9. නවකනිපාතො
9. 1.
204. මා සු තෙ වඩ්ඪ ලොකම්හි වනථො අහු කුදාචනං,
මා පුත්තක පුනප්පුනං අහු දුක්ඛස්ස භාගිමා,
මා පුත්තක පුනප්පුනං අහු දුක්ඛස්ස භාගිමා,
205. සුඛං හි වඩ්ඪ මුනයො අනෙජා ඡින්නසංසයා,
සීතිභූතා දමප්පත්තා විහරන්ති අනාසවා.
සීතිභූතා දමප්පත්තා විහරන්ති අනාසවා.
206. තෙහානුවිණ්ණං ඉසීහි මග්ගං දස්සනපත්තියා.
දුක්ඛස්සන්තකිරියාය ත්වං වඩ්ඪ අනුබ්රූහය.
දුක්ඛස්සන්තකිරියාය ත්වං වඩ්ඪ අනුබ්රූහය.
207. විසාරදාව භණසි එතමත්ථං ජනෙත්ති මෙ,
මඤ්ඤාමි නූන මාමිකෙ වනථො තෙ න විජ්ජති.
මඤ්ඤාමි නූන මාමිකෙ වනථො තෙ න විජ්ජති.
208. යෙ කෙචි වඩ්ඪ සංඛාරා හීනා උක්කට්ඨමජ්ඣිමා’
අණූපි අණුමත්තොපි වනථො මෙ න විජ්ජති.
අණූපි අණුමත්තොපි වනථො මෙ න විජ්ජති.
209. සබ්බෙ මෙ ආසවා ඛීණා අප්පමත්තස්ස ඣායතො,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
210. උළාරං වත මෙ මාතා පතො දං සමවස්සරී.
පරමත්ථසංහිතා ගාථා යථාපි අනුකම්පිකා.
පරමත්ථසංහිතා ගාථා යථාපි අනුකම්පිකා.
211. තස්සාහං වචනං සුත්වා අනුසිට්ඨිං ජනෙත්තියා,
ධම්මසංවෙගමාපාදිං යොගක්ඛෙමස්ස පත්තියා.
ධම්මසංවෙගමාපාදිං යොගක්ඛෙමස්ස පත්තියා.
212. සොහං පධානපහිතත්තො රත්තින්දිවමතන්දිතො,
මාතරා චොදිතො සන්තො අඵුසිං සන්තිමුත්තමන්ති.
මාතරා චොදිතො සන්තො අඵුසිං සන්තිමුත්තමන්ති.
ඉත්ථං සුදං වඩ්ඪමාතා ථෙරී ගාථායො අභාසීති.
වඩ්ඪමාතාථෙරිගාථා.
නවකනිපාතො නිට්ඨිතො.
11. එකාදසනිපාතො.
11. 1.
213. කල්යාණමිත්තතා මුනිනා ලොකං ආදිස්ස වණ්ණිතා,
කල්යාණමිත්තෙ භජමානො අපි බාලො පණ්ඩිතො අස්ස.
කල්යාණමිත්තෙ භජමානො අපි බාලො පණ්ඩිතො අස්ස.
214. භජිතබ්බා සප්පුරිසා පඤ්ඤා තථා වඩ්ඪති භජන්තානං,
භජමානො සප්පුරිසෙ සබ්බෙහිපි දුක්ඛෙහි පමුච්චෙය්ය.
භජමානො සප්පුරිසෙ සබ්බෙහිපි දුක්ඛෙහි පමුච්චෙය්ය.
215. දුක්ඛඤ්ච විජානෙය්ය දුක්ඛස්ස ච සමුදයං නිරොධං
අට්ඨඞ්ගිකඤ්ච මග්ගං චත්තාරිපි අරියසච්චානි.
අට්ඨඞ්ගිකඤ්ච මග්ගං චත්තාරිපි අරියසච්චානි.
216. දුක්ඛො ඉත්ථිභාවො අක්ඛාතො පුරිසදම්මසාරථිනා,
සපත්තිකම්පි දුක්ඛං අප්පෙකච්චා සකිං විජාතායො.
සපත්තිකම්පි දුක්ඛං අප්පෙකච්චා සකිං විජාතායො.
217. ගලකෙ අපි කන්තන්ති සුඛුමාලිනියො විසානි ඛාදන්ති,
ජනමාරකමජ්ඣගතා උභොපි ව්යසනානි අනුභොන්ති.
ජනමාරකමජ්ඣගතා උභොපි ව්යසනානි අනුභොන්ති.
218. උපවිජඤ්ඤා ගච්ඡන්ති අද්දසාහං පතිං මතං
පන්ථම්හි විජායිත්වාන අප්පත්තාව සකං ඝරං.
පන්ථම්හි විජායිත්වාන අප්පත්තාව සකං ඝරං.
219. ද්වෙ පුත්තා කාලකතා පතී ච පන්ථෙ මතො කපණිකාය,
මාතා පිතා ච භාතා ඩය්හන්ති ච එකචිතකායං.
මාතා පිතා ච භාතා ඩය්හන්ති ච එකචිතකායං.
220. ඛීණකුලීනෙ කපණෙ අනුභූතං තෙ දුක්ඛං අපරිමාණං
අස්සු ච තෙ පවත්තං බහූනි ජාතිසහස්සානි,
අස්සු ච තෙ පවත්තං බහූනි ජාතිසහස්සානි,
221. වසිතා සුසානමජ්ඣෙ අථොපි ඛාදිතානි පුත්තමංසානි
හතකුලිකා සබ්බගරහිතා මතපතිකා අමතං අධිගච්ඡි.
හතකුලිකා සබ්බගරහිතා මතපතිකා අමතං අධිගච්ඡි.
222. භාවිතො මෙ මග්ගො අරියො අට්ඨඞ්ගිකො අමතගාමි.
නිබ්බානං සච්ඡිකතං ධම්මාදාසං අපෙක්ඛිහං.
නිබ්බානං සච්ඡිකතං ධම්මාදාසං අපෙක්ඛිහං.
223. අහමම්හි කන්තසල්ලා ඔහිතභාරා කතං හි කරණීයං,
කිසාගොතමී ථෙරී විමුත්තචිත්තා ඉමං අභණිති.
කිසාගොතමී ථෙරී විමුත්තචිත්තා ඉමං අභණිති.
ඉත්ථං සුදං කිසාගොතමී ථෙරී ගාථායො අභාසීති.
කිසාගොතමීථෙරීගාථා.
එකාදසනිපාතො නිට්ඨිතො