8. පදුම බුද්ධවංසො
1. අනොම දස්සිස්ස අපරෙන සම්බුද්ධො දිපදුත්තමො
පදුමො නාම නාමෙන අසමො අප්පටිපුග්ගලො.
පදුමො නාම නාමෙන අසමො අප්පටිපුග්ගලො.
2. තස්සා’පි අසමං සීලං සමාධි’පි අනන්තකො
අසඞ්ඛෙය්යං ඤාණවරං විමුත්ති ච අනූපමා.
අසඞ්ඛෙය්යං ඤාණවරං විමුත්ති ච අනූපමා.
3. තස්සා’පි අතුලතෙජස්ස ධම්මචක්කප්පවත්තනෙ
අභිසමයා තයො ආසුං මහාතමපවාහනා.
අභිසමයා තයො ආසුං මහාතමපවාහනා.
4. පඨමාභිසමයෙ බුද්ධො කොටිසතමබොධයී
දුතියාභිසමයෙ ධීරො නවුතිකොටිමබොධයී.
දුතියාභිසමයෙ ධීරො නවුතිකොටිමබොධයී.
5. යදා ච පදුමො බුද්ධො ඔවදී සකම’ත්රජං
තදා අසීතිකොටීනං තතියා’භිසමයො අහු.
තදා අසීතිකොටීනං තතියා’භිසමයො අහු.
6. සන්නිපාතා තයො ආසුං පදුමස්ස මහෙසිනො,
කොටිසතසහස්සානං පඨමො ආසි සමාගමො.
කොටිසතසහස්සානං පඨමො ආසි සමාගමො.
7. කඨිනත්ථාරසමයෙ උප්පන්නෙ කඨිනචීවරෙ
ධම්මසෙනාපත’ත්ථාය භික්ඛු සිබ්බිංසු චීවරං.
ධම්මසෙනාපත’ත්ථාය භික්ඛු සිබ්බිංසු චීවරං.
8. තදා තෙ විමලා භික්ඛු ඡළභිඤ්ඤා මහිද්ධිකා
තීණි සතසහස්සානි සමිංසු අපරාජිතා.
තීණි සතසහස්සානි සමිංසු අපරාජිතා.
9. පුනාපරං සො නරාසභො පවනෙ වාසං උපාගතො
තදා සමාගමො ආසා ද්වින්නං සතසහස්සානං.
තදා සමාගමො ආසා ද්වින්නං සතසහස්සානං.
10. අහං තෙන සමයෙන සීහො ආසිං මිගාධිභූ
පවිවෙකමනුබ්රූහන්තං පවනෙ අද්දසං ජිනං.
පවිවෙකමනුබ්රූහන්තං පවනෙ අද්දසං ජිනං.
11. වන්දිත්වා සිරසා පාදෙ කත්වාන තං පදක්ඛිණං
තික්ඛත්තුං අභිනාදිත්වා. සත්තාහං ජිනමුපට්ඨහිං.
තික්ඛත්තුං අභිනාදිත්වා. සත්තාහං ජිනමුපට්ඨහිං.
12. සත්තාහං වරසමාපත්තියා උට්ඨහිත්වා තථාගතො
මනසා චින්තයිත්වාන කොටිභික්ඛු සමානයී.
මනසා චින්තයිත්වාන කොටිභික්ඛු සමානයී.
13. තදාපි සො මහාවීරො තෙසං මජ්ඣෙ වියාකරී
අපරිමෙය්යෙ ඉතො කප්පෙ අයං බුද්ධො භවිස්සති.
අපරිමෙය්යෙ ඉතො කප්පෙ අයං බුද්ධො භවිස්සති.
14. අහු කපිලම්හයා රම්මා නික්ඛමිත්වා තථාගතො
පධානං පදහිත්වාන කත්වා දුක්කරකාරිකං.
පධානං පදහිත්වාන කත්වා දුක්කරකාරිකං.
15. අජපාලරුක්ඛමූලස්මිං නිසීදිත්වා තථාගතො
තත්ථ පායාසමග්ගය්හ නෙරඤ්ජරමුපෙහිති.
තත්ථ පායාසමග්ගය්හ නෙරඤ්ජරමුපෙහිති.
16. නෙරඤ්ජරාය තීරම්හි පායාසං ආදාය සො ජිනො
පටියත්තවරමග්ගෙන බොධිමූලම්හි එහිති.
පටියත්තවරමග්ගෙන බොධිමූලම්හි එහිති.
17. තතො පදක්ඛිණං කත්වා බොධිමණ්ඩං අනුත්තරො
අස්සත්ථරුක්ඛමූලම්හි බුජ්ඣිස්සති මහායසො.
අස්සත්ථරුක්ඛමූලම්හි බුජ්ඣිස්සති මහායසො.
18. ඉමස්ස ජනිකා මාතා මායා නාම භවිස්සති
පිතා සුද්ධොදනො නාම අයං හෙස්සති ගොතමො.
පිතා සුද්ධොදනො නාම අයං හෙස්සති ගොතමො.
19. කොලිතො උපතිස්සො ච අග්ගා හෙස්සන්ති සාවකා
ආනන්දො නාමුපට්ඨාකො උපට්ඨිස්සති තං ජිනං.
ආනන්දො නාමුපට්ඨාකො උපට්ඨිස්සති තං ජිනං.
20. ඛෙමා උප්පලවණ්ණා ච අග්ගා හෙස්සන්ති සාවිකා
බොධි තස්ස භගවතො අස්සත්ථො’ති පවුච්චති.
බොධි තස්ස භගවතො අස්සත්ථො’ති පවුච්චති.
21. චිත්තො ච හත්ථාළවකො අග්ගා හෙස්සන්තු’පට්ඨකා
උත්තරා නන්දමාතා ච අග්ගා හෙස්සන්තු’පට්ඨිකා
ආයු වස්ස සතං තස්ස ගොතමස්ස යසස්සිනො.
උත්තරා නන්දමාතා ච අග්ගා හෙස්සන්තු’පට්ඨිකා
ආයු වස්ස සතං තස්ස ගොතමස්ස යසස්සිනො.
22. ඉදං සුත්වාන වචනං අසමස්ස මහෙසිනො
ආමොදිතා නරමරූ බුද්ධබීජඞ්කුරො අයං.
ආමොදිතා නරමරූ බුද්ධබීජඞ්කුරො අයං.
23. උක්කුට්ඨිසද්දං වත්තෙන්ති අප්ඵොඨෙන්ති හසන්ති ච
කතඤ්ජලී නමස්සන්ති දසසහස්සී සදෙවකා.
කතඤ්ජලී නමස්සන්ති දසසහස්සී සදෙවකා.
24. යදි’මස්ස ලොකනාථස්ස විරජ්ඣිස්සාම සාසනං
අනාගතම්හි අද්ධානෙ හෙස්සාම සම්මුඛා ඉමං.
අනාගතම්හි අද්ධානෙ හෙස්සාම සම්මුඛා ඉමං.
25. යථා මනුස්සා නදිං තරන්තා පටිතිත්ථං විරජ්ඣිය
හෙට්ඨා තිත්ථෙ ගහෙත්වාන උත්තරන්ති මහානදිං.
හෙට්ඨා තිත්ථෙ ගහෙත්වාන උත්තරන්ති මහානදිං.
26. එව’මෙව මයං සබ්බෙ යදි මුඤ්චාමි’මං ජිනං
අනාගතම්හි අද්ධානෙ හෙස්සාම සම්මුඛා ඉමං.
අනාගතම්හි අද්ධානෙ හෙස්සාම සම්මුඛා ඉමං.