2. 10.
334. දිවාවිහාරගතං භික්ඛුං ගඞ්ගාතීරෙ නිසින්නකං,
තං පෙතී උපසඞ්කම්ම දුබ්බණ්ණා භීරුදස්සනා.
තං පෙතී උපසඞ්කම්ම දුබ්බණ්ණා භීරුදස්සනා.
335. කෙසා චස්සා අතිදීඝා යාව භූමාවලම්බරෙ,
කෙසෙහි සා පටිච්ඡන්නා සමණං එතදබ්රවී.
කෙසෙහි සා පටිච්ඡන්නා සමණං එතදබ්රවී.
336. පඤ්චපණ්ණාසවස්සානි යතො කාලකතා අහං,
නාභිජානාමි භුත්තං වා පීතං වා පන පානීයං:
දෙහි ත්වං පානීයං භන්තෙ තසිතා පානීයාය මෙ’ති.
නාභිජානාමි භුත්තං වා පීතං වා පන පානීයං:
දෙහි ත්වං පානීයං භන්තෙ තසිතා පානීයාය මෙ’ති.
337. අයං සීතොදිකා ගඞ්ගා හිමවන්නතො සන්දති,
පිව එත්තො ගහෙත්වාන කිං මං යාචසි ජානීයං.
පිව එත්තො ගහෙත්වාන කිං මං යාචසි ජානීයං.
338. සචාහං භන්තෙ ගඞ්ගාය සයං ගණ්හාමි පානීයං,
ලොහිතං මෙ පරිවත්තති තස්මා යාචාමි පානීයං.
ලොහිතං මෙ පරිවත්තති තස්මා යාචාමි පානීයං.
339. කින්නු කායෙන වාචාය මනසා දුක්කටං කතං,
කිස්ස කම්මවිපාකෙන ගඞ්ගා තෙ හොති ලොහිතන්ති.
කිස්ස කම්මවිපාකෙන ගඞ්ගා තෙ හොති ලොහිතන්ති.
340. පුත්තො මෙ උත්තරො නාම සද්ධො ආසි උපාසකො,
සො මය්හං අකාමාය සමණානං පවෙච්ඡති.
සො මය්හං අකාමාය සමණානං පවෙච්ඡති.
341. චීවරං පිණ්ඩපාතඤ්ච පච්චයං සයනාසනං,
තමහං පරිභාසාමි මච්ඡෙරෙන උපද්දුතා.
තමහං පරිභාසාමි මච්ඡෙරෙන උපද්දුතා.
342. යං ත්වං මය්හං අකාමාය සමණානං පවෙච්ඡසි,
චීවරං පිණ්ඩපාතඤ්ච පච්චයං සයනාසනං.
චීවරං පිණ්ඩපාතඤ්ච පච්චයං සයනාසනං.
343. එතං තෙ පරලොකස්මිං ලොහිතං හොතු උත්තරං
තස්ස කම්ම විපාකෙන ගඞ්ගා මෙ හොති ලොහිත’න්ති.
තස්ස කම්ම විපාකෙන ගඞ්ගා මෙ හොති ලොහිත’න්ති.
උත්තරමාතුපෙතවත්ථු දසමං.
2. 11.
344. අහං පුරෙ පබ්බජිතස්ස භික්ඛුනො
සුත්තං අදාසිං උපගම්ම යාචිතා,
තස්ස විපාකො විපුලඵලූපලබ්භති
බහූ ච මෙ උපපජ්ජරෙ වත්ථකොටියො.
සුත්තං අදාසිං උපගම්ම යාචිතා,
තස්ස විපාකො විපුලඵලූපලබ්භති
බහූ ච මෙ උපපජ්ජරෙ වත්ථකොටියො.
345. පුප්ඵාභිකිණ්ණං රමිතං විමානං
අනෙකචිත්තං නරනාරිසෙවිතං,
සාහං භුඤ්ජාමි ච පාරුපාමි ච
පහූතචිත්තා න ච තාව ඛීයති.
