2. 3. 6.
171. පඤ්චනීවරණෙ හිත්වා යොගක්ඛෙමස්ස පත්තියා,
ධම්මාදාසං ගහෙත්වාන ඤාණදස්සනමත්තනො.
ධම්මාදාසං ගහෙත්වාන ඤාණදස්සනමත්තනො.
172. පච්චවෙක්ඛිං ඉමං කායං සබ්බං සන්තරබාහිරං,
අජ්ඣත්තඤ්ච බහිද්ධා ච තුච්ඡො කායො අදිස්සථා’ති.
අජ්ඣත්තඤ්ච බහිද්ධා ච තුච්ඡො කායො අදිස්සථා’ති.
ඉත්ථං සුදං ආයස්මා පුණ්ණමාසො ථෙරො ගාථායො අභාසිත්ථා’ති.
පුණ්ණමාසත්ථෙරගාථා.
2. 3. 7.
173. යථාපි භද්දො ආජඤ්ඤො ඛලිත්වා පතිතිට්ඨති,
භිය්යො ලද්ධාන සංවෙගං අදීනො වහතෙ ධුරං.
භිය්යො ලද්ධාන සංවෙගං අදීනො වහතෙ ධුරං.
174. එවං දස්සනසම්පන්නං සම්මාසම්බුද්ධසාවකං,
ආජානීයං මං ධාරෙථ පුත්තං බුද්ධස්ස ඔරසන්ති.
ආජානීයං මං ධාරෙථ පුත්තං බුද්ධස්ස ඔරසන්ති.
ඉත්ථං සුදං ආයස්මා නන්දකො ථෙරො ගාථායො අභාසිත්ථා’ති.
නන්දකත්ථෙරගාථා.
2. 3. 8.
175. එහි නන්දක ගච්ඡාම උපජ්ඣායස්ස සන්තිකං,
සීහනාදං නදිස්සාම බුද්ධසෙට්ඨස්ස සම්මුඛා.
සීහනාදං නදිස්සාම බුද්ධසෙට්ඨස්ස සම්මුඛා.
176. යාය නො අනුකම්පාය අම්හෙ පබ්බාජයී මුනි,
සො නො අත්ථො අනුප්පත්තො සබ්බසංයොජනක්ඛයො’ති.
සො නො අත්ථො අනුප්පත්තො සබ්බසංයොජනක්ඛයො’ති.
ඉත්ථං සුදං ආයස්මා භරතො ථෙරො ගාථායො අභාසිත්ථා’ති.
භරතත්ථෙරගාථා.
2. 3. 9.
177. නදන්ති එවං සප්පඤ්ඤා සීහාව ගිරිගබ්භරෙ,
වීරා විජිතසඞ්ගාමා ඡෙත්වා මාරං සවාහිනිං.
වීරා විජිතසඞ්ගාමා ඡෙත්වා මාරං සවාහිනිං.
178. සත්ථා ච පරිචිණ්ණො මෙ ධම්මො සඞ්ඝො ච පූජිතො,
අහං ච විත්තො සුමනො පුත්තං දිස්වා අනාසවන්ති.
අහං ච විත්තො සුමනො පුත්තං දිස්වා අනාසවන්ති.
ඉත්ථං සුදං ආයස්මා භාරද්වාජො ථෙරො ගාථායො අභාසිත්ථා’ති.
භාරද්වාජත්ථෙරගාථා.
2. 3. 10.
179. උපාසිතා සප්පුරිසා සුතා ධම්මා අභිණ්හසො,
සුත්වාන පටිපජ්ජිස්සං අඤ්ජසං අමතොගධං.
සුත්වාන පටිපජ්ජිස්සං අඤ්ජසං අමතොගධං.
180. භවරාගහතස්ස මෙ සතො භවරාගො පුන මෙ න විජ්ජති,
න චාහු න ච මෙ භවිස්සති න ච මෙ එතරහිපි විජ්ජතී’ති.
න චාහු න ච මෙ භවිස්සති න ච මෙ එතරහිපි විජ්ජතී’ති.
ඉත්ථං සුදං ආයස්මා කණ්හදින්නො ථෙරො ගාථායො අභාසිත්ථා’ති.
කණ්හදින්නත්ථෙරගාථා.
වග්ගො තතියො.
තස්සුද්දානං:
උත්තරො භද්දජිත්ථෙරො සොභිතො වල්ලියො ඉසි,
වීතසොකො ච යො ථෙරො පුණ්ණමාසො ච නන්දකො,
භරතො භාරද්වාජො ච කණ්හදින්නො මහාමුනී’ති.
වීතසොකො ච යො ථෙරො පුණ්ණමාසො ච නන්දකො,
භරතො භාරද්වාජො ච කණ්හදින්නො මහාමුනී’ති.