11. එකාදසනිපාතො.
11. 1.
213. කල්යාණමිත්තතා මුනිනා ලොකං ආදිස්ස වණ්ණිතා,
කල්යාණමිත්තෙ භජමානො අපි බාලො පණ්ඩිතො අස්ස.
කල්යාණමිත්තෙ භජමානො අපි බාලො පණ්ඩිතො අස්ස.
214. භජිතබ්බා සප්පුරිසා පඤ්ඤා තථා වඩ්ඪති භජන්තානං,
භජමානො සප්පුරිසෙ සබ්බෙහිපි දුක්ඛෙහි පමුච්චෙය්ය.
භජමානො සප්පුරිසෙ සබ්බෙහිපි දුක්ඛෙහි පමුච්චෙය්ය.
215. දුක්ඛඤ්ච විජානෙය්ය දුක්ඛස්ස ච සමුදයං නිරොධං
අට්ඨඞ්ගිකඤ්ච මග්ගං චත්තාරිපි අරියසච්චානි.
අට්ඨඞ්ගිකඤ්ච මග්ගං චත්තාරිපි අරියසච්චානි.
216. දුක්ඛො ඉත්ථිභාවො අක්ඛාතො පුරිසදම්මසාරථිනා,
සපත්තිකම්පි දුක්ඛං අප්පෙකච්චා සකිං විජාතායො.
සපත්තිකම්පි දුක්ඛං අප්පෙකච්චා සකිං විජාතායො.
217. ගලකෙ අපි කන්තන්ති සුඛුමාලිනියො විසානි ඛාදන්ති,
ජනමාරකමජ්ඣගතා උභොපි ව්යසනානි අනුභොන්ති.
ජනමාරකමජ්ඣගතා උභොපි ව්යසනානි අනුභොන්ති.
218. උපවිජඤ්ඤා ගච්ඡන්ති අද්දසාහං පතිං මතං
පන්ථම්හි විජායිත්වාන අප්පත්තාව සකං ඝරං.
පන්ථම්හි විජායිත්වාන අප්පත්තාව සකං ඝරං.
219. ද්වෙ පුත්තා කාලකතා පතී ච පන්ථෙ මතො කපණිකාය,
මාතා පිතා ච භාතා ඩය්හන්ති ච එකචිතකායං.
මාතා පිතා ච භාතා ඩය්හන්ති ච එකචිතකායං.
220. ඛීණකුලීනෙ කපණෙ අනුභූතං තෙ දුක්ඛං අපරිමාණං
අස්සු ච තෙ පවත්තං බහූනි ජාතිසහස්සානි,
අස්සු ච තෙ පවත්තං බහූනි ජාතිසහස්සානි,
221. වසිතා සුසානමජ්ඣෙ අථොපි ඛාදිතානි පුත්තමංසානි
හතකුලිකා සබ්බගරහිතා මතපතිකා අමතං අධිගච්ඡි.
හතකුලිකා සබ්බගරහිතා මතපතිකා අමතං අධිගච්ඡි.
222. භාවිතො මෙ මග්ගො අරියො අට්ඨඞ්ගිකො අමතගාමි.
නිබ්බානං සච්ඡිකතං ධම්මාදාසං අපෙක්ඛිහං.
නිබ්බානං සච්ඡිකතං ධම්මාදාසං අපෙක්ඛිහං.
223. අහමම්හි කන්තසල්ලා ඔහිතභාරා කතං හි කරණීයං,
කිසාගොතමී ථෙරී විමුත්තචිත්තා ඉමං අභණිති.
කිසාගොතමී ථෙරී විමුත්තචිත්තා ඉමං අභණිති.
ඉත්ථං සුදං කිසාගොතමී ථෙරී ගාථායො අභාසීති.
කිසාගොතමීථෙරීගාථා.
එකාදසනිපාතො නිට්ඨිතො
12. ද්වාදසනිපාතො.
12. 1.
224. උභො මාතා ච ධීතා ච මයං ආසුං සපත්තියො.
තස්සා මෙ අහු සංවෙගො අබ්භුතො ලොමහංසනො.
තස්සා මෙ අහු සංවෙගො අබ්භුතො ලොමහංසනො.
225. ධිරත්ථු කාමා අසුචී දුග්ගන්ධා බහු කණ්ටකා,
යත්ථ මාතා ච ධීතා ච සභරියා මයං අහුං.
යත්ථ මාතා ච ධීතා ච සභරියා මයං අහුං.
226. කාමෙස්වාදීනවං දිස්වා නෙක්ඛම්මං දට්ඨු ඛෙමතො,
සා පබ්බජි රාජගහෙ අගාරස්මානගාරියං.
සා පබ්බජි රාජගහෙ අගාරස්මානගාරියං.
227. පුබ්බෙනිවාසං ජානාමි දිබ්බචක්ඛුං විසොධිතං,
චෙතොපරිච්චඤාණඤ්ච සොතධාතු විසොධිතා.
චෙතොපරිච්චඤාණඤ්ච සොතධාතු විසොධිතා.
228. ඉද්ධිපි මෙ සච්ඡිකතා පත්තො මෙ ආසවක්ඛයො,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
229. ඉද්ධියා අභිනිම්මිත්වා චතුරස්සරථං අහං,
බුද්ධස්ස පාදෙ වන්දිත්වා ලොකනාථස්ස තාදිනො.
බුද්ධස්ස පාදෙ වන්දිත්වා ලොකනාථස්ස තාදිනො.
230. සුපුප්ඵිතග්ගං උපගම්ම පාදපං,
එකා තුවං තිට්ඨසි සාලමූලෙ,
න චාපි තෙ දුතියො අත්ථි කොචි
න ත්වං බාලෙ භායසි ධුත්තකානං.
එකා තුවං තිට්ඨසි සාලමූලෙ,
න චාපි තෙ දුතියො අත්ථි කොචි
න ත්වං බාලෙ භායසි ධුත්තකානං.
231. සතං සහස්සානපි ධුත්තකානං
සමාගතා එදිසකා භවෙය්යුං
ලොමං න ඉඤ්ජෙ නපි සම්පවෙධෙ
කිං මෙ තුවං මාර කරිස්සසෙකො.
සමාගතා එදිසකා භවෙය්යුං
ලොමං න ඉඤ්ජෙ නපි සම්පවෙධෙ
කිං මෙ තුවං මාර කරිස්සසෙකො.
232. එසා අන්තරධායාමි කුච්ඡිං වා පවිසාමි තෙ
භමුකන්තරෙ වා තිට්ඨාමි තිට්ඨන්තිං මං න දක්ඛසි.
භමුකන්තරෙ වා තිට්ඨාමි තිට්ඨන්තිං මං න දක්ඛසි.
233. චිත්තම්හි වසීභූතාහං ඉද්ධිපාදා සුභාවිතා,
ඡ මෙ අභිඤ්ඤා සච්ඡිකතා කතං බුද්ධස්ස සාසනං.
ඡ මෙ අභිඤ්ඤා සච්ඡිකතා කතං බුද්ධස්ස සාසනං.
234. සත්තිසූලූපමා කාමා ඛන්ධාසං අධිකුට්ටනා,
යං ත්වං කාමරතිං බ්රූසි අරතීදානි සා මම.
යං ත්වං කාමරතිං බ්රූසි අරතීදානි සා මම.
235. සබ්බත්ථ විහතා නන්දි තමොක්ඛන්ධො පදාලිතො,
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං උප්පලවණ්ණා ථෙරී ගාථායො අභාසීති.
උප්පලවණ්ණාථෙරීගාථා.
ද්වාදසනිපාතො නිට්ඨිතො.