2. 3.
23. සුමුත්තිකෙ සුමුත්තිකෙ සාධු මුත්තිකාම්හි මුසලස්ස,
අහිරිකො මෙ ඡත්තකං වාපි උක්ඛලිකා මෙ දෙඩ්ඪුභං වාති.
අහිරිකො මෙ ඡත්තකං වාපි උක්ඛලිකා මෙ දෙඩ්ඪුභං වාති.
24. රාගඤ්ච අහං දොසඤ්ච චිච්චිටි චිච්චිටීති විහනාමි,
සා රුක්ඛමූලමුපගම්ම අහොසුඛන්ති සුඛතො ඣායාමීති.
සා රුක්ඛමූලමුපගම්ම අහොසුඛන්ති සුඛතො ඣායාමීති.
ඉත්ථං සුදං සුමඞ්ගලමාතාථෙරී ගාථායො අභාසිත්ථා’ති.
සුමඞ්ගලමාතාථෙරීගාථා.
2. 4.
25. යාව කාසිජනපදො සුඞ්කො මෙ තත්තකො අහු,
තං කත්වා නෙගමො අග්ඝං අඩ්ඪෙනග්ඝං ඨපෙසි මං.
තං කත්වා නෙගමො අග්ඝං අඩ්ඪෙනග්ඝං ඨපෙසි මං.
26. අථ නිබ්බින්දහං රූපෙ නිබ්බින්දං ච විරජ්ජහං,
මා පුන ජාතිසංසාරං සන්ධාවෙය්යං පුනප්පුනං,
තිස්සො විජ්ජා අච්ඡිකතා කතං බුද්ධස්ස සාසනන්ති.
මා පුන ජාතිසංසාරං සන්ධාවෙය්යං පුනප්පුනං,
තිස්සො විජ්ජා අච්ඡිකතා කතං බුද්ධස්ස සාසනන්ති.
ඉත්ථං සුදං අඩ්ඪකාසීථෙරී ගාථායො අභාසිත්ථා’ති.
අඩ්ඪකාසීථෙරීගාථා.
2. 5.
27. කිඤ්චාපි ඛොම්හි කිසිකා ගිලානා බාළ්හදුබ්බලා,
දණ්ඩමොලුබ්භ ගච්ඡාමි පබ්බතං අභිරූහිය.
දණ්ඩමොලුබ්භ ගච්ඡාමි පබ්බතං අභිරූහිය.
28. සඞ්ඝාටිං නික්ඛිපිත්වාන පත්තකං ච නිකුජ්ජිය,
සෙලෙ ඛම්භෙසිමත්තානං තමොක්ඛන්ධං පදාලියාති.
සෙලෙ ඛම්භෙසිමත්තානං තමොක්ඛන්ධං පදාලියාති.
ඉත්ථං සුදං චිත්තා ථෙරී ගාථායො අභාසිත්ථා’ති.
චිත්තාථෙරීගාථා.
2. 6.
29. කිඤ්චාපි ඛොම්හි දුක්ඛිතා දුබ්බලා ගතයොබ්බනා,
දණ්ඩමොලුබ්භ ගච්ඡාමි පබ්බතං අභිරූහිය.
දණ්ඩමොලුබ්භ ගච්ඡාමි පබ්බතං අභිරූහිය.
30. නික්ඛිපිත්වාන සඞ්ඝාටිං පත්තකං ච නිකුජ්ජිය
නිසින්නා චම්හි සෙලම්හි අථ චිත්තං විමුච්චි මෙ,
තිස්සො විජ්ජා අනුප්පත්තා කතං බුද්ධස්ස සාසනන්ති.
නිසින්නා චම්හි සෙලම්හි අථ චිත්තං විමුච්චි මෙ,
තිස්සො විජ්ජා අනුප්පත්තා කතං බුද්ධස්ස සාසනන්ති.
ඉත්ථං සුදං මෙත්තිකා ථෙරී ගාථායො අභාසිත්ථා’ති.
මෙත්තිකාථෙරීගාථා.
2. 7.
31. චාතුද්දසිං පඤ්චදසිං යා ච පක්ඛස්ස අට්ඨමී
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපාගඤ්ඡිං දෙවකායාභිනන්දිනී.
පාටිහාරියපක්ඛඤ්ච අට්ඨඞ්ගසුසමාගතං,
උපොසථං උපාගඤ්ඡිං දෙවකායාභිනන්දිනී.
32. සාජ්ජ එකෙන භත්තෙන මුණ්ඩා සඞ්ඝාටිපාරුතා
දෙවකායං න පත්ථෙහං විනෙය්ය හදයෙ දරන්ති.
දෙවකායං න පත්ථෙහං විනෙය්ය හදයෙ දරන්ති.
ඉත්ථං සුදං මෙත්තා ථෙරී ගාථායො අභාසිත්ථා’ති.
මෙත්තාථෙරීගාථා.