අභිධර්ම ප්‍රකාශය 01 - දොඩම්පහළ කවිධජ හිමි.pdf

අභිධර්ම ප්‍රකාශය (ප්‍රථම භාගය) යනු අනුරුද්ධ මහාස්ථවිරයන් වහන්සේ විසින් රචිත අභිධර්මාර්ථ සංග්‍රහය ඇසුරෙන් පාලි අටුවා, ටීකා, අනුටීකා, බුරුම අභිධර්ම ග්‍රන්ථ ආශ්‍රය කරගනිමින් සම්පාදනය කරන ලද අගනා සවිස්තර අභිධර්ම ග්‍රන්ථයකි. මෙහි කතුවරයාණන් වන්නේ මොරටුවේ ත්‍රිපිටකෝදය පිරිවෙණාධිපති ආභිධම්මික පණ්ඩිත දොඩම්පහළ කවිධජ ස්ථවිරයන් වහන්සේය.

සිංහල බසින් අභිධර්මය විස්තර කෙරෙන පරිපූර්ණ ග්‍රන්ථයක පැවති අඩුව සම්පූර්ණ කිරීම පිණිස මෙම ග්‍රන්ථය සම්පාදනය කර ඇති අතර, මෙහි ප්‍රථම භාගය භූමි විභාග කථා නම් වූ පස්වන පරිච්ඡේදය දක්වා විස්තර ආවරණය කරයි.

මෙම කෘතිය 1939 වර්ෂයේදී බෝගල පතල් හිමි ඊ. පී. ඒ. (අර්නස්ට් පීටර් අර්නෝල්ඩ්) ප්‍රනාන්දු මහතාගේ ධන පරිත්‍යාගයෙන් මුද්‍රණය කරවා ධර්ම දානය පිණිස ප්‍රකාශයට පත් කර ඇත.

PREFACE

The “Abhidharma-prakasa” or “Elucidation of Philosophy” is a Sinhalese treatise compiled by us after much research work in the Commenteries, Sub-Commentaries, Glossaries and other exegetical works, on the “Abhidharmarthasangraha” or Compendium of Philosophy” composed by the Ven. Anuruddha Maha Thero, at the time when he was living in the Mula Monastery built by the Minister Mula and also in the Monastery built by Queen Soma, the Consort of King Vattagàmini Abhaya of Anuradhapura.

We have consulted not only books in Ceylon but also various authoritative Burmese compilations dealing with the “Compendium of Philosophy”, which is held in high honour and respect by the whole Buddhist world and also by all students and teachers of deep philosophy.

Although there are many commentaries of the “Compendium of Philosopy” in Pali and in other foreign languages yet there is no Sinhalese book available to students of Buddhist Philosophy in Ceylon We have therefore compiled the “Abhidharmaprakasa” or “Elucidation of Philosophy” for the benefit of both laymen and monks who are in need of such a book for the advancement of their knowledge in Philosophy,

We were encouraged in the compilation of this book by Mr. W. P. Medis of Indibedda, and we must be extremely thankful and grateful to Mr E. P. A. Fernando of Colombo, without whose generosity this book would never have seen the light of day. Mr Fernando, who is one of the owners of the famous Bogala plumbago mine, decided to spend a portion of his well-earned wealth for the publication of this book His philanthropy and liberality have been of indiscribable benefit to the promotion of the study of the Buddhist religion

May Mr. E. P. A. Fernando who financed the publication of the “Elucidation of Philosophy”, enjoy the blessings of the Triple Gem and also the blessings of such Gods as Indra, Upendra, Chandrasekhara and Prajapati.

May he be free from all dangers and obstacles to progress and may he advance forward in both material and spiritual well-being.

Lankà Sirï Moratu Nama Puramhi jato Suddhe pasiddha Kururàja kuleka ketu Kàrunna càga guna bhùsana bhùsito E. P. A. Pranando iti vissuta kitti mutti

Saggápavagga sukhamagga gavesamâno Saddhamma danabhirato paramattha kämo Gambhïra dhammamabhidhamma pakàsagantham Muddapàyï nijadhanena mahásayo yo

Lankà ravinda sarasï kusalabhihetu Sanjàta seta kumudopama sadhusevyo Arnast-Pranando ravivamsa pabhûvaro so Sambhâtu bhatu satatam kusalena tena

Dodampahala Kavidhaja Thero,
Author.
Indibedda, Moratuwa.

