11. එකාදසනිපාතො.
11. 1. 1.
597. කිං තවත්ථො වනෙ තාත උජ්ජුහානො ව පාවුසෙ,
වෙරම්බා රමණීයා තෙ පවිවෙකො හි ඣායිනං.
වෙරම්බා රමණීයා තෙ පවිවෙකො හි ඣායිනං.
598. යථා අබ්භානි වෙරම්බො වාතො නුදති පාවුසෙ,
සඤ්ඤා මෙ අභිකීරන්ති විවෙකපටිසඤ්ඤුතා.
සඤ්ඤා මෙ අභිකීරන්ති විවෙකපටිසඤ්ඤුතා.
599. අපණ්ඩරො අණ්ඩසම්භවො සීවථිකාය නිකෙතවාරිකො,
උප්පාදයතෙව මෙ සතිං සන්දෙහස්මිං විරාගනිස්සිතං.
උප්පාදයතෙව මෙ සතිං සන්දෙහස්මිං විරාගනිස්සිතං.
600. යං ච අඤ්ඤෙ න රක්ඛන්ති යො ච අඤ්ඤෙ න රක්ඛති,
ස වෙ භික්ඛු සුඛං සෙති කාමෙසු අනපෙක්ඛවා.
ස වෙ භික්ඛු සුඛං සෙති කාමෙසු අනපෙක්ඛවා.
601. අච්ඡොදිකා පුථුසිලා ගොනඞ්ගුලමිගායුතා,
අම්බුසෙවාලසඤ්ඡන්නා තෙ සෙලා රමයන්ති මං.
අම්බුසෙවාලසඤ්ඡන්නා තෙ සෙලා රමයන්ති මං.
602. වසිතං මෙ අරඤ්ඤෙසු කන්දරාසු ගුහාසු ච,
සෙනාසනෙසු පන්තෙසු වාළමිගනිසෙවිතෙ.
සෙනාසනෙසු පන්තෙසු වාළමිගනිසෙවිතෙ.
603. ඉමෙ හඤ්ඤන්තු වජ්ඣන්තු දුක්ඛං පප්පොන්තු පාණිනො.
සඞ්කප්පං නාභිජානාමි අනරියං දොසසංහිතං.
සඞ්කප්පං නාභිජානාමි අනරියං දොසසංහිතං.
604. පරිචිණ්ණො මයා සත්ථා කතං බුද්ධස්ස සාසනං,
ඔහිතො ගරුකො භාරො භවනෙත්ති සමූහතා.
ඔහිතො ගරුකො භාරො භවනෙත්ති සමූහතා.
605. යස්ස චත්ථාය පබ්බජිතො අගාරස්මානගාරියං,
සො මෙ අත්ථො අනුප්පත්තො සබ්බසඤ්ඤොජනක්ඛයො.
සො මෙ අත්ථො අනුප්පත්තො සබ්බසඤ්ඤොජනක්ඛයො.
606. නාභිනන්දාමි මරණං නාභිනන්දාමි ජීවිතං,
කාලං ච පටිකඞ්ඛාමි නිබ්බිසං භතකො යථා.
කාලං ච පටිකඞ්ඛාමි නිබ්බිසං භතකො යථා.
607. නාභිනන්දාමි මරණං නාභිනන්දාමි ජීවිතං,
කාලං ච පටිකඞ්ඛාමි සම්පජානො පතිස්සතො’ති.
කාලං ච පටිකඞ්ඛාමි සම්පජානො පතිස්සතො’ති.
ඉත්ථං සුදං ආයස්මා සඞ්කිච්චො ථෙරො ගාථායො අභාසිත්ථා’ති.
සඞ්කිච්චත්ථෙරගාථා.
තස්සුද්දානං:
සඞ්කිච්චථෙරො එකො’ව කතකිච්චො අනාසවො,
එකාදසනිපාතම්හි ගාථා එකාදසෙව චා’ති.
