10. 1. 2.
537. පුරතො පච්ඡතො වා පි අපරො චෙ න විජ්ජති,
අතීව ඵාසු භවති එකස්ස වසතො වනෙ.
අතීව ඵාසු භවති එකස්ස වසතො වනෙ.
538. හන්ද එකො ගමිස්සාමි අරඤ්ඤං බුද්ධවණ්ණිතං,
ඵාසු එකවිහාරිස්ස පහිතත්තස්ස භික්ඛුනො.
ඵාසු එකවිහාරිස්ස පහිතත්තස්ස භික්ඛුනො.
539. යොගී පීතිකරං රම්මං මත්තකුඤ්ජරසෙවිතං,
එකො අත්ථවසී ඛිප්පං පවිසිස්සාමි කානනං.
එකො අත්ථවසී ඛිප්පං පවිසිස්සාමි කානනං.
540. සුපුප්ඵිතෙ සීතවනෙ සීතලෙ ගිරිකන්දරෙ,
ගත්තානි පරිසිඤ්චිත්වා චඞ්කමිස්සාමි එකකො.
ගත්තානි පරිසිඤ්චිත්වා චඞ්කමිස්සාමි එකකො.
541. එකාකියො අදුතියො රමණීයෙ මහාවනෙ,
කදාහං විහරිස්සාමි කතකිච්චො අනාසවො.
කදාහං විහරිස්සාමි කතකිච්චො අනාසවො.
542. එවං මෙ කත්තුකාමස්ස අධිප්පායො සමිජ්ඣතු,
සාධයිස්සාමහං යෙව නාඤ්ඤො අඤ්ඤස්ස කාරකො.
සාධයිස්සාමහං යෙව නාඤ්ඤො අඤ්ඤස්ස කාරකො.
543. එස බන්ධාමි සන්නාහං පවිසිස්සාමි කානනං,
න තතො නික්ඛමිස්සාමි අප්පත්තො ආසවක්ඛයං.
න තතො නික්ඛමිස්සාමි අප්පත්තො ආසවක්ඛයං.
544. මාලුතෙ උපවායන්තෙ සීතෙ සුරභිගන්ධිකෙ,
අවිජ්ජං දාළයිස්සාමි නිසින්නො නගමුද්ධනි.
අවිජ්ජං දාළයිස්සාමි නිසින්නො නගමුද්ධනි.
545. වනෙ කුසුමසඤ්ජන්නෙ පබ්භාරෙ නූන සීතලෙ,
විමුත්තිසුඛෙන සුඛිතො රමිස්සාමි ගිරිබ්බජෙ.
විමුත්තිසුඛෙන සුඛිතො රමිස්සාමි ගිරිබ්බජෙ.
546. සොහං පරිපුණ්ණසංකප්පො චන්දො පණ්ණරසො යථා,
සබ්බාසව පරික්ඛීණො නත්ථි දානි පුනබ්භවො’ති.
සබ්බාසව පරික්ඛීණො නත්ථි දානි පුනබ්භවො’ති.
ඉත්ථං සුදං ආයස්මා එකවිහාරියො ථෙරො ගාථායො අභාසිත්ථා’ති.
එකවිහාරියත්ථෙරගාථා.
10. 1. 3.
547. අනාගතං යො පටිගච්ච පස්සති
හිතං ච අත්ථං අහිතං ච තං ද්වයං,
විද්දෙසිනො තස්ස හිතෙසිනො වා
රන්ධං න පස්සන්ති සමෙක්ඛමානා.
හිතං ච අත්ථං අහිතං ච තං ද්වයං,
විද්දෙසිනො තස්ස හිතෙසිනො වා
රන්ධං න පස්සන්ති සමෙක්ඛමානා.
548. ආනාපානසතී යස්ස පරිපුණ්ණා සුභාවිතා,
අනුපුබ්බං පරිචිතා යථා බුද්ධෙන දෙසිතා,
සොමං ලොකං පභාසෙති අබ්භා මුත්තොව චන්දිමා.
අනුපුබ්බං පරිචිතා යථා බුද්ධෙන දෙසිතා,
සොමං ලොකං පභාසෙති අබ්භා මුත්තොව චන්දිමා.
549. ඔදාතං වත මෙ චිත්තං අප්පමාණං සුභාවිතං,
නිබ්බිද්ධං පග්ගහීතං ච සබ්බා ඔභාසතෙ දිසා.
නිබ්බිද්ධං පග්ගහීතං ච සබ්බා ඔභාසතෙ දිසා.
