අභිධර්ම චන්ද්‍රිකාව - මාතර ධර්මවංශ හිමි.pdf
scanned
- කතෘ :
- මාතර ධර්මවංශ හිමි
- පිටු ගණන :
- 563
- බාගත කිරීම් ගණන :
- 5,440
- වෙබ් අඩවියට එක් කළ දිනය :
- 2018-12-10
- ගොනුවේ ප්‍රමාණය :
- 83 MB
පොතේ පිටු කිහිපයක ඡායාරූප පහතින් බලන්න.
අභිධර්මචන්ද්‍රිකාව යනු මාතර සිරි මංගල පරිවේණාධිපතිව වැඩවිසූ පණ්ඩිත ශිරෝමණී පූජ්‍ය මාතර ශ්‍රී ධර්මවංශ ස්වාමීන්ද්‍රයාණන් වහන්සේ විසින් සම්පාදිත අභිධර්ම ග්‍රන්ථයකි. ගැඹුරු වූ අභිධර්ම විෂයය කුඩා ළමුන්ගේ පටන් වැඩිහිටියන් දක්වා පහසුවෙන් තේරුම් ගත හැකි පරිදි සරල බසින් පාඩම් ක්‍රමයට හා ප්‍රශ්නෝත්තර සහිතව මෙහි ඉදිරිපත් කර ඇත.
පිරිවෙන් ප්‍රාචීන ප්‍රාරම්භ, මධ්‍යම, අවසාන විභාග මෙන්ම අභිධර්මාචාර්ය විභාගය හදාරන විද්‍යාර්ථීන්ට අභිධර්මය ප්‍රගුණ කිරීමට භාවිත වන අත්පොතක් වන මෙම ග්‍රන්ථය මීට පෙර කාණ්ඩ 9ක් වශයෙන් පළවී තිබූ අතර පසුව මෙම සම්පූර්ණ ග්‍රන්ථය ලෙසින් එක්කොට ප්‍රකාශයට පත් කර තිබේ.
මෙහි අඩංගු ප්‍රධාන පරිච්ඡේද (පාද) 9 පහත පරිදි වේ:
- චිත්ත පාදය
- චෛතසික පාදය
- ප්‍රකීර්ණක පාදය
- වීථි පාදය
- වීථිමුක්ත පාදය
- රූප පාදය
- සමුච්චය පාදය
- පටිච්ච සමුප්පාදය
- කර්මස්ථාන පාදය
හැඳින්වීම
ගැඹුරු ධර්මයක් වන අභිධර්මය කුඩා ළමයාගේ පටන් වැඩිහිටියා දක්වා සෑම තරාතිරමේ අයෙකුටම පහසුවෙන් සිතට වේදනාවක් නැතිව උගැන්වීමට ලියන ලද පොත අභිධර්ම චන්ද්‍රිකාව යි. පිරිවෙන් ප්‍රාචීන මධ්‍යම,ප්‍රා. අවසන් හා අභිධර්මාචාර්ය විභාගයට අභිධර්මය උගැන්වීමට භාවිතා කරන පොත මෙය වේ.
මාතර සිරි මංගල පරිවේණාධිපතිවැ වැඩ විසූ පූජ්‍ය පණ්ඩිත ශිරෝමණී මාතර ශ්‍රී ධර්මවංශ ස්වාමීන්ද්‍රයාණෝ මෙහි කතුවරයාණෝ ය. විසුද්ධි මාර්‍ගයට සිංහලෙන් ලියන ලද හොඳම සන්නය ද උන්වහන්සේගේ ය. විසුද්ධි මාර්‍ගය සන්නය ලිවීමෙන් ඇතිකරගන්නා ලද අවබෝධය සරල බසින් අභිධර්මය උගැන්වීමට මංපෙත් හෙලිකිරීමට උන්වහන්සේට උපකාරී වන්නට ඇත.
කොළඹ තරුණ බෞද්ධ සමිතිය දහම් පාසැල් වල අධ්‍යයනය සඳහා මෙහි කාණ්ඩ කීපයක් මුද්‍රණය කර තිබිණ. එහෙත් අළුත් ගුරු ශිෂ්‍ය පරපුරට මෙම පොත කලක් තිස්සේම සොයාගත නොහැකිව තිබිණ. විවිධ ආයතන වලින් පොත ඉල්ලුම් කරන්නට වූහ.
මාතර ධර්මවංශ හිමියන්ගේ ශිෂ්‍ය, සිරිමංගල පිරිවෙනේ වර්තමාන අධිපති පූජ්‍ය මයුරවංශ හිමියන්ගෙන් මේ පිළිබඳව අප විසින් කරන ලද ඉල්ලීමක ප්‍රතිඵල වශයෙන් උන්වහන්සේ අභිධර්ම චන්ද්‍රිකාව සම්පූර්ණ පොත ප්‍රකාශනය කොට බෙදා හැරීම අපට පවරන ලදී. ඒ වෙනුවෙන් උන්වහන්සේට අපගේ පුණ්‍යානුමෝදනා පූර්‍වක කෘතඥතාවය පල කරමු.
කාණ්ඩ නවයක් වශයෙන් වෙන් වෙන්ව පැවති මේ පොත එක පොතක් වශයෙන් මෙසේ ඔබ අතට පත් කරමු. කාණ්ඩ වශයෙන් පැවති පොතේ කිසිවක් මෙහි අඩුවක් කර නැත.
අභිධර්මය උගෙනීමට, භාවිතා කිරීමට, විශාල පිරිසක් උනන්දුවක් දක්වන මේ යුගයේ එසේ අභිධර්මය උගන්නන අයට අත් පොතක් වශයෙන් පාවිච්චි කිරීමට මෙය ඉතාම යහපත් ය. පට්ඨානය උගෙනීමට උනන්දුවක් දක්වන පින්වතුන් මෙහි 9 වන පරිච්ඡේදයේ එන පට්ඨානය විස්තර