7. 1.
175. මුසලානි ගහෙත්වාන ධඤ්ඤං කොට්ටෙන්ති මානවා,
පුත්තදාරානි පොසෙන්තා ධනං වින්දන්ති මානවා.
පුත්තදාරානි පොසෙන්තා ධනං වින්දන්ති මානවා.
176. ඝටෙථ බුද්ධසාසනෙ යං කත්වා නානුතප්පති,
ඛිප්පං පාදානි ධොවිත්වා එකමන්තං නිසීදථ.
ඛිප්පං පාදානි ධොවිත්වා එකමන්තං නිසීදථ.
177. චිත්තං උපට්ඨපෙත්වාන එකග්ගං සුසමාහිතං,
පච්චවෙක්ඛථ සඞ්ඛාරෙ පරතො නො ච අත්තතො.
පච්චවෙක්ඛථ සඞ්ඛාරෙ පරතො නො ච අත්තතො.
178. තස්සාහං වචානං සුත්වා පටාචාරානුසාසනිං,
පාදෙ පක්ඛාලයිත්වාන එකමන්තෙ උපාවිසිං.
පාදෙ පක්ඛාලයිත්වාන එකමන්තෙ උපාවිසිං.
179. රත්තියා පුරිමෙ යාමෙ පුබ්බජාතිමනුස්සරිං.
රත්තියා මජ්ඣිමෙ යාමෙ දිබ්බචක්ඛුං විසොධයිං.
රත්තියා මජ්ඣිමෙ යාමෙ දිබ්බචක්ඛුං විසොධයිං.
180. රත්තියා පච්ඡිමෙ යාමෙ තමොක්ඛන්ධං පදාලයිං,
තෙවිජ්ජා අථ වුට්ඨාසිං කතා තෙ අනුසාසනී
තෙවිජ්ජා අථ වුට්ඨාසිං කතා තෙ අනුසාසනී
181. සක්කංව දෙවා තිදසා සඞ්ගාමෙ අපරාජිතා,
පුරක්ඛත්වා විහරාමි තෙවිජ්ජම්හි අනාසවාති.
පුරක්ඛත්වා විහරාමි තෙවිජ්ජම්හි අනාසවාති.
ඉත්ථං සුදං උත්තරා ථෙරී ගාථායො අභාසීති.
උත්තරාථෙරීගාථා.
7. 2.
182. සතිං උපට්ඨපෙත්වාන භික්ඛුනී භාවිතින්ද්රියා,
පටිවිජ්ඣි පදං සන්තං සඞ්ඛාරූපසමං සුඛං,
පටිවිජ්ඣි පදං සන්තං සඞ්ඛාරූපසමං සුඛං,
183. කන්නු උද්දිස්ස මුණ්ඩාසි සමණී විය දිස්සසි,
න ච රොචෙසි පාසණ්ඩෙ නිමිදං චරසි මොමුහා.
න ච රොචෙසි පාසණ්ඩෙ නිමිදං චරසි මොමුහා.
184. ඉතො බහිද්ධා පාසණ්ඩා දිට්ඨියො උපනිස්සිතා,
න තෙ ධම්මං විජතන්ති න තෙ ධම්මස්ස කොවිදා.
න තෙ ධම්මං විජතන්ති න තෙ ධම්මස්ස කොවිදා.
185. අත්ථි සක්යකුලෙ ජාතො බුද්ධො අප්පටිපුග්ගලො,
සො මෙ ධම්මවදෙසෙසි දිට්ඨිනං සමතික්කමං.
සො මෙ ධම්මවදෙසෙසි දිට්ඨිනං සමතික්කමං.
186. දුක්ඛං දුක්ඛසමුප්පාදං දුක්ඛස්ස ච අතික්කමං,
අරියඤ්චට්ඨඞ්ගිකං මග්ගං දුක්ඛූපසමගාමිනං.
අරියඤ්චට්ඨඞ්ගිකං මග්ගං දුක්ඛූපසමගාමිනං.
187. තස්සාහං වචනං සුත්වා විහරිං සාසනෙ රතා,
තිස්සො විජ්ජා අනුප්පත්තා කතං බුද්ධස්ස සාසනං
තිස්සො විජ්ජා අනුප්පත්තා කතං බුද්ධස්ස සාසනං
188. සබ්බත්ථ විහතා නන්දී තමොක්ඛන්ධෙ පදාලිතො.
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං චාලා ථෙරී ගාථායො අභාසීති.
චාලාථෙරීගාථා.
7. 3.
189. සතිමතී චක්ඛුමතී භික්ඛුනී භාවිතින්ද්රියා,
පටිවිජ්ඣි පදං සන්තං අකාපුරිසසෙවිතං.
පටිවිජ්ඣි පදං සන්තං අකාපුරිසසෙවිතං.
190. කින්නු ජාතිං න රොචෙසි ජාතො කාමානි භුඤ්ජති,
භුඤ්ජාහි කාමරතියො මාහු පච්ඡානුතාපිනී.
භුඤ්ජාහි කාමරතියො මාහු පච්ඡානුතාපිනී.
191. ජාතස්ස මරණං හොති හත්ථපාදානඡෙදනං.
වධබන්ධපරික්ලෙසං ජාතො දුක්ඛං නිගච්ඡති.
වධබන්ධපරික්ලෙසං ජාතො දුක්ඛං නිගච්ඡති.
192. අත්ථ සක්යකුලෙ ජාතො සම්බුද්ධො අපරාජිතො,
සො මෙ ධම්මමදෙසෙසි ජාතියා සමතික්කමං.
සො මෙ ධම්මමදෙසෙසි ජාතියා සමතික්කමං.
193. දුක්ඛං දුක්ඛසමුප්පාදං දුක්ඛස්ස ච අතික්කමං,
අරියඤ්චට්ඨඞ්ගිකං මග්ගං දුක්ඛූපසමගාමිනං,
අරියඤ්චට්ඨඞ්ගිකං මග්ගං දුක්ඛූපසමගාමිනං,
194. තස්සාහං වචනං සුත්වා විහරං සාසනෙ රතා.
සිස්සො විජ්ජා අනුප්පත්තා කතං බුද්ධස්ස සාසනං.
සිස්සො විජ්ජා අනුප්පත්තා කතං බුද්ධස්ස සාසනං.
195. සබ්බත්ථ විහතා නන්දි තමොක්ඛන්ධො පදාලිතො,
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං උපචාලාථෙරී ගාථායො අභාසීති.
උපචාලාථෙරිගාථා
සත්තකනිපාතො නිට්ඨිතො.