60. සට්ඨිනිපාතො.
60. 1. 1.
1151. ආරඤ්ඤකා පිණ්ඩපාතිකා උඤ්ඡාපත්තාගතෙ රතා,
දාළෙමු මච්චුනො සෙනං අජ්ඣත්තං සුසමාහිතා.
දාළෙමු මච්චුනො සෙනං අජ්ඣත්තං සුසමාහිතා.
1152. ආරඤ්ඤකා පිණ්ඩපාතිකා උඤ්ඡාපත්තාගතෙ රතා,
ධුනාම මච්චුනො සෙනං නළාගාරං’ව කුඤ්ජරො.
ධුනාම මච්චුනො සෙනං නළාගාරං’ව කුඤ්ජරො.
1153. රුක්ඛමූලිකා සාතතිකා උඤ්ඡාපත්තාගතෙ රතා,
දාළෙමු මච්චුනො සෙනං අජ්ඣත්තං සුසමාහිතා.
දාළෙමු මච්චුනො සෙනං අජ්ඣත්තං සුසමාහිතා.
1154. රුක්ඛමූලිකා සාතතිකා උඤ්ඡාපත්තාගතෙ රතා,
ධුනාම මච්චුනො සෙනං නළාගාරං’ව කුඤ්ජරො.
ධුනාම මච්චුනො සෙනං නළාගාරං’ව කුඤ්ජරො.
1155. අට්ඨිකඞ්කාලකුටිකෙ මංසනනහාරුසිබ්බිතෙ,
ධිරත්ථු පූරෙ දුග්ගන්ධෙ පරගත්තෙ මමායසෙ,
ධිරත්ථු පූරෙ දුග්ගන්ධෙ පරගත්තෙ මමායසෙ,
1156. ගූථභස්තෙ තචොනද්ධෙ උරගණ්ඩ පිසාචිනී,
නව සොතානි තෙ කායෙ යානි සන්දන්ති සබ්බදා.
නව සොතානි තෙ කායෙ යානි සන්දන්ති සබ්බදා.
1157. තව සරීරං නවසොතං දුග්ගන්ධකරං පරිබන්ධං,
භික්ඛු පරිවජ්ජයතෙ තං මීළ්හඤ්ච යථා සුචිකාමො.
භික්ඛු පරිවජ්ජයතෙ තං මීළ්හඤ්ච යථා සුචිකාමො.
1158. එවං චෙ තං ජනො ජඤ්ඤා යථා ජානාමි තං අහං,
ආරකා පරිවජ්ජෙය්ය ගූථට්ඨානං’ව පාවුසෙ.
ආරකා පරිවජ්ජෙය්ය ගූථට්ඨානං’ව පාවුසෙ.
1159. එවමෙතං මහාවීර යථා සමණ භාසසි,
එත්ථ චෙකෙ විසීදන්ති පඞ්කම්හි’ව ජරග්ගවො.
එත්ථ චෙකෙ විසීදන්ති පඞ්කම්හි’ව ජරග්ගවො.
1160. ආකාසම්හි හලිද්දියා යො මඤ්ඤෙථ, රජෙතවෙ,
අඤ්ඤෙන වා’පි රඞ්ගෙන විඝාතුදයමෙව තං.
අඤ්ඤෙන වා’පි රඞ්ගෙන විඝාතුදයමෙව තං.
1161. තදාකාසසමං චිත්තං අජ්ඣත්තං සුසමාහිතං,
මා පාපචිත්තෙ අහනි අග්ගිඛන්ධං’ව පක්ඛිමා.
මා පාපචිත්තෙ අහනි අග්ගිඛන්ධං’ව පක්ඛිමා.
1162. පස්ස චිත්තකතං බිම්බං අරුකායං සමුස්සිතං,
ආතුරං බහුසඞ්කප්පං යස්ස නත්ථි ධුවං ඨිති.
ආතුරං බහුසඞ්කප්පං යස්ස නත්ථි ධුවං ඨිති.
