16. සොළසනිපාතො.
16. 1. 1.
673. එස භිය්යො පසීදාමි සුත්වා ධම්මං මහාරසං,
විරාගො දෙසිතො ධම්මො අනුපාදාය සබ්බසො.
විරාගො දෙසිතො ධම්මො අනුපාදාය සබ්බසො.
674. බහූනි ලොකෙ චිත්රානි අස්මිං පඨවිමණ්ඩලෙ,
මථෙන්ති මඤ්ඤෙ සඞ්කප්පං සුභං රාගූපසංහිතං.
මථෙන්ති මඤ්ඤෙ සඞ්කප්පං සුභං රාගූපසංහිතං.
675. රජමුහතං ච වාතෙන යථා මෙඝොපසම්මයෙ,
එවං සම්මන්ති සඞ්කප්පා යදා පඤ්ඤාය පස්සති,
එවං සම්මන්ති සඞ්කප්පා යදා පඤ්ඤාය පස්සති,
676. සබ්බෙ සඞ්ඛාරා අනිච්චාති යදා පඤ්ඤාය පස්සති,
අථ නිබ්බින්දති දුක්ඛෙ එස මග්ගො විසුද්ධියා.
අථ නිබ්බින්දති දුක්ඛෙ එස මග්ගො විසුද්ධියා.
677. සබ්බෙ සඞ්ඛාරා දුක්ඛාති යදා පඤ්ඤාය පස්සති,
අථ නිබ්බින්දති දුක්ඛෙ එස මග්ගො විසුද්ධියා.
අථ නිබ්බින්දති දුක්ඛෙ එස මග්ගො විසුද්ධියා.
678. සබ්බෙ ධම්මා අනත්තා’ති යදා පඤ්ඤාය පස්සති,
අථ නිබ්බින්දති දුක්ඛෙ එස මග්ගො විසුද්ධියා.
අථ නිබ්බින්දති දුක්ඛෙ එස මග්ගො විසුද්ධියා.
679. බුද්ධානුබුද්ධො යො ථෙරො කොණ්ඩඤ්ඤො තිබ්බනික්කමො,
පහීනජාතිමරණො බ්රහ්මචරියස්ස කෙවලී.
පහීනජාතිමරණො බ්රහ්මචරියස්ස කෙවලී.
680. ඔඝපාසො දළ්හඛිලො පබ්බතො දුප්පදාලියො,
ඡෙත්වා ඛිලං ච පාසං ච සෙලං භෙත්වාන දුබ්භිදං,
තිණ්ණො පාරඞ්ගතො ඣායී මුත්තො සො මාරබන්ධනා.
ඡෙත්වා ඛිලං ච පාසං ච සෙලං භෙත්වාන දුබ්භිදං,
තිණ්ණො පාරඞ්ගතො ඣායී මුත්තො සො මාරබන්ධනා.
681. උද්ධතො චපලො භික්ඛු මිත්තෙ ආගම්ම පාපකෙ,
සංසීදති මහොඝස්මිං ඌමියා පටිකුජ්ජිතො.
සංසීදති මහොඝස්මිං ඌමියා පටිකුජ්ජිතො.
682. අනුද්ධතො අචපලො නිපකො සංවුතින්ද්රියො,
කල්යාණමිත්තො මෙධාවී දුක්ඛස්සන්තකරො සියා.
කල්යාණමිත්තො මෙධාවී දුක්ඛස්සන්තකරො සියා.
683. කාලපබ්බඞ්ගසඞ්කාසො කිසො ධමනිසන්ථතො,
මත්තඤ්ඤූ අන්නපානස්මිං අදීනමානසො නරො.
මත්තඤ්ඤූ අන්නපානස්මිං අදීනමානසො නරො.
684. ඵුට්ඨො ඩංසෙහි මකසෙහි අරඤ්ඤස්මිං බ්රහාවනෙ,
නාගො සඞ්ගාමසීසෙ’ව සතො තත්රාධිවාසයෙ.
නාගො සඞ්ගාමසීසෙ’ව සතො තත්රාධිවාසයෙ.
685. නාභිනන්දාමි මරණං නාභිනන්දාමි ජීවිතං,
කාලං ච පතිකඞ්ඛාමි නිබ්බිසං භතකො යථා.
