30. 1.
365. ජීවකම්බවනං රම්මං ගච්ඡන්තිං භික්ඛුනිං සුභං,
ධුත්තකො සන්නිවාරෙසි තමෙනං අබ්රවී සුභා.
ධුත්තකො සන්නිවාරෙසි තමෙනං අබ්රවී සුභා.
366. කිං තෙ අපරාධිතං මයා යං මං ඔවරියාන තිට්ඨසි,
න හි පබ්බජිතාය ආවුසො පුරිසො සම්ඵුසනාය කප්පති.
න හි පබ්බජිතාය ආවුසො පුරිසො සම්ඵුසනාය කප්පති.
367. ගරුකෙ මම සත්ථුසාසනෙ යා සික්ඛා සුගතෙන දෙසිතා,
පරිසුද්ධපදං අනඞ්ගණං කිං මං ඔවරියාන තිට්ඨසි.
පරිසුද්ධපදං අනඞ්ගණං කිං මං ඔවරියාන තිට්ඨසි.
368. ආවිලචිත්තො අනාවිලං සරජො වීතරජං අනඞ්ගණං,
සබ්බත්ථ විමුත්තමානසං කිං මං ඔවරියාන තිට්ඨසි.
සබ්බත්ථ විමුත්තමානසං කිං මං ඔවරියාන තිට්ඨසි.
369. දහරා ච අපාපිකා චසි කිං තෙ පබ්බජ්ජා කරිස්සති,
නික්ඛිප කාසාය චීවරං එහි රමාමසෙ පුප්ඵිතෙ වනෙ.
නික්ඛිප කාසාය චීවරං එහි රමාමසෙ පුප්ඵිතෙ වනෙ.
370. මධුරඤ්ච පවන්ති සබ්බසො කුසුමරජෙන සමුට්ඨිතා දුමා,
පඨමවසන්තො සුඛො උතු එහි රමාමසෙ පුප්ඵිතෙ වනෙ.
පඨමවසන්තො සුඛො උතු එහි රමාමසෙ පුප්ඵිතෙ වනෙ.
371. කුසුමිතසිඛරාව පාදපා අභිගච්ඡන්තිව මාලුතෙරිතා,
කා තුය්හං රති භවිස්සති යදි එකා වනමොතරිස්සසි.
කා තුය්හං රති භවිස්සති යදි එකා වනමොතරිස්සසි.
372. වාළමිගසඞ්ඝසෙවිතං කුඤ්ජරමත්තකරෙණුලොලිතං,
අසහායිකා ගන්තුමිච්ඡසි රහිතං භිංසනකං මහාවනං.
අසහායිකා ගන්තුමිච්ඡසි රහිතං භිංසනකං මහාවනං.
373. තපනීයකතාව ධීතිකා විචරසි චිත්තරථෙව අච්ඡරා,
කාසිකසුඛුමෙහි වග්ගුහි සොභසි වසනෙහි නූපමෙ.
කාසිකසුඛුමෙහි වග්ගුහි සොභසි වසනෙහි නූපමෙ.
374. අහං තව වසානුගො සියං යදි විහරෙමසෙ කානනන්තරෙ,
න හි චත්ථි තයා පියතරො පාණො කින්නරිමන්දලොචනෙ.
න හි චත්ථි තයා පියතරො පාණො කින්නරිමන්දලොචනෙ.
375. යදි මෙ වචනං කරිස්සසි සුඛිතා එහි අගාරමාවස,
පාසාදනිවාතවාසිනී පරිකම්මං තෙ කරොන්ති නාරියො,
පාසාදනිවාතවාසිනී පරිකම්මං තෙ කරොන්ති නාරියො,
376. කාසිකසුඛුමාසි ධාරය අභිරොහෙහි ච මාලවණ්ණකං,
කඤ්චනමණිමුත්තකං බහුං විවිධං ආභරණං කරොමි තෙ.