PUBLISHER’S NOTE.

When I was asked whether I would finance the publication of the “Elucidation of Philosophy” compiled by the Ven. Pandit Dodanpahala Kavidhaja, Principal, Tripitakodaya Pirivena, Moratuwa, I did not think of any material gain or personal glory that wou’d come to me if I undertook the task. I supplied the money for the publication of this valuable book because the all-knowing Buddha has taught us that the “Gift of the Truth is the Greatest Gift.”

May the merit I have thus obtained be shared by the following:— The late Mr. M. Arnolis Fernando, my father; the late Mrs. Anjala Fernando, my mother; the late Mr. James Alfred Fernando, my beloved brother. The late Mr. Jacob Abraham Fernando and Mrs Metilda Fernando, beloved sister and brother-in-law; and the late beloved brother-in-law Mr. B. Don Hendrick.

May the merit be also shared by my other relations and by those who are both ill-disposed and well-disposed towards me, and by friends and enemies too. May it be further shared by all the deities that protect the World and the Religion.

Further, May my wife and I and all others obtain the Summum Bonum of Nirvana by the power of this meritorious action of mine

May I also state that any income that this book may bring can be used for a religious purpose in accordance with the wishes of the venerable author.

May All Beings Be Happy!

E. P. A. FERNANDO,
COLOMBO.
2483
1939

මාගේ ප්‍රණාමානු මෝදනාව.

මොරටුවේ ත්‍රිපිටකෝදය පරිවෙණාධිපති පරියත්ති සාසන ධම්මාචරිය පණ්ඩිත ආභිධම්මික දොඩම්පහළ කවිධජ ස්ථවිරයන් වහන්සේ විසින් සම්පාදිත “අභිධර්ම ප්‍රකාශය” නම් මහඟු විදර්ශනා පොත මාගේ ධනවැයෙන් මුද්‍රණය කරවන්ට යයි මට දැන්වූ අවස්ථාවෙහිදී මා ඊට සතුටු වූයේ ලාභ කීර්ති ප්‍රශංසාදියක් නිසා නොව “ධම්මදානය” සියළු දානයන්ට වඩා උතුම් යයි සම්බුදුයන් වහන්සේ විසින් දේශනා කර තිබෙන බැවින් ධර්මයන් අතුරෙන් අග්‍ර ධර්මය වූ අභිධර්මය ඇතුළත් සිංහල පොතක් මා සතු ධනයෙන් මුද්‍රණය කරවීම නිසා අග්‍රවූ පිනක් ලැබෙනවත් හැර සම්බුද්ධ ශාසනයට හා අප ලක්දිව වැසි සියළු සිංහලයින්ටද ඉන් මහත් අර්ථයක් වන බැව් සැළකීමෙනි.

එබැවින් මට මින් අයත්වූ උදාර කුශලය පරලෝ සැපත් ඇම්. අර්නෝලිස් ප්‍රනාන්දු නම් මාගේ ආදරණීය පියාණන්ටද, ඇඤ්ජලා ප්‍රනාන්දු නම් ආදරණීය මෑණියන්ටද, ජේම්ස් ඇල්ප්‍රඩ් ප්‍රනාන්දු නම් ආදරණීය සහෝදරයාටද, ජේකොබ් ඒබ්‍රහම් ප්‍රනාන්දු හා මැටිල්ඩා ලියනෝරා ප්‍රනාන්දු නම් ආදරණීය මස්සිනාට සහ සහෝදරීටද.

අනිකුත් සියළු ඤාතීන්ටද හිතවතුන්ට සහ අහිතවතුන්ටද මිතුරන්ට හා අමිතුරන්ටද ලෝක ශාසන දෙක රක්නා සියළු දෙවියන්ටද අනුමෝදන් කරවමි.

එසේම මා සහ මාගේ භාර්ය්‍යාව ඇතුළු සැම දෙනාටම මේ උදාර කුශල කර්මය දෙව්මිනිස් සැප කෙළවර නිවන් සුව ලබා ගැනීමට පිණිස හේතු වාසනා වේවා.

