4. 11.
802. දිට්ඨා තයා නිරයා තිරච්ඡානයොනි
පෙතා අසුරා අථවාපි මනුස්සා දෙවා
සයමද්දස කම්මවිපාකමත්තනො
නෙස්සාමි තං පාටලිපුත්තමක්ඛතං
තත්ථ ගන්ත්වා කුසලං කරොහි ධම්මං.
පෙතා අසුරා අථවාපි මනුස්සා දෙවා
සයමද්දස කම්මවිපාකමත්තනො
නෙස්සාමි තං පාටලිපුත්තමක්ඛතං
තත්ථ ගන්ත්වා කුසලං කරොහි ධම්මං.
803. අත්ථකාමොසි මෙ යක්ඛ හිතකාමොසි දෙවතෙ,
කරොමි තුය්හං වචනං ත්වංසි ආචරියො මම.
කරොමි තුය්හං වචනං ත්වංසි ආචරියො මම.
804. දිට්ඨා මයා නිරයා තිරච්ඡානයොනි
පෙතා අසුරා අථවාපි මනුස්සා දෙවා
සයමද්දස කම්මවිපාකමත්තනො
කාහාමි පුඤ්ඤානි අනප්පකානී’ති.
පෙතා අසුරා අථවාපි මනුස්සා දෙවා
සයමද්දස කම්මවිපාකමත්තනො
කාහාමි පුඤ්ඤානි අනප්පකානී’ති.
පාටලීපුත්තපෙතවත්ථු එකාදසමං.
4. 12.
805. අයඤ්ච තෙ පොක්ඛරණී සුරම්මා
සමා සුප්පතිත්ථා මහොදිකා ච,
සුපුප්ඵිතා භමරගණානුකිණ්ණා
කථං තයා ලද්ධා අයං මනුඤ්ඤා.
සමා සුප්පතිත්ථා මහොදිකා ච,
සුපුප්ඵිතා භමරගණානුකිණ්ණා
කථං තයා ලද්ධා අයං මනුඤ්ඤා.
806. ඉදඤ්ච තෙ අම්බවනං සුරම්මං
සබ්බොතුකං ධාරයතෙ ඵලානි,
සුපුප්ඵිතං භමරගණානුකිණ්ණං
කථං තයා ලද්ධමිදං විමානං.
සබ්බොතුකං ධාරයතෙ ඵලානි,
සුපුප්ඵිතං භමරගණානුකිණ්ණං
කථං තයා ලද්ධමිදං විමානං.
807. අම්බපක්කොදකං යාගු සීතච්ඡායා මනොරමා,
ධීතරා දින්නදානෙන තෙන මෙ ඉධ ලබ්භති.
ධීතරා දින්නදානෙන තෙන මෙ ඉධ ලබ්භති.
808. සන්දිට්ඨිකං කම්මං එවං පස්සථ
දානස්ස දමස්ස සංයමස්ස විපාකං,
දාසී අහං අය්යකුලෙසු හුත්වා
සුණිසා හොමි අගාරස්ස ච ඉස්සරා’ති.
දානස්ස දමස්ස සංයමස්ස විපාකං,
දාසී අහං අය්යකුලෙසු හුත්වා
සුණිසා හොමි අගාරස්ස ච ඉස්සරා’ති.
පොක්ඛරණීපෙතවත්ථු ද්වාදසමං.
4. 13.
809. යං දදාති න තං හොති දෙථෙව දානං දත්වා උභයං තරති,
උභයං තෙන දානෙන ගච්ඡති ජාගරථ මා පමජ්ජථා’ති.
උභයං තෙන දානෙන ගච්ඡති ජාගරථ මා පමජ්ජථා’ති.
අම්බරුක්ඛපෙතවත්ථු තෙරසමං.
4. 14.
810. මයං භොගෙ සම්භරිම්හා සමෙන විසමෙන ච,
තෙ අඤ්ඤෙ පරිභුඤ්ජන්ති මයං දුක්ඛස්ස භාගිනී’ති.
තෙ අඤ්ඤෙ පරිභුඤ්ජන්ති මයං දුක්ඛස්ස භාගිනී’ති.
භොගසංහරණපෙතවත්ථු චුද්දසමං.
4. 15.
811. සට්ඨිවස්සසහස්සානි පරිපුණ්ණානි සබ්බසො,
නිරයෙ පච්චමානානං කදා අන්තො භවිස්සති.
නිරයෙ පච්චමානානං කදා අන්තො භවිස්සති.
812. නත්ථි අන්තො කුතො අන්තො න අන්තො පතිදිස්සති,
තථා හි පකතං පාපං මම තුය්හං ච මාරිස.
තථා හි පකතං පාපං මම තුය්හං ච මාරිස.