කඤ්චනමණිමුත්තකං බහුං විවිධං ආභරණං කරොමි තෙ.
377. සුධොතරජපච්ඡදං සුභං ගොණකතූලිත සන්ථතං නවං,
අභිරුහ සයනං මහාරහං චන්දනමණ්ඩිත සාරගන්ධිකං.
අභිරුහ සයනං මහාරහං චන්දනමණ්ඩිත සාරගන්ධිකං.
378. උප්පලඤ්ච උදකතො උග්ගතං යථා තං අමනුස්ස සෙවිතං,
එවං තුවං බ්රහ්මචාරිනී සකෙසු අඞ්ගෙසු ජරං ගමිස්සසි.
එවං තුවං බ්රහ්මචාරිනී සකෙසු අඞ්ගෙසු ජරං ගමිස්සසි.
379. කිං තෙ ඉධ සාරසම්මතං කුණපපූරම්හි සුසානවඩ්ඪනෙ
භෙදනධම්මෙ කලෙබරෙ යං දිස්වා විමනො උදික්ඛසි.
භෙදනධම්මෙ කලෙබරෙ යං දිස්වා විමනො උදික්ඛසි.
380. අක්ඛීනි ච තුරියාරිව කින්නරියාරිව පබ්බතන්තරෙ
තව මෙ නයනානුදික්ඛිය භිය්යො කාමරතී පවඩ්ඪති.
තව මෙ නයනානුදික්ඛිය භිය්යො කාමරතී පවඩ්ඪති.
381. උප්පලසිඛරොපරානි තෙ විමලෙ හාටකසන්නිභෙ මුඛෙ
තව මෙ නයනානුදික්ඛිය භිය්යො කාමගුණො පවඩ්ඪති.
තව මෙ නයනානුදික්ඛිය භිය්යො කාමගුණො පවඩ්ඪති.
382. අපි දූරගතා සරම්හසෙ ආයතපම්හෙ විසුද්ධදස්සනෙ
න හි චත්ථි තයා පියතරො නයනා කින්නරිමන්දලොචනෙ.
න හි චත්ථි තයා පියතරො නයනා කින්නරිමන්දලොචනෙ.
383. අපථෙන පයාතුමිච්ඡසි චන්දං කීළනකං ගවෙස්සසි
මෙරුං ලඞ්ඝෙතුමිච්ඡසි යො ත්වං බුද්ධසුතං මග්ගයසෙ.
මෙරුං ලඞ්ඝෙතුමිච්ඡසි යො ත්වං බුද්ධසුතං මග්ගයසෙ.
384. නත්ථි ලොකෙ සදෙවකෙ රාගො යත්ථ’පි’දානි මෙ සියා
නපි නං ජානාමි කීරිසො අථ මග්ගෙන හතො සමූලකො.
නපි නං ජානාමි කීරිසො අථ මග්ගෙන හතො සමූලකො.
385. ඉඞ්ගාලකුයාව උජ්ඣිතො විසපත්තොරිව අග්ගතො කතො
නපි නං පස්සාමි කීරිසො අථ මග්ගෙන හතො සමූලකො,
නපි නං පස්සාමි කීරිසො අථ මග්ගෙන හතො සමූලකො,
386. යස්සා සියා අපච්චවෙක්ඛිතං සත්ථා වා අනුපාසිතො සියා,
ත්වං තාදිසිකං පලොහය ජානන්තිං සො ඉමං විහඤ්ඤසි.
ත්වං තාදිසිකං පලොහය ජානන්තිං සො ඉමං විහඤ්ඤසි.
387. මය්හං හි අක්කුට්ඨවන්දිතෙ සුඛදුක්ඛෙ ච සති උපට්ඨිතා,
සඞ්ඛතමසුභන්ති ජානිය සබ්බත්ථෙව මනො න ලිප්පති.
සඞ්ඛතමසුභන්ති ජානිය සබ්බත්ථෙව මනො න ලිප්පති.