5. මඞ්ගලසුත්තං
එවං මෙ සුත: එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. අථ ඛො අඤ්ඤතරා දෙවතා අභික්කන්තාය රත්තියා අභික්කන්තවණ්ණා කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමි. උපසඞ්කමිත්වා භගවන්තං අභිවාදෙත්වා එකමන්තං අට්ඨාසි. එකමන්තං ඨිතා ඛො සා දෙවතා භගවන්තං ගාථාය අජ්ඣභාසි.
1. බහූ දෙවා මනුස්සා ච මඞ්ගලානි අචින්තයුං,
ආකඞ්ඛමානා සොත්ථානං බ්රූහි මඞ්ගලමුත්තමං.
ආකඞ්ඛමානා සොත්ථානං බ්රූහි මඞ්ගලමුත්තමං.
2. අසෙවනා ච බාලානං පණ්ඩිතානං ච සෙවනා,
පූජා ච පූජනීයානං එතං මඞ්ගලමුත්තමං.
පූජා ච පූජනීයානං එතං මඞ්ගලමුත්තමං.
3. පතිරූපදෙසවාසො ච පුබ්බෙ ච කතපුඤ්ඤතා
අත්තසම්මාපණිධි ච එතං මඞ්ගලමුත්තමං.
අත්තසම්මාපණිධි ච එතං මඞ්ගලමුත්තමං.
4. බාහුසච්චඤ්ච සිප්පඤ්ච විනයො ච සුසික්ඛිතො
සුභාසිතා ච යා වාචා එතං මඞ්ගලමුත්තමං.
සුභාසිතා ච යා වාචා එතං මඞ්ගලමුත්තමං.
5. මාතාපිතුඋපට්ඨානං පුත්තදාරස්ස සඞ්ගහො
අනාකුලා ච කම්මන්තා එතං මඞ්ගලමුත්තමං.
අනාකුලා ච කම්මන්තා එතං මඞ්ගලමුත්තමං.
6. දානං ච ධම්මචරියා ච ඤාතකානඤ්ච සඞ්ගහො
අනවජ්ජානි කම්මානි එතං මඞ්ගලමුත්තමං.
අනවජ්ජානි කම්මානි එතං මඞ්ගලමුත්තමං.
7. ආරති විරති පාපා මජ්ජපානා ච සඤ්ඤමො
අප්පමාදො ච ධම්මෙසූ එතං මඞ්ගලමුත්තමං.
අප්පමාදො ච ධම්මෙසූ එතං මඞ්ගලමුත්තමං.
8. ගාරවො ච නිවාතො ච සන්තුට්ඨි ච කතඤ්ඤුතා
කාලෙන ධම්මසවණං එතං මඞ්ගලමුත්තමං.
කාලෙන ධම්මසවණං එතං මඞ්ගලමුත්තමං.
9. ඛන්තී ච සොවචස්සතා සමණානඤ්ච දස්සනං
කාලෙන ධම්මසාකච්ඡා එතං මඞ්ගලමුත්තමං.
කාලෙන ධම්මසාකච්ඡා එතං මඞ්ගලමුත්තමං.
10. තපො ච බ්රහ්මචරියඤ්ච අරියසච්චානදස්සනං
නිබ්බාණසච්ඡිකිරියා ච එතං මඞ්ගලමුත්තමං.
නිබ්බාණසච්ඡිකිරියා ච එතං මඞ්ගලමුත්තමං.
11. පුට්ඨස්ස ලොකධම්මෙහි චිත්තං යස්ස න කම්පති
අසොකං විරජං ඛෙමං එතං මඞ්ගලමුත්තමං.
අසොකං විරජං ඛෙමං එතං මඞ්ගලමුත්තමං.
12. එතාදිසානි කත්වාන සබ්බත්ථ මපරාජිතා
සබ්බත්ථ සොත්ථිං ගච්ඡන්ති තං තෙසං මඞ්ගලමුත්තමන්ති.
සබ්බත්ථ සොත්ථිං ගච්ඡන්ති තං තෙසං මඞ්ගලමුත්තමන්ති.
මඞ්ගලසුත්තං.
6. රතනසුත්තං
1. යානීධ භූතානි සමාගතානි භුම්මානි වා යානි ව අන්තළික්ඛෙ
සබ්බෙව භූතා සුමනා භවන්තු අථො’පි සක්කච්ච සුණන්තු භාසිතං.
සබ්බෙව භූතා සුමනා භවන්තු අථො’පි සක්කච්ච සුණන්තු භාසිතං.
2. තස්මා හි භූතා නිසාමෙථ සබ්බෙ, මෙත්තං කරොථ මානුසියා පජාය.
දිවා ච රත්තො ච හරන්ති යෙ බලිං තස්මා හි නෙ රක්ඛථ අප්පමත්තා.
දිවා ච රත්තො ච හරන්ති යෙ බලිං තස්මා හි නෙ රක්ඛථ අප්පමත්තා.
3. යං කිඤ්චි විත්තං ඉධ වා හුරං වා
සග්ගෙසු වා යං රතනං පණීතං
න නො සමං අත්ථි තථාගතෙන
ඉදම්පි බුද්ධෙ රතනං පණීතං
එතෙන සච්චෙන සුවත්ථි හොතු.
සග්ගෙසු වා යං රතනං පණීතං
න නො සමං අත්ථි තථාගතෙන
ඉදම්පි බුද්ධෙ රතනං පණීතං
එතෙන සච්චෙන සුවත්ථි හොතු.
4. ඛයං විරාගං අමතං පණීතං
යදජ්ඣගා සක්යමුනී සමාහිතො
න තෙන ධම්මෙන සමත්ථි කිඤ්චි
ඉදම්පි ධම්මෙ රතනං පණීතං
එතෙන සච්චෙන සුවත්ථි හොතු.
යදජ්ඣගා සක්යමුනී සමාහිතො
න තෙන ධම්මෙන සමත්ථි කිඤ්චි
ඉදම්පි ධම්මෙ රතනං පණීතං
එතෙන සච්චෙන සුවත්ථි හොතු.
5. යම්බුද්ධසෙට්ඨො පරිවණ්ණයී සුචිං
සමාධිමානන්තරිකඤ්ඤමාහු
සමාධිනා තෙන සමො න විජ්ජති
ඉදම්පි ධම්මෙ රතනං පණීතං
එතෙන සච්චෙන සුවත්ථි හොතු
සමාධිමානන්තරිකඤ්ඤමාහු
සමාධිනා තෙන සමො න විජ්ජති
ඉදම්පි ධම්මෙ රතනං පණීතං
එතෙන සච්චෙන සුවත්ථි හොතු