මෙයින් ලැබෙන ආදායමක් ඇතිනම් එය ග්‍රන්ථ කර්තෲන් වහන්සේගේ කැමැත්ත පරිදි ශාසනික වැඩක යොදනු ලැබේ.

සියළු සත්වයෝ සුවපත් වෙත්වා.

මීට,
ශාසන සම්ප්‍රීතිකාමී,
ඊ. පී. ඒ. ප්‍රනාන්දු
2483
1939

සංඥාපනය. අභිධර්ම ප්‍රකාශය.

ශ්‍රීමත් සම්පන්න බෞද්ධ බුද්ධිමතුන්ගේ සම්භාවනයට හා පරමාර්ථ ධර්ම රසාස්වාදනාභිලාෂීන්ගේ පරිශීලනයට පාත්‍ර වූද අනුරාධපුරයෙහි වට්ටගාමිණී මහීපාලයන්ගේ අගමෙහෙසියවූ සෝමා බිසව විසින් කරවන ලද විහාරයද මුලනම් අමාත්‍යයා විසින් කරවන ලද මූලනම් විහාරයද යන විහාරද්වය නිබද්ධ වාසස්ථාන කොට වෙසෙන කැල (මේ සම්බන්ධයෙන් ආචාර්‍ය්‍ය මත භේද ඇත්තාහ.) නම් බෞද්ධෝපාසකයන්ගේ ආයාචනයෙන් අනුරුද්ධාචාර්‍ය්‍ය මහාස්වාමීන් විසින් විරචිත අභිධර්මාර්ථ සංග්‍රහනම් අර්ථ කථාව පිළිබඳවැ පාලි, අර්ථකථා, ටීකා, අනුටීකා, මධුටීකා, ගණ්ඨි පදගත විස්තරය හා බුරුම භාෂාවෙන් ලියන ලද ග්‍රන්ථාගත විස්තරයද ප්‍රකාශ කරණ බැවින් “අභිධර්ම ප්‍රකාශයයි” නම් ලද මෙම සිංහල අභිධර්ම ග්‍රන්ථය අප විසින් සම්පාදනය කරණ ලදී.

හදනාත ශ්‍රී අනුරුද්ධාචාර්‍ය්‍ය මහාස්වාමින් විසින් විරචිත අභිධර්මාර්ථ සංග්‍රහය නාමරූප පරිච්ඡේදය පරමාර්ථ විනිශ්චය යන ග්‍රන්ථ ලක්දිවැ ප්‍රචලිතයහ. එයින් අභිධර්මාර්ථ සංග්‍රහය ස්වදේශ විදේශයන්හි අභිධර්ම මධුපායී ශිෂ්‍ය ශික්ෂක යන උභය පක්ෂය විසින්ම අත්‍යන්ත ගෞරවයෙන් පරිශීලනය කරනු ලැබේ.

මෙම ග්‍රන්ථ රත්නයට විදේශයන්හි මාගධ භාෂාවෙන් හා ඒ ඒ රාජ්‍යීය භාෂාවන්ගෙන්ද ප්‍රතිපාදිත පරිවාර ග්‍රන්ථ බොහෝ වෙති. එහෙත් ලක්දිවැ ඇත්තේ පුරාණ ටීකාවත් අභිධර්මාර්ථ සංග්‍රහ සන්නයත් සංක්ෂෙප වණ්ණනාවත් විභාවිනී ටීකාවත් පමණකි. මෙසේ පාලි ග්‍රන්ථ කතිපයක් ඇතත් පරමාර්ථ ධර්මඥානය දියුණු කර ගැනීමට තරම් සිංහල භාෂාවෙන් සවිස්තර ග්‍රන්ථයක් නොලියැවිනි හේ පරමාර්ථ ධර්ම රසික ලාංකික ගෘහස්ථ ප්‍රව්‍රජිත ජනතාවට ලොකු පාඩුවකි. ඒ පාඩුව පිරිමසාලන අටියෙන් මෙම ග්‍රන්ථය සිංහල භාෂාවෙන් සම්පාදනය කෙළෙමි.

මෙම “අභිධර්ම ප්‍රකාශය” පරිශීලනය කිරීමෙන් අභිධර්මය පිළිබඳවැ මනා පටුත්වයක් ඇති කරගත හැකිවෙයි. එපමණක්ද නොව ධර්ම කථික වරුන්ගේ ධර්ම දේශනයත් පරමාර්ථ රසිකයන්ගේ බහුශ්‍රැත දේශනයත් උසස් කර ගැනීමට උපකාර වන්නේ මැයි.

