2. 4. 5.
189. දෙවො ච වස්සති දෙවො ච ගළගළායති
එකකො චාහං භෙරවෙ බිලෙ විහරාමි,
තස්ස මය්හං එකකස්ස භෙරවෙ බිලෙ විහරතො
නත්ථි භයං වා ඡම්භිතත්තං වා ලොමහංසො වා.
එකකො චාහං භෙරවෙ බිලෙ විහරාමි,
තස්ස මය්හං එකකස්ස භෙරවෙ බිලෙ විහරතො
නත්ථි භයං වා ඡම්භිතත්තං වා ලොමහංසො වා.
190. ධම්මතා මම සා යස්ස මෙ
එකකස්ස භෙරවෙ බිලෙ
විහරතො නත්ථි භයං වා
ඡම්භිතත්තං වා ලොමහංසො වා’ති.
එකකස්ස භෙරවෙ බිලෙ
විහරතො නත්ථි භයං වා
ඡම්භිතත්තං වා ලොමහංසො වා’ති.
ඉත්ථං සුදං ආයස්මා සම්බුලකච්චානො ථෙරො ගාථායො අභාසිත්ථා’ති.
සම්බුලකච්චානත්ථෙරගාථා.
2. 4. 6.
191. කස්ස සෙලූපමං චිත්තං ඨිතං නානූපකම්පති,
විරත්තං රජනීයෙසු කුප්පනීයෙ න කුප්පති,
යස්සෙවං භාවිතං චිත්තං කුතො තං දුක්ඛමෙස්සති.
විරත්තං රජනීයෙසු කුප්පනීයෙ න කුප්පති,
යස්සෙවං භාවිතං චිත්තං කුතො තං දුක්ඛමෙස්සති.
192. මම සෙලූපමං චිත්තං ඨිතං නානූපකම්පති,
විරත්තං රජනීයෙසු කුප්පනීයෙ න කුප්පති,
මමෙවං භාවිතං චිත්තං කුතො මං දුක්ඛමෙස්සතී’ති.
විරත්තං රජනීයෙසු කුප්පනීයෙ න කුප්පති,
මමෙවං භාවිතං චිත්තං කුතො මං දුක්ඛමෙස්සතී’ති.
ඉත්ථං සුදං ආයස්මා ඛිතකො ථෙරො ගාථායො අභාසිත්ථා’ති.
ඛිතකත්ථෙරගාථා.
2. 4. 7.
193. න තාව සුපිතුං හොති රත්ති නක්ඛත්තමාලිනී,
පටිජග්ගිතුමෙවෙසා රත්ති හොති විජානතා.
පටිජග්ගිතුමෙවෙසා රත්ති හොති විජානතා.
194. හත්ථික්ඛන්ධාවපතිතං කුඤ්ජරො චෙ අනුක්කමෙ,
සඞ්ගාමෙ මෙ මතං සෙය්යො යං චෙ ජීවෙ පරාජිතො’ති.
සඞ්ගාමෙ මෙ මතං සෙය්යො යං චෙ ජීවෙ පරාජිතො’ති.
ඉත්ථං සුදං ආයස්මා සොණො සෙලිස්සරිය පුත්තත්ථෙරො ගාථායො අභාසිත්ථා’ති.
සෙලිස්සරියත්ථෙරගාථා.
2. 4. 8.
195. පඤ්චකාමගුණෙ හිත්වා පියරූපෙ මනොරමෙ,
සද්ධාය අභිනික්ඛම්ම දුක්ඛස්සන්තකරො භවෙ.
සද්ධාය අභිනික්ඛම්ම දුක්ඛස්සන්තකරො භවෙ.
196. නාභිනන්දාමි මරණං නාභිනන්දාමි ජීවිතං,
කාලං ච පටිකඞ්ඛාමි සම්පජානො පතිස්සතො’ති.
කාලං ච පටිකඞ්ඛාමි සම්පජානො පතිස්සතො’ති.
ඉත්ථං සුදං ආයස්මා නිසභො ථෙරො ගාථායො අභාසිත්ථා’ති.
නිසභත්ථෙරගාථා.
2. 4. 9.
197. අම්බපල්ලව සඞ්කාසං අංසෙ කත්වාන චීවරං,
නිසින්නො හත්ථි ගීවාය ගාමං පිණ්ඩාය පාවිසිං.
නිසින්නො හත්ථි ගීවාය ගාමං පිණ්ඩාය පාවිසිං.
198. හත්ථික්ඛන්ධතො ඔරුය්හ සංවෙගං අලභිං තදා,
සොහං දිත්තො තදා සන්තො පත්තො මෙ ආසවක්ඛයො’ති.
සොහං දිත්තො තදා සන්තො පත්තො මෙ ආසවක්ඛයො’ති.
ඉත්ථං සුදං ආයස්මා උසභො ථෙරො ගාථායො අභාසිත්ථා’ති.
උසභත්ථෙරගාථා.
2. 4. 10.
199. අයමිති කප්පටො කප්පටකුරො අච්ඡාය අතිභරිතාය
අමතඝටිකායං ධම්මකතමත්තො කතපදං ඣානානි ඔචෙතුං.
අමතඝටිකායං ධම්මකතමත්තො කතපදං ඣානානි ඔචෙතුං.
200. මා ඛො ත්වං කප්පට පචාලෙසි
මා තං උපකණ්ණකම්හි තාළෙස්සං,
නහ ත්වං කප්පට මත්තමඤ්ඤාසි
සඞ්ඝමජ්ඣම්හි පචලායමානො’ති.
මා තං උපකණ්ණකම්හි තාළෙස්සං,
නහ ත්වං කප්පට මත්තමඤ්ඤාසි
සඞ්ඝමජ්ඣම්හි පචලායමානො’ති.
ඉත්ථං සුදං ආයස්මා කප්පටකුරො ථෙරො ගාථායො අභාසිත්ථා’ති.
කප්පටකුරත්ථෙරගාථා.
වග්ගො චතුත්ථො.
තස්සුද්දානං:
මිගසිරො සීවකො ච උපවානො ච පණ්ඩිතො
ඉසිදන්නො ච කච්චානො ඛිතකො ච මහාවසි
සෙලිස්සරියො නිසභො ච උසභො කප්පටකුරො’ති.
ඉසිදන්නො ච කච්චානො ඛිතකො ච මහාවසි
සෙලිස්සරියො නිසභො ච උසභො කප්පටකුරො’ති.