5. 1. 3.
325. වස්සති දෙවො යථා සුගීතං
ඡන්නා මෙ කුටිකා සුඛා නිවාතා,
තස්සං විහරාමි වූපසන්තො
අථ වෙ පත්ථයසී පවස්ස දෙව.
ඡන්නා මෙ කුටිකා සුඛා නිවාතා,
තස්සං විහරාමි වූපසන්තො
අථ වෙ පත්ථයසී පවස්ස දෙව.
326. වස්සති දෙවො යථා සුගීතං
ඡන්නා මෙ කුටිකා සුඛා නිවාතා,
තස්සං විහරාමි සන්තචිත්තො
අථ වෙ පත්ථයසී පවස්ස දෙව.
ඡන්නා මෙ කුටිකා සුඛා නිවාතා,
තස්සං විහරාමි සන්තචිත්තො
අථ වෙ පත්ථයසී පවස්ස දෙව.
327. වස්සති දෙවො යථා සුගීතං
ඡන්නා මෙ කුටිකා සුඛා නිවාතා,
තස්සං විහරාමි වීතරාගො
අථ වෙ පත්ථයසී පවස්ස දෙව.
ඡන්නා මෙ කුටිකා සුඛා නිවාතා,
තස්සං විහරාමි වීතරාගො
අථ වෙ පත්ථයසී පවස්ස දෙව.
328. වස්සති දෙවො යථා සුගීතං
ඡන්නා මෙ කුටිකා සුඛා නිවාතා,
තස්සං විහරාමි වීතදොසො
අථ වෙ පත්ථයසී පවස්ස දෙව.
ඡන්නා මෙ කුටිකා සුඛා නිවාතා,
තස්සං විහරාමි වීතදොසො
අථ වෙ පත්ථයසී පවස්ස දෙව.
329. වස්සති දෙවො යථා සුගීතං
ඡන්නා මෙ කුටිකා සුඛා නිවාතා,
තස්සං විහරාමි වීතමොහො
අථ වෙ පත්ථයසී පවස්ස දෙව.
ඡන්නා මෙ කුටිකා සුඛා නිවාතා,
තස්සං විහරාමි වීතමොහො
අථ වෙ පත්ථයසී පවස්ස දෙව.
ඉත්ථං සුදං ආයස්මා ගිරිමානන්දො ථෙරො ගාථායො අභාසිත්ථා’ති.
ගිරිමානන්දත්ථෙරගාථා.
5. 1. 4.
330. යං පත්ථයානො ධම්මෙසු උපජ්ඣායො අනුග්ගහී,
අමතං අභිකඞ්ඛන්තං කතං කත්තබ්බකං මයා.
අමතං අභිකඞ්ඛන්තං කතං කත්තබ්බකං මයා.
331. අනුප්පත්තො සච්ඡිකතො සයං ධම්මො අනීතිහො,
විසුද්ධඤාණො නික්කඞ්ඛො ව්යාකරොමි තවන්තිකෙ.
විසුද්ධඤාණො නික්කඞ්ඛො ව්යාකරොමි තවන්තිකෙ.
332. පුබ්බෙනිවාසං ජානාමි දිබ්බචක්ඛු විසොධිතං,
සදත්ථො මෙ අනුප්පත්තො කතං බුද්ධස්ස සාසනං.
සදත්ථො මෙ අනුප්පත්තො කතං බුද්ධස්ස සාසනං.
333. අප්පමත්තස්ස මෙ සික්ඛා සුස්සුතා තව සාසනෙ,
සබ්බෙ මෙ අසවා ඛීණා නත්ථි දානි පුනබ්භවො.
සබ්බෙ මෙ අසවා ඛීණා නත්ථි දානි පුනබ්භවො.
334. අනුසාසි මං අරියවතා අනුකම්පි අනුග්ගහි,
අමොඝො තුය්හමොවාදො අන්තෙවාසිම්හි සික්ඛිතො’ති.
අමොඝො තුය්හමොවාදො අන්තෙවාසිම්හි සික්ඛිතො’ති.
