12. ද්වාදසනිපාතො.
12. 1.
224. උභො මාතා ච ධීතා ච මයං ආසුං සපත්තියො.
තස්සා මෙ අහු සංවෙගො අබ්භුතො ලොමහංසනො.
තස්සා මෙ අහු සංවෙගො අබ්භුතො ලොමහංසනො.
225. ධිරත්ථු කාමා අසුචී දුග්ගන්ධා බහු කණ්ටකා,
යත්ථ මාතා ච ධීතා ච සභරියා මයං අහුං.
යත්ථ මාතා ච ධීතා ච සභරියා මයං අහුං.
226. කාමෙස්වාදීනවං දිස්වා නෙක්ඛම්මං දට්ඨු ඛෙමතො,
සා පබ්බජි රාජගහෙ අගාරස්මානගාරියං.
සා පබ්බජි රාජගහෙ අගාරස්මානගාරියං.
227. පුබ්බෙනිවාසං ජානාමි දිබ්බචක්ඛුං විසොධිතං,
චෙතොපරිච්චඤාණඤ්ච සොතධාතු විසොධිතා.
චෙතොපරිච්චඤාණඤ්ච සොතධාතු විසොධිතා.
228. ඉද්ධිපි මෙ සච්ඡිකතා පත්තො මෙ ආසවක්ඛයො,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
229. ඉද්ධියා අභිනිම්මිත්වා චතුරස්සරථං අහං,
බුද්ධස්ස පාදෙ වන්දිත්වා ලොකනාථස්ස තාදිනො.
බුද්ධස්ස පාදෙ වන්දිත්වා ලොකනාථස්ස තාදිනො.
230. සුපුප්ඵිතග්ගං උපගම්ම පාදපං,
එකා තුවං තිට්ඨසි සාලමූලෙ,
න චාපි තෙ දුතියො අත්ථි කොචි
න ත්වං බාලෙ භායසි ධුත්තකානං.
එකා තුවං තිට්ඨසි සාලමූලෙ,
න චාපි තෙ දුතියො අත්ථි කොචි
න ත්වං බාලෙ භායසි ධුත්තකානං.
231. සතං සහස්සානපි ධුත්තකානං
සමාගතා එදිසකා භවෙය්යුං
ලොමං න ඉඤ්ජෙ නපි සම්පවෙධෙ
කිං මෙ තුවං මාර කරිස්සසෙකො.
සමාගතා එදිසකා භවෙය්යුං
ලොමං න ඉඤ්ජෙ නපි සම්පවෙධෙ
කිං මෙ තුවං මාර කරිස්සසෙකො.
232. එසා අන්තරධායාමි කුච්ඡිං වා පවිසාමි තෙ
භමුකන්තරෙ වා තිට්ඨාමි තිට්ඨන්තිං මං න දක්ඛසි.
භමුකන්තරෙ වා තිට්ඨාමි තිට්ඨන්තිං මං න දක්ඛසි.
233. චිත්තම්හි වසීභූතාහං ඉද්ධිපාදා සුභාවිතා,
ඡ මෙ අභිඤ්ඤා සච්ඡිකතා කතං බුද්ධස්ස සාසනං.
ඡ මෙ අභිඤ්ඤා සච්ඡිකතා කතං බුද්ධස්ස සාසනං.
234. සත්තිසූලූපමා කාමා ඛන්ධාසං අධිකුට්ටනා,
යං ත්වං කාමරතිං බ්රූසි අරතීදානි සා මම.
යං ත්වං කාමරතිං බ්රූසි අරතීදානි සා මම.
235. සබ්බත්ථ විහතා නන්දි තමොක්ඛන්ධො පදාලිතො,
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං උප්පලවණ්ණා ථෙරී ගාථායො අභාසීති.
උප්පලවණ්ණාථෙරීගාථා.
ද්වාදසනිපාතො නිට්ඨිතො.
16. සොළසනිපාතො.
16. 1.
236. උදකමාහරිං සීතෙ සදා උදකමොතරිං,
අය්යානං දණ්ඩභයභීතා වාචාදොසභයට්ටිතා.
අය්යානං දණ්ඩභයභීතා වාචාදොසභයට්ටිතා.
237. කස්ස බ්රාහ්මණ ත්වං භීතො සදා උදකමොතරි,
වෙධමානෙහි ගත්තෙහි සීතං වෙදයසෙ භුසං.
වෙධමානෙහි ගත්තෙහි සීතං වෙදයසෙ භුසං.
238. ජානන්තී වත මං හොති පුණ්ණිකෙ පරිපුච්ඡසි,
කරොන්තං කුසලං කම්මං රුන්ධන්තං කත පාපකං.
කරොන්තං කුසලං කම්මං රුන්ධන්තං කත පාපකං.
239. යො ච වුද්ධො දහරො වා පාපකම්මං පකුබ්බතී,
දකාභිසෙචනා සොපි පාපකම්මා පමුච්චති.
දකාභිසෙචනා සොපි පාපකම්මා පමුච්චති.
240. කොනු තෙ ඉදමක්ඛාසි අජානන්තස්ස අජානකො,
දකාභිසෙචනා නාම පාපකම්මා පමුච්චති.
දකාභිසෙචනා නාම පාපකම්මා පමුච්චති.
241. සග්ගං නූන ගමිස්සන්ති සබ්බෙ මණ්ඩුකකච්ඡපා,
නක්කා ච සුංසුමාරා ච යෙ චඤ්ඤෙ උදකෙ චරා.
නක්කා ච සුංසුමාරා ච යෙ චඤ්ඤෙ උදකෙ චරා.
242. ඔරබ්භිකා සූකරිකා මච්ඡකා මිගබන්ධකා,
චොරා ච වජ්ඣඝාතා ච යෙචඤ්ඤෙපාපකම්මිනො,
දකාභිසෙචනා තෙපි පාපකම්මා පමුච්චරෙ.
චොරා ච වජ්ඣඝාතා ච යෙචඤ්ඤෙපාපකම්මිනො,
දකාභිසෙචනා තෙපි පාපකම්මා පමුච්චරෙ.
243. සචෙ ඉමා නදියො තෙ පාපං පුබ්බෙ කතං වහුං,
පුඤ්ඤානිමානි වහෙය්යුං තෙන ත්වං පරිබාහිරො.
පුඤ්ඤානිමානි වහෙය්යුං තෙන ත්වං පරිබාහිරො.
244. යස්ස බ්රාහ්මණ ත්වං භීතො සදා උදකමොතරි,
තමෙව බ්රහ්මෙ මාකාසි මා තෙ සීතං ඡවිං හනී.
තමෙව බ්රහ්මෙ මාකාසි මා තෙ සීතං ඡවිං හනී.
245. කුම්මග්ගං පටිපන්නං මං අරියමග්ගං සමානයි,
උදකාභිසෙචනා භොති ඉමං සාටං දදාමි තෙ.
උදකාභිසෙචනා භොති ඉමං සාටං දදාමි තෙ.