කාලං ච පතිකඞ්ඛාමි නිබ්බිසං භතකො යථා.
686. නාභිනන්දාමි මරණං නාභිනන්දාමි ජීවිතං,
කාලං ච පතිකඞ්ඛාමි සම්පජානො පතිස්සතො.
කාලං ච පතිකඞ්ඛාමි සම්පජානො පතිස්සතො.
687. පරිචිණ්ණො මයා සත්ථා කතං බුද්ධස්ස සාසනං,
ඔහිතො ගරුකො භාරො භවනෙත්ති සමූහතා.
ඔහිතො ගරුකො භාරො භවනෙත්ති සමූහතා.
688. යස්සත්ථාය පබ්බජිතො අගාරස්මානගාරියං,
සො මෙ අත්ථො අනුප්පත්තො කිං මෙ සද්ධිවිහාරිනා’ති.
සො මෙ අත්ථො අනුප්පත්තො කිං මෙ සද්ධිවිහාරිනා’ති.
ඉත්ථං සුදං ආයස්මා අඤ්ඤාකොණ්ඩඤ්ඤො ථෙරො ගාථායො අභාසිත්ථා’ති.
අඤ්ඤාකොණ්ඩඤ්ඤත්ථෙරගාථා.
16. 1. 2.
689. මනුස්සභූතං සම්බුද්ධං අත්තදන්තං සමාහිතං,
ඉරියමානං බ්රහ්මපථෙ චිත්තස්සූපසමෙ රතං.
ඉරියමානං බ්රහ්මපථෙ චිත්තස්සූපසමෙ රතං.
690. යං මනුස්සා නමස්සන්ති සබ්බධම්මාන පාරගුං,
දෙවා’පි තං නමස්සන්ති ඉති මෙ අරහතො සුතං.
දෙවා’පි තං නමස්සන්ති ඉති මෙ අරහතො සුතං.
691. සබ්බසංයොජනාතීතං වනා නිබ්බනමාගතං,
කාමෙහි නෙක්ඛම්මරතං මුත්තං සෙලා’ව කඤ්චනං.
කාමෙහි නෙක්ඛම්මරතං මුත්තං සෙලා’ව කඤ්චනං.
692. ස වෙ අච්චන්තරුචි නාගො හිමවා චඤ්ඤෙ සිලුච්චයෙ,
සබ්බෙසං නාගනාමානං සච්චනාමො අනුත්තරො.
සබ්බෙසං නාගනාමානං සච්චනාමො අනුත්තරො.
693. නාගං වො කිත්තයිස්සාමි න හි ආගුං කරොති සො,
සොරච්චං අවිහිංසා ච පාදා නාගස්ස තෙ දුවෙ.
සොරච්චං අවිහිංසා ච පාදා නාගස්ස තෙ දුවෙ.
694. සති ච සම්පජඤ්ඤං ච චරණා නාගස්ස තෙ පරෙ,
සද්ධාහත්ථො මහානාගො උපෙක්ඛාසෙතදන්තවා.
සද්ධාහත්ථො මහානාගො උපෙක්ඛාසෙතදන්තවා.
695. සති ගීවා සිරො පඤ්ඤා වීමංසා ධම්මචින්තනා,
ධම්මකුච්ඡිසමාවාසො විවෙකො තස්ස වාලධි.
ධම්මකුච්ඡිසමාවාසො විවෙකො තස්ස වාලධි.
696. සො ඣායී අස්සාසරතො අජ්ඣත්තං සුසමාහිතො,
ගච්ඡං සමාහිතො නාගො ඨිතො නාගො සමාහිතො.
ගච්ඡං සමාහිතො නාගො ඨිතො නාගො සමාහිතො.
697. සයං සමාහිතො නාගො නිසින්නො’පි සමාහිතො,
සබ්බත්ථ සංවුතො නාගො එසා නාගස්ස සම්පදා.
සබ්බත්ථ සංවුතො නාගො එසා නාගස්ස සම්පදා.
698. භුඤ්ජති අනවජ්ජානි සාවජ්ජානි න භුඤ්ජති,
ඝාසමච්ඡාදනං ලද්ධා සන්නි’ධිං පරිවජ්ජයං.
ඝාසමච්ඡාදනං ලද්ධා සන්නි’ධිං පරිවජ්ජයං.