12. 1. 1.
608. සීලමෙවිධ සික්ඛෙථ අස්මිං ලොකෙ සුසික්ඛිතං,
සීලං හි සබ්බසම්පත්තිං උපනාමෙති සෙවිතං.
සීලං හි සබ්බසම්පත්තිං උපනාමෙති සෙවිතං.
609. සීලං රක්ඛෙය්ය මෙධාවී පත්ථයානො තයො සුඛෙ,
පසංසං විත්තිලාභං ච පෙච්ච සග්ගෙ ච මොදනං.
පසංසං විත්තිලාභං ච පෙච්ච සග්ගෙ ච මොදනං.
610. සීලවා හි බහූ මිත්තෙ සඤ්ඤමෙනාධිගච්ඡති,
දුස්සීලො පන මිත්තෙහි ධං සතෙ පාපමාචරං.
දුස්සීලො පන මිත්තෙහි ධං සතෙ පාපමාචරං.
611. අවණ්ණං ච අකිත්තිං ච දුස්සීලො ලභතෙ නරො,
වණ්ණං කිත්තිං පසංසං ච සදා ලභති සීලවා.
වණ්ණං කිත්තිං පසංසං ච සදා ලභති සීලවා.
612. ආදි සීලං පතිට්ඨා ච කල්යාණානං ච මාතුකං,
පමුඛං සබ්බධම්මානං තස්මා සීලං විසොධයෙ.
පමුඛං සබ්බධම්මානං තස්මා සීලං විසොධයෙ.
613. වෙලා ච සංවරො සීලං චිත්තස්ස අභිහාසනං,
තිත්ථං ච සබ්බබුද්ධානං තස්මා සීලං විසොධයෙ.
තිත්ථං ච සබ්බබුද්ධානං තස්මා සීලං විසොධයෙ.
614. සීලං බලං අප්පටිමං සීලං ආවුධමුත්තමං,
සීලමාභරණං සෙට්ඨං සීලං කවචමබ්භුතං.
සීලමාභරණං සෙට්ඨං සීලං කවචමබ්භුතං.
615. සීලං සෙතු මහෙසක්ඛො සීලං ගන්ධො අනුත්තරො,
සීලං විලෙපනං සෙට්ඨං යෙන වාති දිසොදිසං.
සීලං විලෙපනං සෙට්ඨං යෙන වාති දිසොදිසං.
616. සීලං සම්බලමෙවග්ගං සීලං පාථෙය්යමුත්තමං,
සීලං සෙට්ඨො අතිවාහො යෙන යාති දිසොදිසං.
සීලං සෙට්ඨො අතිවාහො යෙන යාති දිසොදිසං.
617. ඉධෙව නින්දං ලභති පෙච්චාපායෙ ච දුම්මනො,
සබ්බත්ථ දුම්මනො බාලො සීලෙසු අසමාහිතො.
සබ්බත්ථ දුම්මනො බාලො සීලෙසු අසමාහිතො.
618. ඉධෙව කිත්තිං ලභති පෙච්ච සග්ගෙ ච සුම්මනො,
සබ්බත්ථ සුමනො ධීරො සීලෙසු සුසමාහිතො.
සබ්බත්ථ සුමනො ධීරො සීලෙසු සුසමාහිතො.
619. සීලමෙව ඉධ අග්ගං පඤ්ඤවා පන උත්තමො,
මනුස්සෙසු ච දෙවෙසු සීලපඤ්ඤාණතො ජය’න්ති.
මනුස්සෙසු ච දෙවෙසු සීලපඤ්ඤාණතො ජය’න්ති.
ඉත්ථං සුදං ආයස්මා සීලවො ථෙරො ගාථායො අභාසිත්ථා’ති.
සීලවත්ථෙරගාථා.
12. 1. 2.
620. නීචෙ කුලම්හි ජාතො’හං දළිද්දො අප්පභොජනො,
හීනකම්මං මමං ආසි අහොසි පුප්ඵඡඩ්ඩකො.
හීනකම්මං මමං ආසි අහොසි පුප්ඵඡඩ්ඩකො.
