5. පඤ්චකනිපාතො.
5. 1.
67. පණ්ණවීසතිවස්සානි යතො පබ්බජිතා අහං
නච්ඡරාසඞ්ඝතමත්තම්පි චිත්තස්සූපසමජ්ඣගං.
නච්ඡරාසඞ්ඝතමත්තම්පි චිත්තස්සූපසමජ්ඣගං.
68. අලද්ධා චෙතසො සන්තිං කාමරාගෙනවස්සුතා,
බාහාපග්ගය්හ කන්දන්තී විහාරං පාවිසිං අහං.
බාහාපග්ගය්හ කන්දන්තී විහාරං පාවිසිං අහං.
69. තං භික්ඛුනීමුපාගඤ්ජිං යා මෙ සද්ධායිකා අහු,
සා මෙ ධම්මමදෙසෙසි ඛන්ධායතනධාතුයො.
සා මෙ ධම්මමදෙසෙසි ඛන්ධායතනධාතුයො.
70. තස්සා ධම්මං සුණිත්වාන එකමන්තෙ උපාවිසිං,
පුබ්බෙනිවාසං ජානාමි දිබ්බචක්ඛුං විසොධිතං.
පුබ්බෙනිවාසං ජානාමි දිබ්බචක්ඛුං විසොධිතං.
71. චෙතොපරියඤාණඤ්ච සොතධාතු විසොධිතා,
ඉදිධිපි මෙ සච්ඡිකතා පත්තො මෙ ආවක්ඛයො,
ඡළභිඤ්ඤා සච්ඡිකතා කතං බුද්ධස්ස සාසනන්ති.
ඉදිධිපි මෙ සච්ඡිකතා පත්තො මෙ ආවක්ඛයො,
ඡළභිඤ්ඤා සච්ඡිකතා කතං බුද්ධස්ස සාසනන්ති.
ඉත්ථං සුදං අඤ්ඤතරා ථෙරී ගාථායො අභාසිත්ථා’ති.
අඤ්ඤතරාථෙරීගාථා.
5. 2.
72. මත්තා වණ්ණෙන රූපෙන සොභග්ගෙන යසෙන ච,
යොබ්බනෙන චූපත්ථද්ධා අඤ්ඤාසමතිමඤ්ඤිහං.
යොබ්බනෙන චූපත්ථද්ධා අඤ්ඤාසමතිමඤ්ඤිහං.
73. විභූසිත්වා ඉමං කායං සුචිත්තං බාලලාපනං,
අට්ඨාසිං වෙසිද්වාරම්හි ලුද්දො පාසමිවොඩ්ඩිය.
අට්ඨාසිං වෙසිද්වාරම්හි ලුද්දො පාසමිවොඩ්ඩිය.
74. පිලන්ධනං විදංසෙන්තී ගුය්හං පකාසිකං බහුං,
අකාසිං විවිධං මායං උජ්ඣග්ඝන්තී බහුං ජනං.
අකාසිං විවිධං මායං උජ්ඣග්ඝන්තී බහුං ජනං.
75. සාජ්ජ පිණ්ඩං චරිත්වාන මුණ්ඩා සඞ්ඝාටිපාරුතා,
නිසින්නා රුක්ඛමූලම්හි අවිතක්කස්ස ලාභිනී.
නිසින්නා රුක්ඛමූලම්හි අවිතක්කස්ස ලාභිනී.
76. සබ්බෙ යොගා සමුච්ඡින්නා යෙ සිබ්බා යෙ ච මානුසා,
ඛෙපෙත්වා ආසවෙ සබ්බෙ සීතිභූතාම්හි නිබ්බුතාති.
ඛෙපෙත්වා ආසවෙ සබ්බෙ සීතිභූතාම්හි නිබ්බුතාති.
ඉත්ථං සුදං විමලාථෙරී ගාථායො අභාසිත්ථා’ති.
විමලාථෙරීගාථා.
5. 3.
77. අයොනිසො මනසිකාරා කාමරාගෙන අට්ටිතා,
අහොසිං උද්ධතා පුබ්බෙ චිත්තෙ අවසවත්තිනී.
අහොසිං උද්ධතා පුබ්බෙ චිත්තෙ අවසවත්තිනී.
78. පරියුට්ඨිතා කිලෙසෙහි සුභසඤ්ඤානුවත්තිනී,
සමං චිත්තස්ස නාලභිං රාගචිත්තවසානුගා.
සමං චිත්තස්ස නාලභිං රාගචිත්තවසානුගා.
79. කිසා පණ්ඩු විවණ්ණා ච සත්තවස්සානි චාරි’හං,
නාහං දිවා වා රත්තිං වා සුඛං වින්දිං සුදුක්ඛිතා.
නාහං දිවා වා රත්තිං වා සුඛං වින්දිං සුදුක්ඛිතා.
80. තතො අජ්ජුං ගහෙත්වාන පාවිසිං වනමන්තරං,
වරං මෙ ඉධ උබ්බන්ධං යඤ්ච හීනං පුනාචරෙ.
වරං මෙ ඉධ උබ්බන්ධං යඤ්ච හීනං පුනාචරෙ.
81. දළ්හං පාසං කරිත්වාන රුක්ඛසාඛාය බන්ධිය,
පක්ඛිපිං පාසං ගීවාය අථ චිත්තං විමුච්චි මෙති.
පක්ඛිපිං පාසං ගීවාය අථ චිත්තං විමුච්චි මෙති.
ඉත්ථං සුදං සීහා ථෙරී ගාථායො අභාසිත්ථා’ති.
සීහාථෙරීගාථා.
5. 4.
82. ආතුරං අසුචිං පූතිං පස්ස නන්දෙ සමුස්සයං
අසුභාය චිත්තං භාවෙහි එකග්ගං සුසමාහිතං.
අසුභාය චිත්තං භාවෙහි එකග්ගං සුසමාහිතං.
83. යඡා ඉදං තථා එතං යථා එතං තථා ඉදං
දුග්ගන්ධං පූතිකං වාති බාලානං අභිනන්දිතං.
දුග්ගන්ධං පූතිකං වාති බාලානං අභිනන්දිතං.
84. එවමෙතං අවෙක්ඛන්තී රත්තින්දිවමතන්දිතා
තතො සකාය පඤ්ඤාය අභිනිබ්භිජ්ජ දක්ඛිසං.
තතො සකාය පඤ්ඤාය අභිනිබ්භිජ්ජ දක්ඛිසං.
85. තස්සා මෙ අප්පමත්තාය විචිනන්තියා යොනිසො
යථාභූතං අයං කායො දිට්ඨො සන්තරබාහිරො.
යථාභූතං අයං කායො දිට්ඨො සන්තරබාහිරො.
86. අථ නිබ්බින්දහං කායෙ අජ්ඣත්තඤ්ච විරජ්ජහං
අප්පමත්තා විසංයුත්තා උපසන්තාම්හි නිබ්බුතාති.
අප්පමත්තා විසංයුත්තා උපසන්තාම්හි නිබ්බුතාති.
ඉත්ථං සුදං සුන්දරීනන්දාථෙරී ගාථායො අභාසිත්ථා’ති.
සුන්දරීනන්දාථෙරීගාථා.