එතන්හි ග්‍රන්ථ නිෂ්පාදනයෙහි අප උනන්දු කරවූ ඉඳිබැද්දේ ඩබ්ලිව්. පී. මේදිස් මහත්මයා සමඟ මොරටුවේ ලුනාවේ සලිලානිල මන්දිරාධිපති ත්‍යාගශීලී අර්නස්ට් පිටර් අර්නෝල්ඩ් ප්‍රනාන්දු හෙවත් ඊ. පී. ඒ. ප්‍රනාන්දු මහතාණන් වෙතට පැමිණ එතුමා අතට මෙම ග්‍රන්ථය පැමිණවුනල්හි සෞභාග්‍ය ශ්‍රී නිවාස කුසලයෙන් ප්‍රශිලබ්ධ නිරවද්‍ය ධනස්කන්ධයෙන් කොටසක් සම්බුද්ධ පර්‍ය්‍යාප්ති ශාසනස්ථිතිය සඳහා යෙදවීමෙන් අත්‍යුදාර ධර්මදානමය අනුගාමික කුශලයක් අත්පත් කර ගැනීමෙහි එතුමාණන් ධනවැයෙන් මෙම ග්‍රන්ථය මුද්‍රණය කරවීමට සතුටු ප්‍රකාශ කළ හෙයින්ම මෙසේ මුද්‍රණය කරවා ලෝවැඩියා අතට පැමිණවීමට හැකිවූ බව ඉතා සතුටින් සදහන් කරම්හ.

සෞභාග්‍යසම්පන්න ස්වකීය පීතෘභූත වූ ඊ. පී. ඒ. ප්‍රනාන්දු ස්වදේශ විදේශයන්හි සුප්‍රසිද්ධ බෝගල මිනිරන් පතලය අයිතිකාර මොරටුවේ මෙත් මැදුරේ විසූ ලංකා මාතාවගේ ගෙල පැළඳි මුතුහරෙහි දීප්තිමත් මාණික්‍යය රත්නයක්වූ ඇම්. අර්නෝලිස් ප්‍රනාන්දු ප්‍රභූ මහතා හා ජ්‍යෙෂ්ඨ භ්‍රාතෲ ත්‍යාගශීලී ජේම්ස් ඇල්ප්‍රඩ් ප්‍රනාන්දු මහතාත් යන උතුමෝ මොරටු පුරවරෙහි බෞද්ධයන්ගේ ගෞරව සංරක්ෂණයෙහි ආදිකර්තෘවරයෝ වූහ. එතුමෝ මොරටු බෞද්ධයන්ගේ බෞද්ධ බලය ලියලන සේ නොමසුරුව ධන වියදම් කළහ. ලක්දිවැ සුප්‍රසිද්ධ බෞද්ධ සිද්ධස්ථාන දියුණු වීමෙහිද ධනය පිදූහ. මොරටුවේ මහජන කටයුතු සඳහා ඉදිරිපත්ව අනල්‍ය පරිශ්‍රමයෙන් ක්‍රියා කළහ. එහෙයින්ම භාග්‍ය සම්පන්න එතුමන්ගේ ශ්‍රී නාමාවලියත් ජීවත්වෙති.

ස්වකීය පියාණන්ගේ හා සහෝදරයාණන්ගේ අභාවයෙන් පසු ශෝකොපගත ක්‍රමාගත කෘත්‍යයභාරය නොපිරිහෙළා ක්‍රියා කරණ ඊ. පී. ඒ. ප්‍රනාන්දු මහතාණන්ගේ කීර්තිශ්‍රී නාමය ධනවතුන්ගේ හා කුලවතුන්ගේ පැනවතුන්ගේ හා ගුණවතුන්ගේ අභිමුඛයෙහි අද කාන්තිමත් මාණික්‍ය රත්නයකි.

