815. කින්නු උම්මත්තරූපො ච මිගො භන්තො ව ධාවසි,
නිස්සංසයං පාපකම්මන්තො කින්නු සද්දායසෙ තුවං.

816. අහං භද්දන්ත පෙතොම්හි දුග්ගතො යමලොකිකො,
පාපකම්මං කරිත්වාන පෙතලොකං ඉතො ගතො.

817. සට්ඨිකූටසහස්සානි පරිපුණ්ණානි සබ්බසො,
සීසෙ මය්හං නිපතන්ති තෙ භින්දන්ති ච මත්ථකං.

818. කින්නු කායෙන වාචාය මනසා දුක්කටං කතං,
කිස්ස කම්මවිපාකෙන ඉදං දුක්ඛං නිගච්ඡසි.

819. සට්ඨිකූටසහස්සානි පරිපුණ්ණානි සබ්බසො,
සීසෙ තුය්හං නිපතන්ති තෙ භින්දන්ති ච මත්ථකං.

820. අථද්දසාසිං සම්බුද්ධං සුනෙත්තං භාවිතින්ද්රියං,
නිසින්නං රුක්ඛමූලස්මිං ඣායන්තමකුතොභයං.

821. සාලිත්තකප්පහාරෙන භින්දිස්සං තස්ස මත්ථකං,
තස්ස කම්මවිපාකෙන ඉදං දුක්ඛං නිගච්ඡිසං.

822. සට්ඨිකූටසහස්සානි පරිපුණ්ණානි සබ්බසො,
සීසෙ මය්හං නිපතන්ති තෙ භින්දන්ති ච මත්ථකං.

823. ධම්මෙන තෙ කාපුරිසා-
සට්ඨිකූටසහස්සානි පරිපුණ්ණානි සබ්බසො,
සීසෙ තුය්හං නිපතන්ති තෙ භින්දන්ති ච මත්ථක’න්ති.

අම්බසක්ඛරො සෙරිස්සකො පිඞ්ගලො රෙවතී උච්ඡුඛාදකා
ද්වෙ කුමාරා ද්වෙ ගූථඛාදකා ගණපාටලි පොක්ඛරඤ්ච අම්බරුක්ඛ-
භොගසංහාරා සෙට්ඨිපුත්ත සට්ඨිකූටා ඉති සොළසවත්ථූනි
තෙන පවුච්චතී’ති.