1163. පස්ස චිත්තකතං රූපං මණිනා කුණ්ඩලෙන ච,
අට්ඨිං තචෙන ඔනද්ධං සහ වත්ථෙහි සොභති.
අට්ඨිං තචෙන ඔනද්ධං සහ වත්ථෙහි සොභති.
1164. අලත්තකකතා පාදා මුඛං චුණ්ණකමක්ඛිතං,
අලං බාලස්ස මොහාය නො ච පාරගවෙසිනො.
අලං බාලස්ස මොහාය නො ච පාරගවෙසිනො.
1165. අට්ඨපාදකතා කෙසා නෙත්තා අඤ්ජනමක්ඛිතා,
අලං බාලස්ස මොහාය නො ච පාරගවෙසිනො.
අලං බාලස්ස මොහාය නො ච පාරගවෙසිනො.
1166. අඤ්ජනීව නවා චිත්තා පූතිකායො අලඞ්කතො,
අලං බාලස්ස මොහාය නො ච පාරගවෙසිනො.
අලං බාලස්ස මොහාය නො ච පාරගවෙසිනො.
1167. ඔදහි මිගවො පාසං නාසදා වාගුරං මිගො,
භුත්වා නිවාපං ගච්ඡාම කන්දකන්තෙ මිගබන්ධකෙ.
භුත්වා නිවාපං ගච්ඡාම කන්දකන්තෙ මිගබන්ධකෙ.
1168. ඡින්නො පාසො මිගවස්ස නාසදා වාගුරං මිගො,
භුත්වා නිවාපං ගච්ඡාම සොචන්තෙ මිගලුද්දකෙ.
භුත්වා නිවාපං ගච්ඡාම සොචන්තෙ මිගලුද්දකෙ.
1169. තදාසි යං භිංසනකං තදාසි ලොමහංසනං,
අනෙකාකාරසම්පන්නෙ සාරිපුත්තම්හි නිබ්බුතෙ.
අනෙකාකාරසම්පන්නෙ සාරිපුත්තම්හි නිබ්බුතෙ.
1170. අනිච්චා වත සඞ්ඛාරා උප්පාදවයධම්මිනො,
උප්පජ්ජිත්වා නිරුජ්ඣන්ති තෙසං වූපසමො සුඛො.
උප්පජ්ජිත්වා නිරුජ්ඣන්ති තෙසං වූපසමො සුඛො.
1171. සුඛුමං තෙ පටිවිජ්ඣන්ති වාලග්ගං උසුනා යථා,
යෙ පඤ්චක්ඛන්ධෙ පස්සන්ති පරතො නො ච අත්තතො.
යෙ පඤ්චක්ඛන්ධෙ පස්සන්ති පරතො නො ච අත්තතො.
1172. යෙ ච පස්සන්ති සඞ්ඛාරෙ පරතො නො ච අත්තතො,
පච්චබ්යාධිංසු නිපුණං වාලග්ගං උසුනා යථා.
පච්චබ්යාධිංසු නිපුණං වාලග්ගං උසුනා යථා.
1173. සත්තියා විය ඔමට්ඨො ඩය්හමානො’ව මත්ථකෙ,
කාමරාගප්පහානාය සතො භික්ඛු පරිබ්බජෙ.
කාමරාගප්පහානාය සතො භික්ඛු පරිබ්බජෙ.
1174. සත්තියා විය ඔමට්ඨො ඩය්හමානො’ව මත්ථකෙ,
භවරාගප්පහානාය සතො භික්ඛු පරිබ්බජෙ.
භවරාගප්පහානාය සතො භික්ඛු පරිබ්බජෙ.
1175. චොදිතො භාවිතත්තෙන සරීරන්තිමධාරිනා,
මිගාරමාතුපාසාදං පාදඞ්ගුට්ඨෙන කම්පයිං.
මිගාරමාතුපාසාදං පාදඞ්ගුට්ඨෙන කම්පයිං.