ශ්‍රී සම්බුද්ධ පර්‍ය්‍යාප්ති ශාසනයාගේ චිරස්ථිතිය ශුභාංශංසනය සඳහා ස්වකීය ධනවැයෙන් මෙම අභිධර්ම ප්‍රකාශ ග්‍රන්ථය මුද්‍රණයට පැමිණවූ ඊ. පී. ඒ. ප්‍රනාන්දු මහත්මයා සහ එම නෝනා මහත්මීද යන භාග්‍ය සම්පන්න දෙපොළ ශ්‍රී රතනත්‍රයානු භාවයෙන් හා ඉන්ද්‍රොපෙන්ද්‍ර ව්‍යඤ්ජශෙඛර ප්‍රජාපත්‍යාදි සකල දේවතානුභාවයෙන් ආරක්ෂා සංවිධාන යෙන් සමෝපද්‍රවයන් විහත විධවංසනයව එතන් ධර්මදාන පුණ්‍ය හේතුවෙන් ඓහලෞකික පාරලෞකික සකල අභීෂ්ටාර්ථය සිද්ධ කරලිමෙන් සෙහෙත් වැජඹෙත්වායි ශුභාංශංසනය කරම්හ.

ලංකාසිරී මොරටු නාම පුරම්හිජාතො සුද්ධෙ පසිද්ධ කුරු රාජ කුලෙක කෙතු කාරුඤ්ඤවාග ගුණ භූසන භූසිතො ඊ. පී. ඒ. ප්‍රනාන්දු ඉති විස්සුත කිත්ති මූත්ති

සග්ගා පවග්ග සුඛමග්ග ගවෙස මානො සද්ධම්ම දානනිරතො පරමත්ථ කාමො ගම්භීර ධම්ම ම’භිධම්ම පකාස ගන්ථං මුද්දාපයි නිජධනෙන මහාසයොයො

ලංකා රවින්ද සරසී කුසලාභි හේතු සඤ්ජාත සෙත කුමුදො පමසාධුසෙව්‍යො ආර්නස්ට් ප්‍රනාන්දු රවිවංස පභූවරො සො සම්භාතු භාතු සතතං කුසලෙන තෙන

ප්‍රාප්තිදානය. ඊ. පී. ඒ. ප්‍රනාන්දු මහතාණන්ගේ මව්පියන් වන අකලංක කීර්තිශ්‍රියෙන් මොරටු නගරය සමලංකෘත කළ කීර්තිශේෂ භාවෝපගත ඇම්. අර්නෝලිස් ප්‍රනාන්දු ප්‍රභූ මහතාට හා ඇඤ්ජලා ප්‍රනාන්දු නෝනා මහත්මීටද මස්සිනා හා සහෝදරී වන ජැනීහිතෙහි ජේකොබ් ඒබ්‍රහම් ප්‍රනාන්දු මහත්මයාට හා මැටිල්ඩා ලියනෝරා ප්‍රනාන්දු මහත්මීටද සහෝදරයා වන කරුණා ත්‍යාගශීලී ජේම්ස් ඇල්ප්‍රඩ් ප්‍රනාන්දු මහත්මයාටද මෙහි ප්‍රාප්තිදානය කරම්හ.

පුණ්‍යානුමෝදනාව. මස්සිනා හා සහෝදරී වන උභයාංශුද්ධව වෙනු මෙන් දූනට එන්ගලන්තයේ වෙළඳ කොමසාරිස් ධුරය උසුලන සවජාතික වූද සව්සාමයික වූද කර්තව්‍යයන්හි ශ්‍රේෂ්ඨ වීර පුරුෂයෙක්වූ ජී. කේ. ඩබ්ලිව් පෙරේරා අබිනික්මණ මහතුමාට හා එම මැතිනියටද ජේම්ස් ඇල්ප්‍රඩ් ප්‍රනාන්දු නෝනා මහත්මීටද හෙවත් කරුණා දක්ෂිණය ගුණාන්විත ජෝස්ලින් ප්‍රනාන්දු නෝනා මහත්මීටද මස්සිනා හා සහෝදරී වන මොරටු බෞද්ධයන්ගේ කල්‍යාණ මිත්‍ර සාශන මාමක මහතෙක්වූ කිව් සී. ප්‍රනාන්දු මහත්මයාට හා එම නෝනා මහත්මීටද මස්සිනා හා සහෝදරී වන සුප්‍රසිද්ධ බෝගල මිනිරන් ආකරයෙහි කළමනාකාර ධුරන්ධර බ්‍රැන්ඩෑලි බී. දොන් හෙන්ද්‍රික් මහත්මයාට හා එම නෝනා මහත්මීටද ශාසනෝදයකාමී ඊ. පී. ඒ. ප්‍රනාන්දු නෝනා මහත්මියගේ පියාණන්වූ කීර්තිමත් ජේ. ඩී. ඇස් වික්‍රම සූරිය මුදලි මන්ත්‍රීගවරයන්ට සහ එම මැතිණියටද මෙහි පුණ්‍යානුමෝදනා කරම්හ

