1. 9. 4.
84. සබ්බරත්තිං සුපිත්වාන දිවා සඞ්ගණිකෙ රතො,
කුදස්සු නාම දුම්මෙධො දුක්ඛස්සන්තං කරිස්සතී’ති.
කුදස්සු නාම දුම්මෙධො දුක්ඛස්සන්තං කරිස්සතී’ති.
ඉත්ථං සුදං ආයස්මා නීතො ථෙරො ගාථං අභාසිත්ථා’ති.
නීතත්ථෙරගාථා.
1. 9. 5.
85. චිත්තනිමිත්තස්ස කොවිදො පවිවෙකරසං විජානිය,
ඣායං නිපකො පතිස්සතො අධිගච්ඡෙය්ය සුඛං නිරාමිසන්ති.
ඣායං නිපකො පතිස්සතො අධිගච්ඡෙය්ය සුඛං නිරාමිසන්ති.
ඉත්ථං සුදං ආයස්මා සුනාගො ථෙරො ගාථං අභාසිත්ථා’ති.
සුනාගත්ථෙරගාථා.
1. 9. 6.
86. ඉතො බහිද්ධා පුථු අඤ්ඤවාදිනං
මග්ගො න නිබ්බානගමො යථා අයං,
ඉතිස්සු සඞ්ඝං භගවානුසාසති
සත්ථා සයං පාණිතලෙව දස්සය’න්ති.
මග්ගො න නිබ්බානගමො යථා අයං,
ඉතිස්සු සඞ්ඝං භගවානුසාසති
සත්ථා සයං පාණිතලෙව දස්සය’න්ති.
ඉත්ථං සුදං ආයස්මා නාගිතො ථෙරො ගාථං අභාසිත්ථා’ති.
නාගිතත්ථෙරගාථා.
1. 9. 7.
87. ඛන්ධා දිට්ඨා යථාභූතං භවා සබ්බෙ පදාලිතා
වික්ඛීණො ජාතිසංසාරො නත්ථි දානි පුනබ්භවො’ති.
වික්ඛීණො ජාතිසංසාරො නත්ථි දානි පුනබ්භවො’ති.
ඉත්ථං සුදං ආයස්මා පවිට්ඨො ථෙරො ගාථං අභාසිත්ථා’ති.
පවිට්ඨත්ථෙරගාථා.
1. 9. 8.
88. අසක්ඛිං වත අත්තානං උද්ධාතුං උදකා ජලං
වුය්හමානො මහොඝෙව සච්චානි පටිවිජ්ඣහ’න්ති.
වුය්හමානො මහොඝෙව සච්චානි පටිවිජ්ඣහ’න්ති.
ඉත්ථං සුදං ආයස්මා අජ්ජුනො ථෙරො ගාථං අභාසිත්ථා’ති.
අජ්ජුනත්ථෙරගාථා.
1. 9. 9.
89. උත්තිණ්ණා පඞ්කපලිපා පාතාලා පරිවජ්ජිතා,
මුත්තා ඔඝා ච ගන්ථා ච සබ්බෙ මානා විසංහතා’ති.
මුත්තා ඔඝා ච ගන්ථා ච සබ්බෙ මානා විසංහතා’ති.
ඉත්ථං සුදං ආයස්මා දෙවසභො ථෙරො ගාථං අභාසිත්ථා’ති.
පඨමදෙවසභත්ථෙරගාථා.
1. 9. 10.
90. පඤ්චක්ඛන්ධා පරිඤ්ඤාතා තිට්ඨන්ති ඡින්නමූලකා,
වික්ඛීණො ජාතිසංසාරො නත්ථි දානි පුනබ්භවො’ති.
වික්ඛීණො ජාතිසංසාරො නත්ථි දානි පුනබ්භවො’ති.
ඉත්ථං සුදං ආයස්මා සාමිදත්තො ථෙරො ගාථං අභාසිත්ථා’ති.
සාමිදත්තත්ථෙරගාථා.
නවමො වග්ගො.
තස්සුද්දානං:
ථෙරො සමිතිගුත්තො ච කස්සපො සීහසව්හයො
නීතො සුනාගො නාගිතො පවිට්ඨො අජ්ජුනො ඉසි,
දෙවසභො ච යො ථෙරො සාමිදත්තො මහබ්බලො’ති.
නීතො සුනාගො නාගිතො පවිට්ඨො අජ්ජුනො ඉසි,
දෙවසභො ච යො ථෙරො සාමිදත්තො මහබ්බලො’ති.