එකාදසනිපාතම්හි ගාථා එකාදසෙව චා’ති.
එකාදසනිපාතො නිට්ඨිතො.
12. ද්වාදසනිපාතො.
12. 1. 1.
608. සීලමෙවිධ සික්ඛෙථ අස්මිං ලොකෙ සුසික්ඛිතං,
සීලං හි සබ්බසම්පත්තිං උපනාමෙති සෙවිතං.
සීලං හි සබ්බසම්පත්තිං උපනාමෙති සෙවිතං.
609. සීලං රක්ඛෙය්ය මෙධාවී පත්ථයානො තයො සුඛෙ,
පසංසං විත්තිලාභං ච පෙච්ච සග්ගෙ ච මොදනං.
පසංසං විත්තිලාභං ච පෙච්ච සග්ගෙ ච මොදනං.
610. සීලවා හි බහූ මිත්තෙ සඤ්ඤමෙනාධිගච්ඡති,
දුස්සීලො පන මිත්තෙහි ධං සතෙ පාපමාචරං.
දුස්සීලො පන මිත්තෙහි ධං සතෙ පාපමාචරං.
611. අවණ්ණං ච අකිත්තිං ච දුස්සීලො ලභතෙ නරො,
වණ්ණං කිත්තිං පසංසං ච සදා ලභති සීලවා.
වණ්ණං කිත්තිං පසංසං ච සදා ලභති සීලවා.
612. ආදි සීලං පතිට්ඨා ච කල්යාණානං ච මාතුකං,
පමුඛං සබ්බධම්මානං තස්මා සීලං විසොධයෙ.
පමුඛං සබ්බධම්මානං තස්මා සීලං විසොධයෙ.
613. වෙලා ච සංවරො සීලං චිත්තස්ස අභිහාසනං,
තිත්ථං ච සබ්බබුද්ධානං තස්මා සීලං විසොධයෙ.
තිත්ථං ච සබ්බබුද්ධානං තස්මා සීලං විසොධයෙ.
614. සීලං බලං අප්පටිමං සීලං ආවුධමුත්තමං,
සීලමාභරණං සෙට්ඨං සීලං කවචමබ්භුතං.
සීලමාභරණං සෙට්ඨං සීලං කවචමබ්භුතං.
615. සීලං සෙතු මහෙසක්ඛො සීලං ගන්ධො අනුත්තරො,
සීලං විලෙපනං සෙට්ඨං යෙන වාති දිසොදිසං.
සීලං විලෙපනං සෙට්ඨං යෙන වාති දිසොදිසං.
616. සීලං සම්බලමෙවග්ගං සීලං පාථෙය්යමුත්තමං,
සීලං සෙට්ඨො අතිවාහො යෙන යාති දිසොදිසං.
සීලං සෙට්ඨො අතිවාහො යෙන යාති දිසොදිසං.
617. ඉධෙව නින්දං ලභති පෙච්චාපායෙ ච දුම්මනො,
සබ්බත්ථ දුම්මනො බාලො සීලෙසු අසමාහිතො.
සබ්බත්ථ දුම්මනො බාලො සීලෙසු අසමාහිතො.
618. ඉධෙව කිත්තිං ලභති පෙච්ච සග්ගෙ ච සුම්මනො,
සබ්බත්ථ සුමනො ධීරො සීලෙසු සුසමාහිතො.
සබ්බත්ථ සුමනො ධීරො සීලෙසු සුසමාහිතො.
619. සීලමෙව ඉධ අග්ගං පඤ්ඤවා පන උත්තමො,
මනුස්සෙසු ච දෙවෙසු සීලපඤ්ඤාණතො ජය’න්ති.
මනුස්සෙසු ච දෙවෙසු සීලපඤ්ඤාණතො ජය’න්ති.
ඉත්ථං සුදං ආයස්මා සීලවො ථෙරො ගාථායො අභාසිත්ථා’ති.
සීලවත්ථෙරගාථා.