5. 16.
පිඞ්ගියසුත්තං
1125. ජිණ්ණො හමස්මි අබලො වීතවණ්ණො (ඉච්චා යස්මා පිඞ්ගියො)
නෙත්තා න සුද්ධා සවනං න ඵාසු,
මාහං නස්සං මොමුහො අන්තරාව
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
නෙත්තා න සුද්ධා සවනං න ඵාසු,
මාහං නස්සං මොමුහො අන්තරාව
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
1126. දිස්වාන රූපෙසු විහඤ්ඤමානෙ (පිඞ්ගියාති භගවා)
රුප්පන්ති රූපෙසු ජනා පමත්තා,
තස්මා තුවං පිඞ්ගිය අප්පමත්තො
ජහස්සු රූපං අපුනබ්භවාය.
රුප්පන්ති රූපෙසු ජනා පමත්තා,
තස්මා තුවං පිඞ්ගිය අප්පමත්තො
ජහස්සු රූපං අපුනබ්භවාය.
1127. දිසා චතස්සො විදිසා චතස්සො
උද්ධං අධො දසදිසා ඉමායො
න තුය්හං අදිට්ඨං අසුතං’ මුතං වා,
අථො අවිඤ්ඤාණං කිඤ්චි න මත්ථි ලොකෙ
ආචික්ඛ ධම්මං යමහං විජඤ්ඤං
ජාති ජරාය ඉධ විප්පහානං.
උද්ධං අධො දසදිසා ඉමායො
න තුය්හං අදිට්ඨං අසුතං’ මුතං වා,
අථො අවිඤ්ඤාණං කිඤ්චි න මත්ථි ලොකෙ
ආචික්ඛ ධම්මං යමහං විජඤ්ඤං
ජාති ජරාය ඉධ විප්පහානං.
1128. තණ්හාධිපන්නෙ මනුජෙ පෙක්ඛමානො (පිඞ්ගියාති භගවා)
සන්තා පජා තෙ ජරසා පරෙතෙ,
තස්මා තුවං පිඞ්ගිය අප්පමත්තො
ජහස්සු තණ්හං අපුනබ්භවායාති.
සන්තා පජා තෙ ජරසා පරෙතෙ,
තස්මා තුවං පිඞ්ගිය අප්පමත්තො
ජහස්සු තණ්හං අපුනබ්භවායාති.
පිඞ්ගියසුත්තං සොළසමං.
ඉදමවොච භගවා මගධෙසු විහරන්තො පාසාණකෙ චෙතියෙ පරිචාරිකසොළසානං බ්රාහ්මණානං අජ්ඣිට්ඨො පුට්ඨො පුට්ඨො පඤ්හෙ ව්යාකාසි, එකමෙකස්ස චෙපි පඤ්හස්ස අත්ථමඤ්ඤාය ධම්මමඤ්ඤාය ධම්මානුධම්මං පටිපජ්ජෙය්ය ගච්ඡෙය්යෙව ජරා මරණස්සපාරං පාරඞ්ගමනියා ඉමෙ ධම්මාති. තස්මා ඉමස්ස ධම්මපරියායස්ස පාරායනන්තෙව අධි වචනං:
1129. අජිතො තිස්ස මෙත්තෙය්යො පුණ්ණකො අථ මෙත්තගූ,
ධොතකො උපසීවො ච නන්දො ච අථ හෙමකො.
ධොතකො උපසීවො ච නන්දො ච අථ හෙමකො.
1130. තොදෙය්යකප්පා දුභයො ජතුකණ්ණී ච පණ්ඩිතො,
භද්රාවුධො උදයො ච පොසාලො චාපි බ්රාහ්මණො,
මොඝරාජා ච මෙඛාවි පිඞ්ගියොව මහාඉසී.
භද්රාවුධො උදයො ච පොසාලො චාපි බ්රාහ්මණො,
මොඝරාජා ච මෙඛාවි පිඞ්ගියොව මහාඉසී.
1131. එතෙ බුද්ධං උපාගච්ඡුං සම්පන්න චරණං ඉසිං
පුච්ඡන්තා නිපුණෙ පඤ්හෙ බුද්ධසෙට්ඨං උපාගමුං.
පුච්ඡන්තා නිපුණෙ පඤ්හෙ බුද්ධසෙට්ඨං උපාගමුං.