1. 8. 4.
74. කාමච්ඡන්දො ච බ්යාපාදො ථීනමිද්ධං ච භික්ඛුනො
උද්ධච්චං විචිකිච්ඡා ච සබ්බසො’ව න විජ්ජතී’ති.
උද්ධච්චං විචිකිච්ඡා ච සබ්බසො’ව න විජ්ජතී’ති.
ඉත්ථං සුදං ආයස්මා සුයාමො ථෙරො ගාථං අභාසිත්ථා’ති.
සුයාමත්ථෙරගාථා.
1. 8. 5.
75. සාධු සුවිහිතාන දස්සනං කඞ්ඛා ඡිජ්ජති බුද්ධි වඩ්ඪති
බාලම්පි කරොන්ති පණ්ඩිතං තස්මා සාධු සතං සමාගමො’ති.
බාලම්පි කරොන්ති පණ්ඩිතං තස්මා සාධු සතං සමාගමො’ති.
ඉත්ථං සුදං ආයස්මා සුසාරදො ථෙරො ගාථං අභාසිත්ථා’ති.
සුසාරදත්ථෙරගාථා.
1. 8. 6.
76. උප්පතන්තෙසු නිපතෙ නිපතන්තෙසු උප්පතෙ
වසෙ අවසමානෙසු රමමානෙසු නො රමෙ’ති.
වසෙ අවසමානෙසු රමමානෙසු නො රමෙ’ති.
ඉත්ථං සුදං ආයස්මා පියඤ්ජහො ථෙරො ගාථං අභාසිත්ථා’ති.
පියඤ්ජහත්ථෙරගාථා.
1. 8. 7.
77. ඉදං පුරෙ චිත්තමචාරි චාරිකං
යෙනිච්ඡකං යත්ථකාමං යථාසුඛං
තදජ්ජහං නිග්ගහෙස්සාමි යොනිසො
හත්ථිප්පභින්නං විය අඞ්කුසග්ගහො’ති.
යෙනිච්ඡකං යත්ථකාමං යථාසුඛං
තදජ්ජහං නිග්ගහෙස්සාමි යොනිසො
හත්ථිප්පභින්නං විය අඞ්කුසග්ගහො’ති.
ඉත්ථං සුදං ආයස්මා හත්ථාරොහපුත්තො ථෙරො ගාථං අභාසිත්ථා’ති.
හත්ථාරොහපුත්තත්ථෙරගාථා.
1. 8. 8.
78. අනෙකජාතිසංසාරං සන්ධාවිස්සං අනිබ්බිසං
තස්ස මෙ දුක්ඛජාතස්ස දුක්ඛක්ඛන්ධො අපරද්ධො’ති.
තස්ස මෙ දුක්ඛජාතස්ස දුක්ඛක්ඛන්ධො අපරද්ධො’ති.
ඉත්ථං සුදං ආයස්මා මෙණඩසිරො ථෙරො ගාථං අභාසිත්ථා’ති.
මෙණ්ඩසිරත්ථෙරගාථා.
1. 8. 9.
79. සබ්බො රාගො පහීනො මෙ සබ්බො දොසො සමූහතො
සබ්බො මෙ විගතො මොහො සීතිභූතොස්මි නිබ්බුතො’ති.
සබ්බො මෙ විගතො මොහො සීතිභූතොස්මි නිබ්බුතො’ති.
ඉත්ථං සුදං ආයස්මා රක්ඛිතො ථෙරො ගාථං අභාසිත්ථා’ති.
රක්ඛිතත්ථෙරගාථා.
1. 8. 10.
80. යං මයා පකතං කම්මං අප්පං වා යදි වා බහුං
සබ්බමෙතං පරික්ඛීණං නත්ථි දානි පුනබ්භවො’ති.
සබ්බමෙතං පරික්ඛීණං නත්ථි දානි පුනබ්භවො’ති.
ඉත්ථං සුදං ආයස්මා උග්ගො ථෙරො ගාථං අභාසිත්ථා’ති.
උග්ගත්ථෙරගාථා.
අට්ඨමො වග්ගො.
තස්සුද්දානං:
වච්ඡපාලො ච යො ථෙරො ආතුමො මාණවො ඉසි
සුයාමො ච සුසාරදො ථෙරො යො ච පියඤ්ජහො
ආරොහපුත්තො මෙණ්ඩසිරො රක්ඛිතො උග්ගසව්හයො’ති.
සුයාමො ච සුසාරදො ථෙරො යො ච පියඤ්ජහො
ආරොහපුත්තො මෙණ්ඩසිරො රක්ඛිතො උග්ගසව්හයො’ති.