7. 1. 1.
459. අලඞ්කතා සුවසනා මාලභාරී විභූසිතා,
අලත්තකකතාපාදා පාදුකාරුය්හ වෙසිකා.
අලත්තකකතාපාදා පාදුකාරුය්හ වෙසිකා.
460. පාදුකා ඔරුහිත්වාන පුරතො පඤ්ජලීකතා,
සා මං සණ්හෙන මුදුනා මිහිතපුබ්බං අභාසථ.
සා මං සණ්හෙන මුදුනා මිහිතපුබ්බං අභාසථ.
461. යුවාසි ත්වං පබ්බජිතො තිට්ඨාහි මම සාසනෙ,
භුඤ්ජ මානුසකෙ කාමෙ අහං විත්තං දදාමි තෙ.
භුඤ්ජ මානුසකෙ කාමෙ අහං විත්තං දදාමි තෙ.
462. සච්චං තෙ පටිජානාමි අග්ගිං වා තෙ හරාමහං,
යදා ජිණ්ණා භවිස්සාම උභො දණ්ඩපරායනා,
උභො පි පබ්බජිස්සාම උභයත්ථ කටග්ගහො.
යදා ජිණ්ණා භවිස්සාම උභො දණ්ඩපරායනා,
උභො පි පබ්බජිස්සාම උභයත්ථ කටග්ගහො.
463. තං ච දිස්වාන යාචන්තිං වෙසිකං පඤ්ජලීකතං,
අලඞ්කතං සුවසනං මච්චුපාසං ව ඔඩ්ඩිතං.
අලඞ්කතං සුවසනං මච්චුපාසං ව ඔඩ්ඩිතං.
464. තතො මෙ මනසිකාරො යොනිසො උදපජ්ජථ,
ආදීනවො පාතුරහු නිබ්බිදා සමතිට්ඨථ.
ආදීනවො පාතුරහු නිබ්බිදා සමතිට්ඨථ.
465. තතො චිත්තං විමුච්චි මෙ පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා සුන්දරසමුද්දො ථෙරො ගාථායො අභාසිත්ථා’ති.
සුන්දරසමුද්දත්ථෙරගාථා.
7. 1. 2.
466. පරෙ අම්බාටකාරාමෙ වනසණ්ඩම්හි භද්දියො,
සමූලං තණ්හමබ්බුය්හ තත්ථ භද්දො ඣියායති.
සමූලං තණ්හමබ්බුය්හ තත්ථ භද්දො ඣියායති.
467. රමන්තෙකෙ මුතිඞ්ගෙහි වීණාහි පණවෙහි ච,
අහං ච රුක්ඛමූලස්මිං රතො බුද්ධස්ස සාසනෙ.
අහං ච රුක්ඛමූලස්මිං රතො බුද්ධස්ස සාසනෙ.
468. බුද්ධො චෙ මෙ වරං දජ්ජා සො ච ලබ්භෙථ මෙ වරො,
ගණ්හෙහං සබ්බලොකස්ස නිච්චං කායගතං සතිං.
ගණ්හෙහං සබ්බලොකස්ස නිච්චං කායගතං සතිං.
469. යෙ මං රූපෙන පාමිංසු යෙ ච ඝොසෙන අන්වගූ,
ඡන්දරාගවසූපෙතා න මං ජානන්ති තෙ ජනා.
ඡන්දරාගවසූපෙතා න මං ජානන්ති තෙ ජනා.
470. අජ්ඣත්තං ච න ජානාති බහිද්ධා ච න පස්සති,
සමන්තාවරණො බාලො ස වෙ ඝොසෙන වුය්හති.
සමන්තාවරණො බාලො ස වෙ ඝොසෙන වුය්හති.
471. අජ්ඣත්තං ච න ජානාති බහිද්ධා ච විපස්සති,
බහිද්ධා ඵලදස්සාවී සො’පි ඝොසෙන වුය්හති.
බහිද්ධා ඵලදස්සාවී සො’පි ඝොසෙන වුය්හති.
472. අජ්ඣත්තං ච පජානාති බහිද්ධා ච විපස්සති,
අනාවරණදස්සාවී න සො ඝොසෙන වුය්හතී’ති.
අනාවරණදස්සාවී න සො ඝොසෙන වුය්හතී’ති.
ඉත්ථං සුදං ආයස්මා ලකුණ්ටකභද්දියො ථෙරො ගාථායො අභාසිත්ථා’ති.
ලකුණ්ටකභද්දියත්ථෙරගාථා.
7. 1. 3.
473. එකපුත්තො අහං ආසිං පියො මාතු පියො පිතු,
බහූහි වතචරියාහි ලද්ධො ආයාචනාහි ච.
බහූහි වතචරියාහි ලද්ධො ආයාචනාහි ච.
474. තෙ ච මං අනුකම්පාය අත්ථකාමා හිතෙසිනො,
උභො පිතා ච මාතා ච බුද්ධස්ස උපනාමයුං,
උභො පිතා ච මාතා ච බුද්ධස්ස උපනාමයුං,
475. කිච්ඡා ලද්ධො අයං පුත්තො සුඛුමාලො සුඛෙධිතො,
ඉමං දදාම තෙ නාථ ජිනස්ස පරිචාරකං.
ඉමං දදාම තෙ නාථ ජිනස්ස පරිචාරකං.
476. සත්ථා ච මං පටිග්ගය්හ ආනන්දං එතදබ්රවි,
පබ්බාජෙහි ඉමං ඛිප්පං හෙස්සත්යාජානියො අයං.
පබ්බාජෙහි ඉමං ඛිප්පං හෙස්සත්යාජානියො අයං.
477. පබ්බාජෙත්වාන මං සත්ථා විහාරං පාවිසී ජිනො,
අනොග්ගතස්මිං සුරියස්මිං තතො චිත්තං විමුච්චි මෙ.
අනොග්ගතස්මිං සුරියස්මිං තතො චිත්තං විමුච්චි මෙ.
478. තතො සත්ථා නිරංකත්වා පටිසල්ලානවුට්ඨිතො,
එහි භද්දා’ති මං ආහ සා මෙ ආසූපසම්පදා.
එහි භද්දා’ති මං ආහ සා මෙ ආසූපසම්පදා.
479. ජාතියා සත්තවස්සෙන ලද්ධා මෙ උපසම්පදා,
තිස්සො විජ්ජා අනුප්පත්තා අහො ධම්මසුධම්මතා’ති.
තිස්සො විජ්ජා අනුප්පත්තා අහො ධම්මසුධම්මතා’ති.
ඉත්ථං සුදං ආයස්මා භද්දො ථෙරො ගාථායො අභාසිත්ථා’ති.
භද්දත්ථෙරගාථා.