2. 4. 10.
199. අයමිති කප්පටො කප්පටකුරො අච්ඡාය අතිභරිතාය
අමතඝටිකායං ධම්මකතමත්තො කතපදං ඣානානි ඔචෙතුං.
අමතඝටිකායං ධම්මකතමත්තො කතපදං ඣානානි ඔචෙතුං.
200. මා ඛො ත්වං කප්පට පචාලෙසි
මා තං උපකණ්ණකම්හි තාළෙස්සං,
නහ ත්වං කප්පට මත්තමඤ්ඤාසි
සඞ්ඝමජ්ඣම්හි පචලායමානො’ති.
මා තං උපකණ්ණකම්හි තාළෙස්සං,
නහ ත්වං කප්පට මත්තමඤ්ඤාසි
සඞ්ඝමජ්ඣම්හි පචලායමානො’ති.
ඉත්ථං සුදං ආයස්මා කප්පටකුරො ථෙරො ගාථායො අභාසිත්ථා’ති.
කප්පටකුරත්ථෙරගාථා.
වග්ගො චතුත්ථො.
තස්සුද්දානං:
මිගසිරො සීවකො ච උපවානො ච පණ්ඩිතො
ඉසිදන්නො ච කච්චානො ඛිතකො ච මහාවසි
සෙලිස්සරියො නිසභො ච උසභො කප්පටකුරො’ති.
ඉසිදන්නො ච කච්චානො ඛිතකො ච මහාවසි
සෙලිස්සරියො නිසභො ච උසභො කප්පටකුරො’ති.
වග්ගො පඤ්චමො.
2. 5. 1.
201. අහො බුද්ධා අහො ධම්මා අහො නො සත්ථු සම්පදා,
යත්ථ එතාදිසං ධම්මං සාවකො සච්ඡිකාහිසි.
යත්ථ එතාදිසං ධම්මං සාවකො සච්ඡිකාහිසි.
202. අසඞ්ඛෙය්යෙසු කප්පෙසු සක්කායාධිගතා අහූ
තෙසමයං පච්ඡිකො චරිමො’ යං සමුස්සයො,
ජාතිමරණසංසාරො නත්ථි දානි පුනබ්භවො’ති.
තෙසමයං පච්ඡිකො චරිමො’ යං සමුස්සයො,
ජාතිමරණසංසාරො නත්ථි දානි පුනබ්භවො’ති.
ඉත්ථං සුදං ආයස්මා කුමාරකස්සපො ථෙරො ගාථායො අභාසිත්ථා’ති.
කුමාරකස්සපත්ථෙරගාථා.
2. 5. 2.
203. යො හවෙ දහරො භික්ඛු යුඤ්ජති බුද්ධසාසනෙ,
ජාගරො පතිසුත්තෙසු අමොඝං තස්ස ජීවිතං.
ජාගරො පතිසුත්තෙසු අමොඝං තස්ස ජීවිතං.
204. තස්මා සද්ධඤ්ච සීලඤ්ච පසාදං ධම්මදස්සනං,
අනුයුඤ්ජෙථ මෙධාවී සරං බුද්ධාන සාසන’න්ති.
අනුයුඤ්ජෙථ මෙධාවී සරං බුද්ධාන සාසන’න්ති.
ඉත්ථං සුදං ආයස්මා ධම්මපාලො ථෙරො ගාථායො අභාසිත්ථා’ති.
ධම්මපාලත්ථෙරගාථා.
2. 5. 3.
205. කස්සින්ද්රියානි සමථඞ්ගතානි
අස්සා යථා සාරථිනා සුදන්තා
පහීනමානස්ස අනාසවස්ස
දෙවාපි තස්ස පිහයන්ති තාදිනො’ති.
අස්සා යථා සාරථිනා සුදන්තා
පහීනමානස්ස අනාසවස්ස
දෙවාපි තස්ස පිහයන්ති තාදිනො’ති.
206. මහින්ද්රියානි සමථඞ්ගතානි
අස්සා යථා සාරථිනා සුදන්තා
පහීනමානස්ස අනාසවස්ස
දෙවාපි මය්හං පිහයන්ති තාදිනො’ති.
අස්සා යථා සාරථිනා සුදන්තා
පහීනමානස්ස අනාසවස්ස
දෙවාපි මය්හං පිහයන්ති තාදිනො’ති.
ඉත්ථං සුදං ආයස්මා බ්රහ්මාලි ථෙරො ගාථායො අභාසිත්ථා’ති.
බ්රහ්මාලිත්ථෙරගාථා.