ඉත්ථං සුදං ආයස්මා සුමනො ථෙරො ගාථායො අභාසිත්ථා’ති.
සුමනත්ථෙරගාථා.
5. 1. 5.
335. සාධූ හි කිර මෙ මාතා පතොදං උපදංසයි,
යස්සාහං වචනං සුත්වා අනුසිට්ඨො ජනෙත්තියා,
ආරද්ධවිරියො පහිතත්තො පත්තො සම්බොධිමුත්තමං.
යස්සාහං වචනං සුත්වා අනුසිට්ඨො ජනෙත්තියා,
ආරද්ධවිරියො පහිතත්තො පත්තො සම්බොධිමුත්තමං.
336. අරහා දක්ඛිණෙය්යොම්හි තෙවිජ්ජො අමතද්දසො,
ජෙත්වා නමුචිනො සෙනං විහරාමි අනාසවො.
ජෙත්වා නමුචිනො සෙනං විහරාමි අනාසවො.
337. අජ්ඣත්තං ච බහිද්ධා ච යෙ මෙ විජ්ජිංසු ආසවා,
සබ්බෙ අස්සො උච්ඡින්නා න ච උප්පජ්ජරෙ පුන.
සබ්බෙ අස්සො උච්ඡින්නා න ච උප්පජ්ජරෙ පුන.
338. විසාරදා ඛො භගිනි එතමත්ථං අභාසයි,
අපිහා නූන මයි’පි වනථො තෙ න විජ්ජති.
අපිහා නූන මයි’පි වනථො තෙ න විජ්ජති.
339. පරියන්තකතං දුක්ඛං අන්තිමො’යං සමුස්සයො,
ජාතිමරණසංසාරො නත්ථි දානි පුනබ්භවො’ති.
ජාතිමරණසංසාරො නත්ථි දානි පුනබ්භවො’ති.
ඉත්ථං සුදං ආයස්මා වඩ්ඪො ථෙරො ගාථායො අභාසිත්ථා’ති.
වඩ්ඪත්ථෙරගාථා.
5. 1. 6.
340. අත්ථාය වත මෙ බුද්ධො නදිං නෙරඤ්ජරං අගා,
යස්සාහං ධම්මං සුත්වාන මිච්ඡාදිට්ඨිං විවජ්ජයිං.
යස්සාහං ධම්මං සුත්වාන මිච්ඡාදිට්ඨිං විවජ්ජයිං.
341. යජිං උච්චාවචෙ යඤ්ඤෙ අග්ගිහුත්තං ජුහිං අහං,
එසා සුද්ධීති මඤ්ඤන්තො අන්ධභූතො පුථුජ්ජනො.
එසා සුද්ධීති මඤ්ඤන්තො අන්ධභූතො පුථුජ්ජනො.
342. දිට්ඨිගහනපක්ඛන්නො පරාමාසෙන මොහිතො,
අසුද්ධිං මඤ්ඤිසං සුද්ධිං අන්ධභූතො අවිද්දසු.
අසුද්ධිං මඤ්ඤිසං සුද්ධිං අන්ධභූතො අවිද්දසු.
343. මිච්ඡාදිට්ඨි පහීනා මෙ භවා සබ්බෙ විදාලිතා,
ජුහාමි දක්ඛිණෙය්යග්ගිං නමස්සාමි තථාගතං.
ජුහාමි දක්ඛිණෙය්යග්ගිං නමස්සාමි තථාගතං.
344. මොහා සබ්බෙ පහීනා මෙ භවතණ්හා පදාලිතා,
වික්ඛීණො ජාතිසංසාරො නත්ථි දානි පුනබ්භවො’ති.
වික්ඛීණො ජාතිසංසාරො නත්ථි දානි පුනබ්භවො’ති.
ඉත්ථං සුදං ආයස්මා නදීකස්සපො ථෙරො ගාථායො අභාසිත්ථා’ති.
නදීකස්සපත්ථෙරගාථා.