550. ජීවිතෙ වා පී සප්පඤ්ඤො අපි විත්තපරික්ඛයො,
පඤ්ඤාය ච අලාභෙන විත්තවා පි න ජීවති.
පඤ්ඤාය ච අලාභෙන විත්තවා පි න ජීවති.
551. පඤ්ඤා සුතවිනිච්ඡිනී පඤ්ඤාකිත්තිසිලොකවඩ්ඪනී,
පඤ්ඤා සහිතො නරො ඉධ අපි දුක්ඛෙසු සුඛානි වින්දති.
පඤ්ඤා සහිතො නරො ඉධ අපි දුක්ඛෙසු සුඛානි වින්දති.
552. නායං අජ්ජතනො ධම්මො නච්ඡෙරො න පි අබ්භුතො,
යත්ථ ජායෙථ මීයෙථ තත්ථ කිං විය අබ්භුතං.
යත්ථ ජායෙථ මීයෙථ තත්ථ කිං විය අබ්භුතං.
553. අනන්තරං හි ජාතස්ස ජීවිතා මරණං ධුවං,
ජාතා ජාතා මරන්තීධ එවං ධම්මා හි පාණිනො.
ජාතා ජාතා මරන්තීධ එවං ධම්මා හි පාණිනො.
554. න හෙතදත්ථාය මතස්ස හොති
යං ජීවිතත්ථං පරපොරිසානං,
මතම්හි රුණ්ණං න යසො න ලොක්යං
න වණ්ණිතං සමණබ්රාහ්මණෙහි.
යං ජීවිතත්ථං පරපොරිසානං,
මතම්හි රුණ්ණං න යසො න ලොක්යං
න වණ්ණිතං සමණබ්රාහ්මණෙහි.
555. චක්ඛුං සරීරං උපහන්ති රුණ්ණං
නිහීයති වණ්ණබලං මතී ච,
ආනන්දිනො තස්ස දිසා භවන්ති
හිතෙසිනො නාස්ස සුඛී භවන්ති.
නිහීයති වණ්ණබලං මතී ච,
ආනන්දිනො තස්ස දිසා භවන්ති
හිතෙසිනො නාස්ස සුඛී භවන්ති.
556. තස්මා හි ඉච්ඡෙය්ය කුලෙ වසන්තෙ
මෙධාවිනො චෙව බහුස්සුතෙ ච,
යෙසං හි පඤ්ඤාවිභවෙන කිච්චං
තරන්ති නාවාය නදිං ව පුණ්ණ’න්ති.
මෙධාවිනො චෙව බහුස්සුතෙ ච,
යෙසං හි පඤ්ඤාවිභවෙන කිච්චං
තරන්ති නාවාය නදිං ව පුණ්ණ’න්ති.
ඉත්ථං සුදං ආයස්මා මහාකප්පිකො ථෙරො ගාථායො අභාසිත්ථා’ති.
මහාකප්පිනත්ථෙරගාථා.
10. 1. 4.
557. දන්ධා මය්හං ගති ආසි පරිභූතො පුරෙ අහං,
භාතා ච මං පණාමෙසි ගච්ඡ දානි තුවං ඝරං.
භාතා ච මං පණාමෙසි ගච්ඡ දානි තුවං ඝරං.
558. සොහං පණාමිතො භාතා සඞ්ඝාරාමස්ස කොට්ඨකෙ,
දුම්මනො තත්ථ අට්ඨාසිං සාසනස්මිං අපෙඛවා.
දුම්මනො තත්ථ අට්ඨාසිං සාසනස්මිං අපෙඛවා.
559. භගවා තත්ථ ආගඤ්ඡි සීසං මය්හං පරාමසි,
බාහාය මං ගහෙත්වාන සඞ්ඝාරාමං පවෙසයී.
බාහාය මං ගහෙත්වාන සඞ්ඝාරාමං පවෙසයී.
560. අනුකම්පාය මෙ සත්ථා පාදාසි පාදපුඤ්ඡනිං
එතං සුද්ධං අධිට්ඨෙහි එකමන්තං ස්වධිට්ඨිතං.
එතං සුද්ධං අධිට්ඨෙහි එකමන්තං ස්වධිට්ඨිතං.
561. තස්සාහං වචනං සුත්වා විහාසිං සාසනෙ රතො,
සමාධිං පටිපාදෙසිං උත්තමත්ථස්ස පත්තියා.
සමාධිං පටිපාදෙසිං උත්තමත්ථස්ස පත්තියා.
562. පුබ්බෙනිවාසං ජානාමි දිබ්බචක්ඛු විසොධිතං,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.