5. 13.
උදයසුත්තං
1110. ඣායිං විරජමාසීනං (ඉච්චා යස්මා උදයො)
කතකිච්චං අනාසවං
පාරගුං සබ්බධම්මානං අත්ථි පඤ්හෙන ආගමං,
අඤ්ඤා විමොක්ඛං පබ්රූහි අවිජ්ජාය පභෙදනං.
කතකිච්චං අනාසවං
පාරගුං සබ්බධම්මානං අත්ථි පඤ්හෙන ආගමං,
අඤ්ඤා විමොක්ඛං පබ්රූහි අවිජ්ජාය පභෙදනං.
1111. පහානං කාමච්ඡන්දානං (උදයාති භගවා)
දොමනස්සානං චූභයං,
ථිනස්ස ච පනූදනං කුක්කුච්චානං නිවාරණං.
දොමනස්සානං චූභයං,
ථිනස්ස ච පනූදනං කුක්කුච්චානං නිවාරණං.
1112. උපෙඛා සති සංසුද්ධං ධම්මතක්කපුරෙජවං,
අඤ්ඤා විමොක්ඛං පබ්රූමි අවිජ්ජාය පභෙදනං.
අඤ්ඤා විමොක්ඛං පබ්රූමි අවිජ්ජාය පභෙදනං.
1113. කිංසු සංයොජනො ලොකො (ඉච්චායස්මා උදයො)
කිංසු තස්ස විචාරණා,
කිස්සස්ස විප්පහානෙන නිබ්බානමිති වුච්චති.
කිංසු තස්ස විචාරණා,
කිස්සස්ස විප්පහානෙන නිබ්බානමිති වුච්චති.
1114. නන්දි සංයොජනො ලොකො (උදයාති භගවා)
විතක්කස්ස විචාරණා,
තණ්හාය විප්පහානෙන නිබ්බානමිති වුච්චති.
විතක්කස්ස විචාරණා,
තණ්හාය විප්පහානෙන නිබ්බානමිති වුච්චති.
1115. කථං සතස්ස චරතො (ඉච්චායස්මා උදයං)
විඤ්ඤාණං උපරුජ්ඣති,
භගවන්තං පුට්ඨුමාගම්ම තං සුණොම වචො තව:
විඤ්ඤාණං උපරුජ්ඣති,
භගවන්තං පුට්ඨුමාගම්ම තං සුණොම වචො තව:
1116. අජ්ඣත්තඤ්ච බහිද්ධා ච වෙදනං නාභිනන්දිතො,
එවං සතස්ස චරතො විඤ්ඤාණං උපරුජ්ඣතීති.
එවං සතස්ස චරතො විඤ්ඤාණං උපරුජ්ඣතීති.
උදයසුත්තං තෙරසමං.
5. 14.
පොසාලසුත්තං
1117. යො අතීතං ආදියති (ඉච්චායස්මා පොසාලො)
අනෙජො ඡින්නසංසයො,
පාරගුං සබ්බධම්මානං අත්ථිපඤ්හෙන ආගමං.
අනෙජො ඡින්නසංසයො,
පාරගුං සබ්බධම්මානං අත්ථිපඤ්හෙන ආගමං.
1118. විභූතරූපසඤ්ඤිස්ස සබ්බකායප්පහායිනො
අජ්ඣත්තඤ්ච බහිද්ධා ච නත්ථි කිඤ්චීති පස්සතො,
ඤාණං සක්කානු පුච්ඡාමි කථං නෙය්යො තථා විධො.
අජ්ඣත්තඤ්ච බහිද්ධා ච නත්ථි කිඤ්චීති පස්සතො,
ඤාණං සක්කානු පුච්ඡාමි කථං නෙය්යො තථා විධො.
1119. විඤ්ඤාණට්ඨිතියො සබ්බා (පොසො ලාති භගවා)
අභිජානං තථාගතො
තිට්ඨන්තමෙනං ජානාති විමුත්තං තප්පරායණං.
අභිජානං තථාගතො
තිට්ඨන්තමෙනං ජානාති විමුත්තං තප්පරායණං.
1120. ආකිඤ්චඤ්ඤා සම්භවං ඤත්වා නන්දි සංයොජනං ඉති,
එවමෙතං අභිඤ්ඤාය තතො තත්ථ විපස්සති:
එතං ඤාණං තථං තස්ස බ්රාහ්මණස්ස වුසීමතොති.
එවමෙතං අභිඤ්ඤාය තතො තත්ථ විපස්සති:
එතං ඤාණං තථං තස්ස බ්රාහ්මණස්ස වුසීමතොති.
පොසාලසුත්තං චුද්දසමං.