තවද අප කුඩා කාලයෙහි ප්‍රව්‍රජ්‍යා භූමියට පැමිණවීමෙන් හෙරණබණ විසින් උගන්වනා පොත පත උගන්වා යනමඟ යෙදවූ අපගේ ප්‍රව්‍රජ්‍යාචාර්‍ය්‍ය කෙම්බෙගොඩ මාලිගාතැන්නේ රජමහ විහාරයෙහි උප ප්‍රධානපදප්‍රාප්තවූද කලවාකැලේ ශ්‍රී සද්ධර්මාරාමයෙහි ප්‍රධානවැ වැඩවසන්නාවූද ගෞරවාර්භ දොඩම් පහල රතනජොති මහාස්ථවිර පාදයන් වහන්සේටද

දොඩම්පහළ ඉතිඛ්‍යාත ගාමෙ සුජන සෙවිතෙ මාලිගාතැන්ත විඛ්‍යාත විහාරොපප ධාන ගං රතනජොති මහා ථෙරං සික්ඛාගරු ගරුංමම පබබ්ජාචරියං සව්මා වන්දාමි සිරසා දරං

ඉක්බිති අප ශබ්ද ශාස්ත්‍රානුගම විෂයෙහි හික්මවීමෙන් හා අධිශීල සංඛ්‍යාත උපසම්පත්තියෙහි පිහිටුවාලීමෙන්ද බුදුරුවට ධම්මාචාර්‍ය්‍ය උතුමන් වෙත යවා වැඩිදුරටත් ධර්මවිනය ප්‍රගුණකර වීමෙන්ද අපගේ මහදභිවෘද්ධිය සිද්ධකරදී වදාළ ඉඳිබැද්දේ සුධර්මරත්නාරාමාධිපතිව වැඩවිසූ පූජ්‍යපාද මොරටුවේ ශ්‍රී දෙවානන්දාභිධාන අභිදොචාර්‍ය්‍ය පාදෙකනමවයන් වහන්සේටද,

සික්ඛාපති සුගත පාවචනෙ මමංයො ඨාමෙ සුධම්ම රතනෙධිපති විහාරී සංඝුද්ධ කිත්ති නිකරෙහි පතීත දෙවා නන්දාභිධානචරියං සතතං නමෙක්ථං

අපට පස්වසක් පමණ ධර්මශාස්ත්‍රය ඉගැන්වූ පානදුරේ අභය කරුණා රත්න මුදලින්ද්‍රාරාමාධිපතිව වැඩවිසූ ආභිධම්මිකාවරිය මොරටුවේ ශ්‍රී ධම්මානන්ද අධිකරණ නායක මහා ස්වාමිපාද විද්‍යොදය පරිවෙණාධිපතිව වැඩවිසූ අතිගරු ශ්‍රී ඥානෙශ්වර නායක ස්වාමිපාද අතිගරු කහවේ ශ්‍රී සුමංගල රත්නසාර නායක ස්වාමිපාද අවුරුද්දක් පමණ පරමාර්ථ ධර්මය ඉගැන්වූ දෙමටගොඩ මහා විසුද්ධාරාමාධිපතිව වැඩවිසූ ආභිධම්මිකාචරිය සිරි ධම්ම මහා ස්වාමිපාද බුරුමරට රැන්ගුම් නුවර අග්ග මහා පණ්ඩිත පණ්ඩිතං ශ්‍රාභිධාන වෙළුවනාරාමශ්‍යාඩෝ යමක ප්‍රකරණය හා පට්ඨාන ප්‍රකරණය රාත්‍රිවාචන මාර්ගයෙන් ඉගැන්වූ අමරපුර ගෙහි බුම්මොධශ්‍යාඩෝ පබොගු නුවර මඩගල මහා විස්සුතා රාමශ්‍යාඩෝ බැගින් නුවර මහා විසුද්ධාරාම ශ්‍යාඩෝ යන ධර්මාචාර්ය්‍යවරුන් වහන්සේලාටද අපගේ ප්‍රව්‍රජ්‍යාපසම්පදා දෙක්හි උපාධ්‍යායභූත වූ දෙඩන්ඩුවේ ශෛලබිම්බාරාමාධිපතිව වැඩ විසූ අතිගරු ශ්‍රී පියරතන මහා නායක ස්වාමිපාද අම්බලංගොඩ රන්කොත් විහාරාධිපතිව වැඩ විසූ අතිගරු ශ්‍රී දෙවානන්ද මහා නායක උපසඬ්ඝරාජ ස්වාමිපාද යන උතුමන් වහන්සේලාටද අප කෙරෙහි කරුණාවෙන් අවවාදානු ශාසනය කරණ බේරුවල සිරිසුමංගල සිරිනිවාසභිධාන අමරපුර නිකායේ මහා නායක ස්වාමිපාදයන් වහන්සේටද අපගේ කල්‍යාණ මිත්‍ර පානදුරේ ශ්‍රී විජය සෛභාග්‍ය විද්‍යාලයාධිපති පණ්ඩිතාචාර්‍ය්‍ය වලානේ ශ්‍රී විජයනන්ද මහා ස්ථවිරයන් වහන්සේටද,