අනෙකචිත්තං නරනාරිසෙවිතං,
සාහං භුඤ්ජාමි ච පාරුපාමි ච
පහූතචිත්තා න ච තාව ඛීයති.
346. තස්සෙව කම්මස්ස විපාකමන්වයා
සුඛඤ්ච සාතඤ්ච ඉධූපලබ්භති,
සාහං ගන්ත්වා පුනරෙව මානුසං
කාහාමි පුඤ්ඤානි නයය්යපුත්ත මං.
සුඛඤ්ච සාතඤ්ච ඉධූපලබ්භති,
සාහං ගන්ත්වා පුනරෙව මානුසං
කාහාමි පුඤ්ඤානි නයය්යපුත්ත මං.
347. සත්ත තුවං වස්සසතා ඉධාගතා
ජිණ්ණා ච වුද්ධා ච තහිං භවිස්සසි,
සබ්බෙව තෙ කාලකතා ච ඤාතකා
කිං තත්ථ ගන්ත්වාන ඉතො කරිස්සසි.
ජිණ්ණා ච වුද්ධා ච තහිං භවිස්සසි,
සබ්බෙව තෙ කාලකතා ච ඤාතකා
කිං තත්ථ ගන්ත්වාන ඉතො කරිස්සසි.
348. සත්තෙව වස්සානි ඉධාගතාය මෙ
දිබ්බඤ්ච සුඛඤ්ච සමප්පිතාය,
සාහං ගන්ත්වා පුනරෙව මානුසං
කාහාමි පුඤ්ඤානි නයය්යපුත්ත මන්ති.
දිබ්බඤ්ච සුඛඤ්ච සමප්පිතාය,
සාහං ගන්ත්වා පුනරෙව මානුසං
කාහාමි පුඤ්ඤානි නයය්යපුත්ත මන්ති.
349. සො තං ගහෙත්වාන පසය්හ බාහායං
පච්චානයිත්වාන ථෙරිං සුදුබ්බලං,
වදෙසි අඤ්ඤම්පි ජනං ඉධාගතං
කරොථ පුඤ්ඤානි සුඛූපලබ්භති.
පච්චානයිත්වාන ථෙරිං සුදුබ්බලං,
වදෙසි අඤ්ඤම්පි ජනං ඉධාගතං
කරොථ පුඤ්ඤානි සුඛූපලබ්භති.
350. දිට්ඨා මහා අකතෙන සාධුනා
පෙතා විහඤ්ඤන්ති තථෙව මානුසා,
කම්මඤ්ච කත්වා සුඛවෙදනීයං
දෙවා මනුස්සා ච සුඛෙ ඨිතා පජාති.
පෙතා විහඤ්ඤන්ති තථෙව මානුසා,
කම්මඤ්ච කත්වා සුඛවෙදනීයං
දෙවා මනුස්සා ච සුඛෙ ඨිතා පජාති.
සුත්තපෙතවත්ථු එකාදසමං.
2. 12.
351. සොවණ්ණ සොපානඵලකා සොවණ්ණ වාලුකසන්ථතා
තත්ථ සොගන්ධියා වග්ගූ සුචිගන්ධා මනොරමා.
තත්ථ සොගන්ධියා වග්ගූ සුචිගන්ධා මනොරමා.
352. නානා රුක්ඛෙහි සඤ්ඡන්නා නානාගන්ධසමෙරිතා,
නානාපදුමසඤ්ඡන්නා පුණ්ඩරීකසමොතතා.
නානාපදුමසඤ්ඡන්නා පුණ්ඩරීකසමොතතා.
353. සුරභී සම්පවායන්තී මනුඤ්ඤා මාලුතෙරිතා,
හංසා කොඤ්චාභිරුදා චක්කවාකාභිකූජිතා.
හංසා කොඤ්චාභිරුදා චක්කවාකාභිකූජිතා.
354. නානා දිජගණාකිණ්ණා නානාඝරගණායුතා,
නානාඵලධරා රුක්ඛා නානාපුප්ඵධරා වනා
නානාඵලධරා රුක්ඛා නානාපුප්ඵධරා වනා