත වර්ෂය :
- 2010
- පිටු ගණන :
- 384
- බාගත කිරීම් ගණන :
- 2,375
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 151 MB
පොතේ පිටු කිහිපයක ඡායාරූප පහතින් බලන්න.
අභිධර්ම ප්‍රවේශනය යනු මොරටුවේ ත්‍රිපිටකෝදය පරිවේණාධිපතිව වැඩවිසූ ආභිධම්මික පණ්ඩිත දොඩම්පහල කවිධජ ස්ථවිරයන් වහන්සේ විසින් සම්පාදිත ප්‍රකට අභිධර්ම ග්‍රන්ථයකි. ගැඹුරු අභිධර්ම විෂයය දහම් පාසල් ගුරුවරුන්ට, සිසුන්ට මෙන්ම සාමාන්‍ය පාඨකයාට ද පහසුවෙන් තේරුම් ගත හැකිවන පරිදි සරල සුගම බසින් ප්‍රශ්නෝත්තර හා විස්තර ක්‍රමයෙන් මෙහි ඉදිරිපත් කර ඇත.
මෙහි මුල් කෘතිය 1954 වසරේදී සම්පාදනය කොට ඇති අතර, මෙම මුද්‍රණය සෝමාවති හේවාවිතාරණ භාරය මගින් 2010 වසරේදී (බු.ව. 2554) 13 වන පොත වශයෙන් ප්‍රකාශයට පත් කරන ලද්දකි. එස් ඇන්ඩ් එස් ප්‍රින්ටර්ස් ආයතනය මගින් මුද්‍රණය කර ඇත.
INTRODUCTION
The Absence of Books in simple and easily under-standable Sinhalese is considered the main cause why most people are prevented from taking to the study of the Abhidhamma in Ceylon.
“Abhidhamma Pravesanaya” is intended to supply this want and it is hoped that this work will interest and benefit both Tutors and pupils in Buddhist Sunday Schools as well as others generally desirous of a knowledge of the Abhidhamma.
Abhidhamma Pravesanaya is not claimed to be a complete or all perfect edition of this deep teaching. An imperfect human (Prathagjana) is incapable of such a task.
It is left to the general reader to assess for himself the scope and usefulness of this publication.
Dodampahala Kavidhaja Thero.
Thripitakodaya Pirivena,
Sirisena Dharmamandiraya,
Moratuwa.
July 6th 2498/1954
ස්තුති ප්‍රණාමය.
සෝමවතී හේවාවිතාරණ භාරය මගින් මුද්‍රණය කරනු ලබන බෞද්ධ ප්‍රකාශන යටතේ එලි දැක්වෙන 13 වන පොත වශයෙන් මෙය හැඳින්විය හැකිය.
ඉතා ගැඹුරු දහමක් සරල සුගම බසින් කියවා තේරුම් ගත හැකි ආකාරයට රචිත, අපවත් වී වදාළ මොරටුව ත්‍රිපිටකෝදය පරිවෙණාධිපති ආභිධම්මික පණ්ඩිත දොඩම්පහල කවිධජ ස්වාමින් වහන්සේත්, දිවංගත සයිමන් හේවාවිතාරණ මැති තුමා සහ සෝමාවති හේවාවිතාරණ මැතිණියත් පළමුව ස්තූති පූර්වකව සිහිපත් කරමි.
“අභිධර්ම ප්‍රවේශනය” නම් වූ මෙම මාහැඟි ධර්මග්‍රන්ථය පුනර්මුද්‍රණය සඳහා මාවෙත පැවරූ මොරටුව රාවතාවත්තේ සිරිසේන ධර්‍මමන්දිර භාරකාර මණ්ඩලයේ සභාපති තැන්පත් දයා සිරිසේන මහත්මාටත් මෙම ග්‍රන්ථය මුද්‍රණය කිරීමෙහිලා මා උනන්දු කල බෞද්ධ ධර්මාචාර්ය ඩබ්ලිව්. ඇම්. ගුණරත්න මහතාටත් මාගේ සුවිශේෂී ස්තුතිය පිරිනමමි. මෙය කියවීමෙන් ඔබටද ධර්ම ඥානය හා ධර්ම අවබෝධය ලැබේවායි ප්‍රාර්ථනා කරමි.
තෙරුවන් සරණයි!
මීට,
නොයෙල් විජේනායක මහතා,
(භාරකරු)