621. ජිගුච්ඡිතො මනුස්සානං පරිභූතො ච වම්භිතො,
නීචං මනං කරිත්වාන වන්දිසං බහුකං ජනං.
නීචං මනං කරිත්වාන වන්දිසං බහුකං ජනං.
622. අථද්දසාසිං සම්බුද්ධං භික්ඛුසඞ්ඝපුරක්ඛතං,
පවිසන්තං මහාවීරං මගධානං පුරුත්තමං.
පවිසන්තං මහාවීරං මගධානං පුරුත්තමං.
623. නික්ඛිපිත්වාන ව්යාභඞ්ගිං වන්දිතුං උපසඞ්කමිං,
මමෙව අනුකම්පාය අට්ඨාසි පුරිසුත්තමො.
මමෙව අනුකම්පාය අට්ඨාසි පුරිසුත්තමො.
624. වන්දිත්වා සත්ථුනො පාදෙ එකමන්තං ඨිතො තදා,
පබ්බජ්ජං අහමායාචිං සබ්බසත්තානමුත්තමං.
පබ්බජ්ජං අහමායාචිං සබ්බසත්තානමුත්තමං.
625. තතො කාරුණිකො සත්ථා සබ්බලොකානුකම්පකො,
එහි භික්ඛූති මං ආහ සා මෙ ආසූපසම්පදා.
එහි භික්ඛූති මං ආහ සා මෙ ආසූපසම්පදා.
626. සො’හං එකො අරඤ්ඤස්මිං විහරන්තො අතන්දිතො,
අකාසිං සත්ථු වචනං යථා මං ඔවදී ජිනො.
අකාසිං සත්ථු වචනං යථා මං ඔවදී ජිනො.
627. රත්තියා පඨමං යාමං පුබ්බජාතිමනුස්සරිං,
රත්තියා මජ්ඣිමං යාමං දිබ්බචක්ඛුං විසොධයිං,
රත්තියා පච්ඡිමෙ යාමෙ තමෙඛන්ධං පදාලයිං.
රත්තියා මජ්ඣිමං යාමං දිබ්බචක්ඛුං විසොධයිං,
රත්තියා පච්ඡිමෙ යාමෙ තමෙඛන්ධං පදාලයිං.
628. තතො රත්යා විවසනෙ සුරියස්සුග්ගමනං පති,
ඉන්දො බ්රහ්මා ච ආගන්ත්වා මං නමස්සිංසු පඤ්ජිලී.
ඉන්දො බ්රහ්මා ච ආගන්ත්වා මං නමස්සිංසු පඤ්ජිලී.
629. නමො තෙ පුරිසාජඤ්ඤ නමො තෙ පුරිසුත්තම,
යස්ස තෙ ආසවා ඛීණා දක්ඛිණෙය්යොසි මාරිස.
යස්ස තෙ ආසවා ඛීණා දක්ඛිණෙය්යොසි මාරිස.
630. තතො දිස්වාන මං සත්ථා දෙවසඞ්ඝපුරක්ඛතං,
සිතං පාතුකරිත්වාන ඉමමත්ථං අභාසථ.
සිතං පාතුකරිත්වාන ඉමමත්ථං අභාසථ.
631. තපෙන බ්රහ්මචරියෙන සඤ්ඤමෙන දමෙන ච,
එතෙන බ්රාහ්මණො හොති එතං බ්රාහ්මණමුත්තම, න්ති.
එතෙන බ්රාහ්මණො හොති එතං බ්රාහ්මණමුත්තම, න්ති.
ඉත්ථං සුදං ආයස්මා සුනීතො ථෙරො ගාථායො අභාසිත්ථා’ති.
සුනීතත්ථෙරගාථා.
තස්සුද්දානං:
සීලවා ච සුනීතො ච ථෙරා ද්වෙ තෙ මහිද්ධිකා
ද්වාදසම්හි නිපාතම්හි ගාථායො චතුවීසතී’ති.
ද්වාදසම්හි නිපාතම්හි ගාථායො චතුවීසතී’ති.
ද්වාදසනිපාතො නිට්ඨිතො.