1. 12. 5.
115. එසාවහිය්යසෙ පබ්බතෙන බහුකුටජසල්ලකිකෙන,
නෙසාදකෙන ගිරිනා යසස්සිනා පරිච්ඡදෙනා’ති.
නෙසාදකෙන ගිරිනා යසස්සිනා පරිච්ඡදෙනා’ති.
ඉත්ථං සුදං ආයස්මා මහානාමො ථෙරො ගාථං අභාසිත්ථා’ති.
මහානාමත්ථෙරගාථා.
1. 12. 6.
116. ඡ ඵස්සායතනෙ හිත්වා ගුත්තද්වාරො සුසංවුතො,
අඝමූලං වමිත්වාන පත්තො මෙ ආසවක්ඛයො’ති.
අඝමූලං වමිත්වාන පත්තො මෙ ආසවක්ඛයො’ති.
ඉත්ථං සුදං ආයස්මා පාරාසරියත්ථෙරො ගාථං අභාසිත්ථා’ති.
පාරාසරියත්ථෙරගාථා.
1. 12. 7.
117. සුවිලිත්තො සුවසනො සබ්බාභරණභූසිතො,
තිස්සො විජ්ජා අජ්ඣගමිං කතං බුද්ධස්ස සාසන’න්ති.
තිස්සො විජ්ජා අජ්ඣගමිං කතං බුද්ධස්ස සාසන’න්ති.
ඉත්ථං සුදං ආයස්මා යසො ථෙරො ගාථං අභාසිත්ථා’ති.
යසත්ථෙරගාථා.
1. 12. 8.
118. අභිසත්ථොව නිපතති
වයො රූපං අඤ්ඤමිව තථෙව සන්තං,
තස්සෙව සතො අවිප්පවසතො
අඤ්ඤස්සෙව සරාමි අත්තාන’න්ති.
වයො රූපං අඤ්ඤමිව තථෙව සන්තං,
තස්සෙව සතො අවිප්පවසතො
අඤ්ඤස්සෙව සරාමි අත්තාන’න්ති.
ඉත්ථං සුදං ආයස්මා කිම්බිලො ථෙරො ගාථං අභාසිත්ථා’ති.
කිම්බිලත්ථෙරගාථා.
1. 12. 9.
119. රුක්ඛමූලගහනං පසක්කිය
නිබ්බානං හදයස්මිං ඔපිය
ඣාය ගොතම මා ච පාමදො
කිං තෙ බිලිබිලිකා කරිස්සතී’ති.
නිබ්බානං හදයස්මිං ඔපිය
ඣාය ගොතම මා ච පාමදො
කිං තෙ බිලිබිලිකා කරිස්සතී’ති.
ඉත්ථං සුදං ආයස්මා වජ්ජිපුත්තො ථෙරො ගාථං අභාසිත්ථා’ති.
වජ්ජිපුත්තත්ථෙරගාථා.
1. 12. 10.
120. පඤ්චක්ඛන්ධා පරිඤ්ඤාතා තිට්ඨන්ති ඡින්නමූලකා,
දුක්ඛක්ඛයො අනුප්පත්තො පත්තො මෙ ආසවක්ඛයො’ති.
දුක්ඛක්ඛයො අනුප්පත්තො පත්තො මෙ ආසවක්ඛයො’ති.
ඉත්ථං සුදං ආයස්මා ඉසිදත්තො ථෙරො ගාථං අභාසිත්ථා’ති.
ඉසිදත්තත්ථෙරගාථා.
වග්ගො ද්වාදසමො.
තස්සුද්දානං:
ජෙන්තො ච වච්ඡගොත්තො ච වච්ඡො ච වනසව්හයො,
අධිමුත්තො මහානාමො පාරාසරියො යසො පි ච,
කිම්බිලො වජ්ජිපුත්තො ච ඉසිදත්තො මහායසො’ති.
අධිමුත්තො මහානාමො පාරාසරියො යසො පි ච,
කිම්බිලො වජ්ජිපුත්තො ච ඉසිදත්තො මහායසො’ති.
තත්රුද්දානං:
වීසුත්තරසතං ථෙරා කතකිච්චා අනාසවා,
එකකෙව නිපාතම්හි සුසඞ්ගීතා මහෙසිභී’ති.
එකකෙව නිපාතම්හි සුසඞ්ගීතා මහෙසිභී’ති.
එකකනිපාතො නිට්ඨිතො.