මේ සත් කෘත්‍යයෙහි උපස්තම්භකව ක්‍රියා කළාවූ අපගේ පැවිදි සහෝදරවූ ත්‍රිපිටකෝදය පිරිවෙන්හි උප ප්‍රධානාචාර්‍ය්‍ය ආභිධම්මික මොරටුවේ ශාසනධජ ස්ථවිර තුමාටද සමාන සුඛ දුක්ඛතාවෙන් ක්‍රියා කරණ ත්‍රිපිටකෝදය පිරිවෙන්හි උපවාචාර්‍ය්‍ය විනයාචාර්‍ය්‍ය මොරටුවේ වාචිස්සර ආයුෂ්මතුන්ට හා විනයාචාර්‍ය්‍ය දෙඩම්පහළ ඤාණීස්සර ආයුෂ්මතුන්ටද සෑම අවස්ථාවෙහිම අප කෙරෙහි කරුණාවෙන් හා ගෞරවාදර භක්තියෙන් ඉදිරිපත්ව ක්‍රියා කරණ අපගේ සහෝදර දොඩම්පහළ ඇම්. පී. ඩී. ජයසිංහ තැපැල් මහත්මයාට හා එම නෝනා මහත්මීටද අපගේ අභිවෘද්ධිය පිණිස මුලසිටම මහොත්සාහයෙන් ක්‍රියා කරණ ඉඳිබැද්දේ ඇස්. ආර්. සිල්වා මහත්මයාට හා ඩබ්ලිව්. පී. මේදිස් මහත්මයාටද අපගේ පියාණන්වූ පරලෝ සැපත් ඇම්. පී. දියොනිස් සිල්වා මහත්මයාටද අපගේ මෑණියන්වූ ලැයිසිනාමි අබේසූරිය උපාසිකා මහත්මීටද අපගේ සුළුපියාණන් වන දොඩම්පහළ ඇම්. පී. ජේ. ද සිල්වා මහත්මයාටද ඉඳිබැද්දේ සුධර්මරත්නාරාමයේ සියළු උපාසක මහතුන්ට හා උපාසිකා මහත්මීන්ටද අපගේ හිතාහිත සියළු ඥාති මිත්‍රයන්ටද ආරක්ෂක සියළු දිව්‍යරාජයන්ටද මෙම ග්‍රන්ථ නිෂ්පාද නොපචිත කුශල සම්භාරය අනුමෝදන් කරම්හ.

මෙම සත් කෘත්‍යයෙහි කොළඹ දෙමටගොඩ මහා විසුද්ධාරාම පරිවෙණාධිපති දෙවිනුවර ශ්‍රී ඤාණාවාස මහා ස්ථවිරයන් වහන්සේ දුරනුබෝධ සංශයස්ථාන විසඳා දීමෙන් අනුග්‍රහ කළ බව ගෞරවයෙන් සදහන් කරම්හ.