1. 11. 6.
106. සතලිඞ්ගස්ස අත්ථස්ස සතලක්ඛණධාරිනො,
එකඞ්ගදස්සී දුම්මෙධො සතදස්සී ච පණ්ඩිතො’ති.
එකඞ්ගදස්සී දුම්මෙධො සතදස්සී ච පණ්ඩිතො’ති.
ඉත්ථං සුදං ආයස්මා සුහෙමන්තො ථෙරො ගාථං අභාසිත්ථා’ති.
සුහෙමන්තත්ථෙරගාථා.
1. 11. 7.
107. පබ්බජිං තුලයිත්වාන අගාරස්මානගාරියං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා ධම්මසවො ථෙරො ගාථං අභාසිත්ථා’ති.
ධම්මසවත්ථෙරගාථා.
1. 11. 8.
108. ස වීසංවස්සසතිකො පබ්බජිං අනගාරියං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා ධම්මසවපිතුත්ථෙරො ගාථං අභාසිත්ථා’ති.
ධම්මසවපිතුත්ථෙරගාථා.
1. 11. 9.
109. න නූනායං පරමහිතානුකම්පිනො
රහොගතො අනුවිගණෙති සාසනං,
තථාහයං විහරති පාකතින්ද්රියො
මිගී යථා තරුණජාතිකා වනෙ’ති.
රහොගතො අනුවිගණෙති සාසනං,
තථාහයං විහරති පාකතින්ද්රියො
මිගී යථා තරුණජාතිකා වනෙ’ති.
ඉත්ථං සුදං ආයස්මා සඞ්ඝරක්ඛිතො ථෙරො ගාථං අභාසිත්ථා’ති.
සඞ්ඝරක්ඛිතත්ථෙරගාථා.
1. 11. 10.
110. නගා නගග්ගෙසු සුසංවිරූළ්හා
උදග්ගමෙඝෙන නවෙන සිත්තා
විවෙකකාමස්ස අරඤ්ඤසඤ්ඤිනො
ජනෙති භිය්යො උසභස්ස කල්යත’න්ති.
උදග්ගමෙඝෙන නවෙන සිත්තා
විවෙකකාමස්ස අරඤ්ඤසඤ්ඤිනො
ජනෙති භිය්යො උසභස්ස කල්යත’න්ති.
ඉත්ථං සුදං ආයස්මා උසභො ථෙරො ගාථං අභාසිත්ථා’ති.
උසභත්ථෙරගාථා.
එකාදසමො වග්ගො.
තස්සුද්දානං:
බෙලට්ඨානිකසෙතුච්ඡා බන්ධුරො ඛිතකො ඉසී,
මලිතවම්භො සුහෙමන්තො ධම්මසවො ධම්මසවපිතා,
සඞ්ඝරක්ඛිතත්ථෙරො ච උසභො ච මහාමුනී’ති.
මලිතවම්භො සුහෙමන්තො ධම්මසවො ධම්මසවපිතා,
සඞ්ඝරක්ඛිතත්ථෙරො ච උසභො ච මහාමුනී’ති.