1. 1. 7.
7. යොපානුදී මච්චුරාජස්ස සෙනං
නළසෙතුං ව සුදුබ්බලං මහොඝො
විජිතාවී අපෙතභෙරවො හි
දන්තො සො පරිනිබ්බුතො ඨිතත්තො’ති.
නළසෙතුං ව සුදුබ්බලං මහොඝො
විජිතාවී අපෙතභෙරවො හි
දන්තො සො පරිනිබ්බුතො ඨිතත්තො’ති.
ඉත්ථං සුදං ආයස්මා භල්ලියො ථෙරො ගාථං අභාසිත්ථා’ති.
භල්ලියත්ථෙරගාථා.
1. 1. 8.
8. යො දුද්දමියො දමෙන දන්තො වීරො සන්තුසිතො විතිණ්ණකංඛො
විජිතාවී අපෙතලොමහංසො වීරො සො පරිනිබ්බුතො ඨිතත්තො’ති.
විජිතාවී අපෙතලොමහංසො වීරො සො පරිනිබ්බුතො ඨිතත්තො’ති.
ඉත්ථං සුදං ආයස්මා වීරො ථෙරො ගාථං අභාසිත්ථා’ති.
වීරත්ථෙරගාථා.
1. 1. 9.
9. ස්වාගතං න දුරාගතං නයිදං දුමන්තිතං මම
සංවිභත්තෙසු ධම්මෙසු යං සෙට්ඨං තදුපාගමින්ති.
සංවිභත්තෙසු ධම්මෙසු යං සෙට්ඨං තදුපාගමින්ති.
ඉත්ථං සුදං ආයස්මා පිළින්දවච්ඡො ථෙරො ගාථං අභාසිත්ථා’ති.
පිළින්දවච්ඡත්ථෙරගාථා.
1. 1. 10.
10. විහරි අපෙක්ඛං ඉධ වා හුරං වා
යො වෙදගූ සමිතො යතත්තො
සබ්බෙසු ධම්මෙසු අනූපලිත්තො
ලොකස්ස ධඤ්ඤා උදයබ්බයඤ්ඤා’ති.
යො වෙදගූ සමිතො යතත්තො
සබ්බෙසු ධම්මෙසු අනූපලිත්තො
ලොකස්ස ධඤ්ඤා උදයබ්බයඤ්ඤා’ති.
ඉත්ථං සුදං ආයස්මා පුණ්ණමාසො ථෙරො ගාථං අභාසිත්ථා’ති.
පුණ්ණමාසත්ථෙරගාථා.
පඨමො වග්ගො.
තස්සුද්දානං:
සුභූති කොට්ඨිතො ථෙරො කඞ්ඛාරෙවතසම්මතො
මන්තාණිපුත්තො දබ්බො ච සීතවනියො ච භල්ලියො
වීරො පිළින්දවච්ඡො ච පුණ්ණමාසො තමොනුදො’ති.
මන්තාණිපුත්තො දබ්බො ච සීතවනියො ච භල්ලියො
වීරො පිළින්දවච්ඡො ච පුණ්ණමාසො තමොනුදො’ති.